Yeremi 49:2 - Bibeli Gusunɔn Gari

² Yen sɔ̃ tɛ̃, kon de tɑbun wurenu nu nɔɔrɑ ben wuu mɑroɔ ɡe bɑ mɔ̀ Rɑbɑ. Rɑbɑ ye, yɑ koo bɑnsu ko, kpɑ yen bɑru kpɑɑnu nu dɔ̃ɔ mwɑɑkirɑ. Nɡe mɛyɑ Isirelibɑ bɑ koo bu ɡirɑ be, be bɑ rɑɑ bu ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 49:2 ပူးပေါင်းရင်းမြစ်များ

Sɑmuɛli II 11:1

Wɔ̃ɔ kpɔɔn sɑɑ yè sɔɔ sinɑmbu bɑ rɑ tɑbu yɑri, yerɑ Dɑfidi u win bwɑ̃ɑbu kɑ win tɑbu sunɔ Yoɑbu kɑ sere mɑɑ Isirelibɑ kpuro ɡɔrɑ bu dɑ bu Amɔnibɑ ɡo. Kpɑ bu wuu ɡe bɑ mɔ̀ Rɑbɑ mwɑ. Adɑmɑ win tii u ǹ de. U sɔ̃ yɛnuɔ Yerusɑlɛmuɔ.

Womusu 48:11

Nɡe mɛ ɑ yĩsiru yɑrɑ, nɡe mɛyɑ bɑ koo nun tɔmɑ hɑnduniɑn ɡoonu nnɛ sɔɔ. Domi ɑ rɑ tɔmbu kpɑre ɡem sɔɔ.

Womusu 97:8

Yinni Gusunɔ, Siɔniɡibu bɑ ye nuɑ mɑ bɑ nukuru dorɑ. Yudɑbɑ bɑ nuku dobu mɔ̀ wunɛn siribun sɔ̃.

Esɑi 11:14

Bɑ koo mɛnnɑ bu Filisitibɑ wɔriwɑ sɔ̃ɔ duu yeru ɡiɑ, kpɑ bu Filisiti be ko ben yobu. Mɛyɑ bɑ koo mɑɑ mɛnnɑ bu sɔ̃ɔ yɑri yeruɡibu wɔri. Bɑ koo Edɔmu kɑ Mɔɑbubɑ dɑm dɔre, kpɑ bu Amɔnibɑ tɑɑre.

Esɑi 17:1

Yinni Gusunɔ u nɛɛ, wee Dɑmɑsi yɑ ǹ ko n mɑɑ wɑ̃ɑ, yɑ koo kowɑ bɑnsu.

Yeremi 4:19

Yeremi u nɛɛ, nɛn nuki mɑn wuririmɔ mɑ nɛn tororɑ kɑrɑ. Nɑ ǹ kpɛ̃ n nɔɔ mɑri wɑhɑlɑ yenin sɔ̃. Nɑ tɑbun kɔbɑ nɔɔmɔ. Bu wee.

Yeremi 49:1

Wee ye Yinni Gusunɔ u ɡeruɑ Amɔnibɑn sɔ̃. U nɛɛ, mbɑn sɔ̃nɑ bũu wi bɑ mɔ̀ Mɑlikɔmu u Gɑdin tem mwɑ. Mbɑn sɔ̃nɑ win tɔmbu Amɔnibɑ bɑ Isirelibɑn wusu wɔrɑ. Isirelibɑ bɑ ǹ bibu mɔwɑ be bɑ koo mu tubi di?

Esekiɛli 21:20

Yɑ bɑɑwuren wɔruɡɔrun dɑm buɑmɔ. Yɑ derɑ bɑ wɔrukumɔ. Wee nɑ derɑ yɑ wɑ̃ɑ bɑɑwuren kɔnnɔwɔ. Wee yɑ bɑllimɔ nɡe ɡuru mɑɑkinu, yɑ sɔɔru sɑ̃ɑ yu kɑ ɡo.

Esekiɛli 21:25

Kɑɑ swɑɑ yiru ye kowɑ, tiɑ yɑ n dɔɔ Rɑbɑ ɡiɑ, ye bɑ koo swĩi bu kɑ Amɔnibɑ tɑbu wɔri, tiɑ mɑɑ Yerusɑlɛmu ɡiɑ ye bɑ koo swĩi bu kɑ Yudɑbɑ tɑbu wɔri.

