Yeremi 49:4 - Bibeli Gusunɔn Gari

⁴ Bɛɛ Rɑbɑɡibu, bɛɛ be i ku rɑ mɛm nɔ, wee i tii sue bɛɛn wɔwɑ ye yɑ tem ɡem mɔn sɔ̃. Mɑ i bɛɛn dukiɑ nɑɑnɛ sɑ̃ɑ. Mɑ i mɔ̀, wɑrɑ u koo kpĩ u bɛɛ wɔrimɑ.

Yeremi 49:4 ပူးပေါင်းရင်းမြစ်များ

Womusu 49:6

Mbɑn sɔ̃nɑ kon bɛrum ko wɑhɑlɑn sɑɑ sɔɔ. Mbɑn sɔ̃nɑ kon bɛrum ko sɑnɑm mɛ nɛn yibɛrɛbɑ bɑ mɑn sikerenɛ nuku kɔ̃surun sɔ̃.

Womusu 52:7

Yen sɔ̃, ɑ n yɛ̃ mɑ Gusunɔ u koo nun surɑ sere kɑ bɑɑdommɑɔ. U koo nun ɡɑwɑ u yɑrɑ sɑɑ wunɛn kuu bekuruɡirun di, kpɑ u nun wunɑ wɑsobun suunu sɔɔn di.

Womusu 62:10

Tɔnu u sɑ̃ɑwɑ wom dirum. Mɛyɑ u mɑɑ sɑ̃ɑ weesu. Bɑ̀ n nùn kilo sɔndi, kɑɑ deemɑ u ǹ woo bunum turɑ.

Mɔnnu 10:15

Gobiɡiin ɑrumɑni yɑ rɑ nùn kɔ̃suwɑ nɡe ɡbɑ̃rɑru, ɑdɑmɑ sɑ̃ɑron sɑ̃ɑru tɑ rɑ nùn kɑm kowɑ.

Yeremi 21:13

Kon Yerusɑlɛmuɡibu wɔri. Be, be bɑ wɑ̃ɑ wɔwɑ sɔɔ kperun wɔllɔ, bɑɑ bɑ̀ n ɡerumɔ bɑ mɔ̀, wɑrɑ u koo kpĩ u du ben wɑ̃ɑ yerɔ, u ben kuku yeru turi.

Yeremi 3:14

Bu wurɑmɑ nɛn mi, be, bii mɛm nɔɔ sɑribɑ. Domi nɑ sɑ̃ɑwɑ ben Yinni. Kon be bɑ tie yɑrɑmɑ wuu sìn mi bɑ wɑ̃ɑ kpuron di, bɑɑ ǹ n tɔn turon nɑ, ǹ kun mɛ yiru. Kpɑ n kɑ bu wurɑmɑ nɛn mi Siɔniɔ.

Yeremi 31:22

Sere sɑɑ yerɑ̀ i ko i n kɔ̃ɔre i n yɑɑyɑɑre mɔ̀, bɛɛ nɑɑnɛ sɑribɑ. Wee nɛ Yinni Gusunɔ, nɑ ɡɑ̃ɑ kpɑɑnu kuɑ temɔ. Tɔn kurɔwɑ u koo durɔ kɑsu.

Yeremi 48:7

Domi i bɛɛn nɑɑnɛ dokewɑ bɛɛn nɔmɑn sɔmburu kɑ bɛɛn ɑrumɑnibɑ sɔɔ. Wee, tɛ̃ bɑ koo bɛɛn tii mwɛɛri kpɑ bu bɛɛn bũu wi bɑ mɔ̀ Kemɔsi kɑ win yɑ̃ku kowobu kɑ win wiruɡibu yoru mwɑ bu kɑ doonɑ.

Yeremi 49:16

Ben tii suɑbu kɑ ben nɔniɡiru tɑ derɑ bɑ kɔ̃ɔrɑ. Be bɑ wɑ̃ɑ kpee bɑɑbɑ sɔɔ, kɑ sere ɡunɡunun wii kpiinɔ, bɑɑ bɑ̀ n wɑ̃ɑ yenu kuɑ sere wɔllun sɔɔ sɔɔwɔ, nɡe ɡunɔ bɑkeru, kon bu surɑmɑ min di. Nɛ, Yinni Gusunɔwɑ nɑ yeni ɡeruɑ.

Yeremi 7:24

Adɑmɑ bɑ ǹ swɑɑ tem kpĩ bu nɛn ɡɑri nɔ. Ben tiin ɡɔ̃ru kĩrɑ bɑ swĩi, mɑ ben dɑɑ kɔ̃sɑ yɑ sosi.

Yeremi 9:23

Adɑmɑ wi u kĩ u woo kɑnɑ, u woo kɑnɔ yèn sɔ̃ u bwisi mɔ u kɑ mɑn tubu, mɑ u yɛ̃ mɑ nɛnɑ nɑ sɑ̃ɑ Yinni Gusunɔ. Nɑ sɑ̃ɑwɑ nɑɑnɛɡii wi u rɑ siri dee dee, kpɑ u de durom mu n wɑ̃ɑ tem sɔɔ. Tɔn benin bweserɑ bɑ rɑ mɑn wɛ̃re. Nɛ, Yinni Gusunɔwɑ nɑ yeni ɡeruɑ.

Osee 4:16

Isirelibɑ bɑ sɑ̃ɑwɑ nɡe nɑɑ ɡbiibɑ ye bɑ kpɑnɑ bu kpɑrɑ. Adɑmɑ tɛ̃, Yinni Gusunɔ u koo bu yɔ̃su bɑtumɑ sɔɔ nɡe yɑ̃ɑnu.

Timɔte I 6:17

A tem mɛn ɑrumɑniɡibun lɑɑkɑri seeyo bu ku woo kɑnɑ bu ku rɑɑ mɑɑ ben yĩiyɔbu yi dukiɑ ye yɑ koo kpe sɔɔ. Adɑmɑ bu bu yiiyo Gusunɔ sɔɔ wi u sun kpuro wɛ̃ɛmɔ kɑ nuku tiɑ bɛsɛn nuku dobun sɔ̃.

Kɑ̃siru 18:7

I ye tɔ̃yɑ kɑ nuku sɑnkirɑnu kɔsio, nɡe mɛ yɑ yen yiiko kɑ dukiɑn doo nɔɔru di. Domi yɑ yen tii sɔ̃ɔwɑ yɑ nɛɛ, wee, yɑ sɔ̃ nɡe sinɑ boko, yɑ ǹ sɑ̃ɑ ɡɔmini. Mɛyɑ yɑ ǹ mɑɑ nuku sɑnkirɑnu wɑsi pɑi.