Yeremi 49:3 - Bibeli Gusunɔn Gari

³ Bɛɛ, Hɛsiboniɡibu, i ɡɔɔ swĩiyɔ. Domi bɑ koo Ayi kɑm koosiɑ. Rɑbɑn bɑru kpɑɑnuɡibu, i nɔɔɡiru suo i somiru kɑnɑ. I sɑɑki deewo nuku sɑnkirɑnun sɔ̃, kpɑ i n sirenɛ i n ɡɔɔ sumɔ. Domi bɑ koo bɛɛn bũu wi bɑ mɔ̀ Mɑlikɔmu suɑ, kɑ win yɑ̃ku kowobu kɑ win wiruɡibu bu kɑ doonɑ.

Yeremi 49:3 ပူးပေါင်းရင်းမြစ်များ

Sɑmuɛli II 11:1

Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Dɑfidi u win bwɑ̃ɑbu kɑ win tɑbu sunɔ Yoɑbu kɑ sere mɑɑ Isirelibɑ kpuro ɡɔrɑ bu dɑ bu Amɔnibɑ ɡo. Kpɑ bu wuu ɡe bɑ mɔ̀ Rɑbɑ mwɑ. Adɑmɑ win tii u ǹ de. U sɔ̃ yɛnuɔ Yerusɑlɛmuɔ.

Sinɑmbu I 11:33

U yeni mɔ̀wɑ yèn sɔ̃ be Isirelibɑ bɑ wi Yinni Gusunɔ deri. Mɑ bɑ dɑ bɑ Sidoniɡibun bũu wi bɑ mɔ̀ Asitɑɑte sɑ̃ɑmɔ kɑ Mɔɑbubɑn bũu wi bɑ mɔ̀ Kemɔsi, kɑ Amɔnibɑ bũu wi bɑ mɔ̀ Milikɔmu. Bɑ yinɑ bu sĩ win swɑɑ sɔɔ bu sere ko ye u kĩ. Mɛyɑ bɑ mɑɑ yinɑ bu win woodɑbɑ kɑ win yiirebu mɛm nɔɔwɑ nɡe mɛ Dɑfidi wi, Sɑlomɔɔn tundo u kuɑ.

Sinɑmbu I 11:5

Sɑlomɔɔ u dɑ u Sidoniɡibun bũu wi bɑ mɔ̀ Asitɑɑte kɑ Amɔnibɑn bũu wi bɑ mɔ̀ Milikɔmu sɑ̃ɑmɔ.

Sinɑmbu II 23:13

U derɑ bɑ mɑɑ bũu sɑ̃ɑ yenu kɔsukɑ ni Sɑlomɔɔ u kuɑ Yerusɑlɛmun sɔ̃ɔ yɑri yerɔ Olifin ɡuurun sɔ̃ɔ yɛ̃sɑn nɔm dwɑru ɡiɑ. Miyɑ bɑ rɑ Sidoniɡibun bũu wi bɑ mɔ̀ Asitɑɑte sɑ̃ kɑ Mɔɑbubɑn bũu wi bɑ mɔ̀ Kemɔsi kɑ mɑɑ Amɔnibɑn bũu wi bɑ mɔ̀ Milikɔmu.

Ɛsidɑrɑsi 2:28

Betɛliɡibu kɑ Ayiɡibu bɑ sɑ̃ɑwɑ tɔmbu ɡoobu kɑ yɛndɑ itɑ (223).

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 14:31

Bɛɛ be i wɑ̃ɑ wuun ɡbɑ̃rɑ kɔnnɔwɔ i weeweenu koowo bɛrum sɔ̃. Bɛɛ Filisitibɑ kpuro ɡesi i diirio, domi yibɛrɛbɑ bɑ tuɑ seeye nɡe dɔ̃ɔ wiiru. Bɑ wee sɔ̃ɔ yɛ̃sɑn nɔm ɡeu ɡiɑn di, mɑ ben tɑbu sĩi yi bɑɑsinɛ.

Esɑi 15:2

Diboniɡibu bɑ dɑ bũu sɑ̃ɑ yerɔ kɑ ɡuunu wɔllɔ bu kɑ swĩ. Mɔɑbubɑ bɑ weeweenu mɔ̀ wuu si bɑ mɔ̀ Nɛbo kɑ Mɛdebɑn sɔ̃. Mɑ bɑ ben winu kɑ ben tobunu kɔnɑ nuku sɑnkirɑnun sɔ̃.

Esɑi 16:7

Tɛ̃ bɑ weeweenu mɔ̀ ben tiin sɔ̃, bɑ sumɔ Kiri Hɑresɛtin sɔ̃ ye yɑ bɑnsu kuɑ.

Esɑi 23:1

Gɑri wee yi yi kɑ Tiri yɑ̃. Bɛɛ be i wɑ̃ɑ ɡoo nimkuu bɑkɑsu sɔɔ, i wuri koowo, domi bɛɛn wuu ɡɑ kɑm kuɑ. Yɛnusu kun mɑɑ wɑ̃ɑ, duu yeru mɑɑ sɑri. Sɑɑ Kitimun tem diyɑ sɑ yen lɑbɑɑri nuɑ.

Esɑi 23:6

Bɛɛ be i wɑ̃ɑ nim wɔ̃kun ɡooru ɡiɑ, i wuri koowo i kɑ dɑ Tɑɑsisiɔ.

Yeremi 4:8

I sɑɑki sebuo nuku sɑnkirɑnun sɔ̃ kpɑ i swĩ i weeweenu ko, domi Yinni Gusunɔn mɔru kun sun doonɑrimɔ.