Amɔsu 1:14

Yen sɔ̃, kon de bu ben wuu Rɑbɑ tɑbu wɔri bu ye dɔ̃ɔ sɔku, kpɑ u yen dii ɡeenu di mɑm mɑm. Sɑɑ ye sɔɔ, tɑbun wurenu koo nɔɔrɑ nɡe woo bɔkɔ.

Abudiɑsi 1:19

Yudɑ be bɑ wɑ̃ɑ sɔ̃ɔ yɛ̃sɑn nɔm dwɑru ɡiɑ bɑ koo Edɔmubɑn tem mɛ mwɑ. Be bɑ wɑ̃ɑ wɔwɑɔ, bɑ koo Filisitibɑn tem kɑ Sɑmɑriɡim kɑ Efɑrɑimuɡim mwɑ, kpɑ Bɛnyɑmɛɛbɑ bu mɑɑ Gɑlɑdin tem mwɑ.

Gbɑburu 10:9

Ì n duɑ bɛɛn tem sɔɔ, i tɑbu mɔ̀ kɑ bɛɛn yibɛrɛbɑ i ko i kɔbi yi sowɑ i n kuuki koosimɔ kpɑ nɛ, Yinni Gusunɔ n kɑ bɛɛ yɑɑyɑ n bɛɛ wɔrɑ yibɛrɛ ben nɔmɑn di.

Gbɑburu 21:25

Mɑ Isirelibɑ bɑ Amɔrebɑn wusu kpuro mwɛɛrɑ bɑ sinɑ mi kɑ Hɛsiboniɔ kɑ ɡen bɑru kpɑɑnɔ.

Sɔ̃ɔsiru 13:16

Bɑ̀ n ye kuɑn nɑ, sɑɑ yerɑ i ko wuu ɡen tɔmbu kpuro ɡo kɑ ben yɑɑ sɑbenu kpɑ i wuu ɡen tii kpeerɑsiɑ kɑ ye yɑ wɑ̃ɑ ɡe sɔɔ.

Sɔ̃ɔsiru 3:11

N deemɑ Refɑbɑn bweseru sɔɔ, Oɡu, Bɑsɑnin sinɑ boko, wi turowɑ u rɑɑ tie. Kpɑkoro sisuɡiru sɔɔrɑ bɑ win ɡoru doke. Kpɑkoro te, tɑ wɑ̃ɑ Amɔnibɑn wuu mɑro Rɑbɑɔ. Ten dɛ̃ɛbu sɑ̃ɑwɑ ɡɔm soonu nɔɔbɑ nnɛ. Mɑ ten yɑsum sɑ̃ɑ ɡɔm soonu nnɛ.

Yosue 17:11

Yerɑ bɑ Mɑnɑsebɑ wusu ɡɑsu wɛ̃ si su wɑ̃ɑ Isɑkɑribɑn tem sɔɔ, kɑ Asɛɛbɑɡim sɔɔ. Wuu siyɑ Bɛti Seɑni, kɑ Yibileɑmu, ɡen bɑɑɡere kɑ ɡen bɑru kpɑɑnu, kɑ sere mɑɑ Dori kɑ Eni Dori, kɑ Tɑnɑki, kɑ Mɛɡido, ɡen bɑɑɡere kɑ ɡen bɑru kpɑɑnu.

Yosue 17:16

Mɑ tɔn be, bɑ nùn wisɑ bɑ nɛɛ, ɡeemɑ, ɡuurun berɑ mi ɡiɑn tem kun sun turi. Yen biru Kɑnɑni be bɑ wɑ̃ɑ wɔwɑɔ bɑ tɑbu kɛkɛ sisuɡii yi dumi ɡɑwe mɔ. Mɛyɑ mɑɑ be bɑ wɑ̃ɑ Bɛti Seɑniɔ kɑ yen bɑru kpɑɑnɔ, kɑ sere mɑɑ be bɑ wɑ̃ɑ Yisirɛɛlin wɔwɑɔ.