Yeremi 49:5 - Bibeli Gusunɔn Gari

⁵ Gusunɔ, wɔllu kɑ tem Yinni u nɛɛ, wee kon bɛɛ nɔni swɑ̃ɑru suremɑ. Tɑ koo nɑwɑ sɑɑ bɑɑmɑn di, kpɑ i yɑrinɑ. Goo mɑɑ sɑri wi u koo bɛɛ mɛnnɑ.

Yeremi 49:5 ပူးပေါင်းရင်းမြစ်များ

Sinɑmbu II 19:7

U koo de Asirin sinɑ boko wi, u lɑbɑɑri ɡɑɑ nɔ kpɑ yu win bwɛ̃rɑ ɡɔsiɑ u wurɑ win temɔ. Miyɑ u koo de bu nùn ɡo kɑ tɑkobi.

Yoobu 15:21

Kpɑ u n ɡbɑ̃sukunu nɔɔmɔ ni nu koo nùn bɛrum mwɑ. Wi u koo nùn kɑm koosiɑ, u koo nùn wɔri subɑru sɔɔ.

Mɔnnu 28:1

Wi u kɔ̃sɑ mɔ̀ u rɑ dukɑ suwɑ bɑɑ ɡoo ù kun nùn ɡire. Adɑmɑ wi u kun ɡɑ̃ɑnu kue, u rɑ n tororu sɔ̃wɑ nɡe ɡbee sunɔ kpɛmbu.

Esɑi 16:3

Bɑ koo Yudɑbɑ sɔ̃ bu nɛɛ, i sun bwisi kɛ̃ɔ i sun sɔ̃ɔwɔ ye sɑ ko ko. I de bɛɛn sɑɑru tɑ n sun wukiri sɔ̃ɔ sɔɔ nɡe yɑm wɔ̃kuru. I sun beruo bɛsɛ be bɑ nɑɑ ɡire. I ku sun yibɛrɛbɑ nɔmu bɛriɑ.

Yeremi 15:8

Kon de ben ɡɔminibu bu yɑni sɛɛri dɑbiru kerɑ yi yi wɑ̃ɑ nim wɔ̃kun ɡoorɔ. Kon de yibɛrɛbɑ bu nɑ bu ben ɑluwɑɑsibɑn mɛrobu wɔri sɔ̃ɔ sɔɔ ɡbɑ̃ɑrɑ. Kpɑ nuku sɑnkirɑru kɑ bɛrum ben mɛro be deemɑ subɑru sɔɔ.

Yeremi 16:16

Yinni Gusunɔ u nɛɛ, wee, kon yibɛrɛbɑ seeyɑ bu Isirelibɑ mwɛɛri nɡe mɛ susure kowobu bɑ rɑ swɛ̃ɛ mwɛɛri. Yenibɑn biru, kon mɑɑ yibɛrɛ ɡɑbu seeyɑ bu bu wɔri bu ɡo ɡunɡunu wɔllɔ kɑ ɡuunɔ, kɑ sere mɑɑ kpee bɑɑbɑ sɔɔ nɡe mɛ tɑɑsobu bɑ rɑ yɛɛ wɔri bu ɡo.

Yeremi 20:4

Domi Yinni Gusunɔ u ɡeruɑ u nɛɛ, u koo wunɛ kɑ wunɛn bɔrɔbɑ nɑndɑbu kpɛ̃ɛ. U koo de bɛɛn yibɛrɛbɑ bu bɛɛn ɡɑbu ɡo tɑbu sɔɔ, kpɑ ɑ ye wɑ kɑ wunɛn nɔni. Kpɑ Bɑbilonin sinɑ boko u Yudɑbɑ ɡo kpɑ u ɡɑbu yoru mwɛɛri u kɑ dɑ Bɑbiloniɔ.

Yeremi 46:5

Adɑmɑ mbɑ Yinni Gusunɔ u sere wɑɑmɔ yɑ koorɑmɔ ben suunu sɔɔ. U nɛɛ, be wee bɑ mwiɑ kpɑnɑ bɑ biruku yirɑ wurɑmɔ. Bɑ ben tɑbu durɔbu kɑmiɑ. Mɑ bɑ duki mɔ̀, bɑ ǹ mɑm biru mɛɛrimɔ. Tem mɛ kpuro mu bɛrum duurɑ.

Yeremi 49:29

I ben kuu bekunuɡinu kɑ ben yɑɑ sɑbenu kpuro ɡuro, kɑ ben bekɑ kɑ ben sɔmunu kɑ ben yooyoosu, kpɑ i kuuki ko bɑɑmɑ i bu bɛrum tiɑ.

Yeremi 6:25

Goo u ku rɑɑ yɑri u dɑ swɛɛɔ. Goo ku rɑɑ mɑɑ yɑri u dɑ yɑkɑsɔ. Domi yibɛrɛbɑ bɑ wɑ̃ɑ mi, bɑ ben tɑkobibɑ nɛni. Tɔmbɑ bɛrum soore bɑɑmɑ.

Swĩi 4:15

Bɑ̀ n dɑ tɔmbun bɔkuɔ, bɑ rɑ bu ɡirewɑ bu nɛɛ, i doonɔ minin di, bɛɛ disiɡibu. I ku susimɑ i sun bɑbɑ. Yerɑ bɑ rɑ doonɛ min di bɑ kun yɛ̃ mi bɑ dɔɔ. Bɑ̀ n mɑɑ wɑ̃ɑ bwese tukunun suunu sɔɔ, nu rɑ bu sɔ̃wɑ nu nɛɛ, i ku sinɑ bɛsɛn suunu sɔɔ mini n kɑ tɛ.

Amɔsu 4:3

Bɛɛn bɑɑwure u koo yɑri kururun di kpɑ bu bɛɛ kubɑ sɔ̃ɔ yɛ̃sɑn nɔm ɡeu ɡiɑ. Nɛ, Yinni Gusunɔwɑ nɑ yeni ɡeruɑ.

Yosue 2:9

u bu sɔ̃ɔwɑ u nɛɛ, nɑ yɛ̃ mɑ Yinni Gusunɔ u bɛɛ tem mɛ wɛ̃, yeyɑ n derɑ bɛɛn bɛrum sun mwɑ. Tem mɛn tɔmbu kpuro bɑ diirimɔwɑ bɛɛn sɔ̃.