Yeremi 46:25

Nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ mɑɑ nɛɛ, kon bũu wi bɑ mɔ̀ Amɔɔ sɛɛyɑsiɑ wi u wɑ̃ɑ Tebɛsiɔ, kɑ Eɡibitin sunɔ, kɑ Eɡibitiɡibu kpuro kɑ ben bũnu kɑ ben sinɑmbu, kɑ sere mɑɑ be bɑ Eɡibitin sunɔ wi nɑɑnɛ sɑ̃ɑ.

Yeremi 48:2

Mɔɑbun bɛɛrɛ yɑ kpɑ. Mɑ bɑ bwisikumɔ bu Hɛsiboni kɑm koosiɑ. Bɑ mɔ̀, su dɑ su ye kɑm koosiɑ kpɑ yɑ kun mɑɑ wɑ̃ɑ hɑnduniɑ sɔɔ. Wunɛ Mɑdimɛni, kɑɑ ko bɑnsu, domi wee bɑ nun tɑbu wɔrimɑm wee.

Yeremi 48:20

Bɑ koo bɛɛ wisi bu nɛɛ, bɑ wɑ̃ɑwɑ sekuru sɔɔ bɑ diirimɔ. I kuuki koowo, i ɡbɑ̃rɑ, kpɑ i bɑɑwure nɔɔsiɑ Aɑnɔɔwɔ mɑ bɑ Mɔɑbubɑ ɡurɑ.

Yeremi 48:37

Tɔmbu kpuro bɑ ben seri kɑ ben tobɑ kɔnɑ, bɑ tii mururɑ nɔmɑ yiru kpuro, bɑ sɑɑki deewɑ ben nuku sɑnkirɑnun sɔ̃.

Yeremi 48:7

Domi i bɛɛn nɑɑnɛ dokewɑ bɛɛn nɔmɑn sɔmburu kɑ bɛɛn ɑrumɑnibɑ sɔɔ. Wee, tɛ̃ bɑ koo bɛɛn tii mwɛɛri kpɑ bu bɛɛn bũu wi bɑ mɔ̀ Kemɔsi kɑ win yɑ̃ku kowobu kɑ win wiruɡibu yoru mwɑ bu kɑ doonɑ.

Yeremi 49:1

Wee ye Yinni Gusunɔ u ɡeruɑ Amɔnibɑn sɔ̃. U nɛɛ, mbɑn sɔ̃nɑ bũu wi bɑ mɔ̀ Mɑlikɔmu u Gɑdin tem mwɑ. Mbɑn sɔ̃nɑ win tɔmbu Amɔnibɑ bɑ Isirelibɑn wusu wɔrɑ. Isirelibɑ bɑ ǹ bibu mɔwɑ be bɑ koo mu tubi di?

Yeremi 51:8

Wee subɑru sɔɔ, Bɑbiloni yɑ wɔrumɑ yɑ kɔsikirɑ. I ɡɔɔ swĩiyɔ yen sɔ̃, kpɑ i kɑ tim nɑ i doke mi yɑ bosu wɑ. Sɔrɔkudo yɑ koo bɛkurɑ.

Yeremi 6:26

Yinni Gusunɔ u nɛɛ, bɛɛ nɛn tɔmbu, i sɑɑki pɔrɑ sɛ̃keo kpɑ i tii torom wisi nuku sɑnkirɑnun sɔ̃. Bɛɛn bɑɑwure u ɡɔɔ swĩiyɔ nɡe wi u win bii teereru biɑ. I wuri koowo kɑ nɔni yĩresu. Domi wi u koo bɛɛ kpeerɑsiɑ u koo bɛɛ wɔriwɑ subɑru sɔɔ.

Amɔsu 1:15

Kpɑ bu ben sinɑ boko kɑ win tɑbu sinɑmbu yoru mwɛɛri. Nɛ, Yinni Gusunɔwɑ nɑ yeni ɡeruɑ.

Sofoni 1:5

Be bɑ dii tɛɛri wɔllɔ kperi kɑ suru sɑ̃ɑmɔ kɑ be bɑ bɔ̃rumɔ kɑ nɛ, Yinni Gusunɔn yĩsiru, mɑ bɑ wure bɑ bɔ̃rumɔ kɑ ben bũun yĩsiru, be kpurowɑ kon ɡo.

Yɑkɔbu 5:1

Tɛ̃ bɛɛ dukiɑɡibu, i mɑn swɑɑ dɑkio. I swĩiyɔ kpɑ i n ɑrɑru mɔ̀ wɑhɑlɑ ye yɑ bɛɛ sisien sɔ̃.

Yosue 7:2

Yerɑ Yosue u tɔmbu ɡɔrɑ Yerikon di Ayiɔ, ye yɑ wɑ̃ɑ Bɛti Afɛnin bɔkuɔ, Betɛlin sɔ̃ɔ yɑri yeru ɡiɑ. U bu sɔ̃ɔwɑ u nɛɛ, i doo i tem mɛn sɑriɑ mɛɛri. Mɑ bɑ dɑ bɑ Ayin sɑriɑ mɛɛrɑ.

Yosue 8:1

Yinni Gusunɔ u Yosue sɔ̃ɔwɑ u nɛɛ, ɑ ku nɑndɑ, ɑ seewo ɑ tɑbu durɔbu kpuro suɑ kpɑ i Ayi wɔri. Domi nɑ bɛɛ yen sunɔ kɑ win tɔmbu kɑ win wuu kɑ ɡen bɑru kpɑɑnu kpuro nɔmu bɛriɑ.

Yosue 8:28

Mɑ Yosue u wuu ɡe dɔ̃ɔ sɔkɑ mɑ ɡɑ kuɑ bɑnsu sere kɑ ɡisɔn ɡisɔ.