Yeremi 48:44 - Bibeli Gusunɔn Gari

⁴⁴ Wi u dukɑ mɔ̀ bɛrum sɔ̃, u koo wɔriwɑ suurɑ ye sɔɔ. Wi u mɑɑ yɑrɑ suurɑ yen di, kpɑ u tɑɑ mwɑɑrɑ. Domi kon de Mɔɑbun sɛɛyɑsiɑbun tɔ̃ru tu nɑ. Nɛ, Yinni Gusunɔwɑ nɑ yeni ɡeruɑ.

Yeremi 48:44 ပူးပေါင်းရင်းမြစ်များ

Sinɑmbu I 19:17

Kon de Hɑsɑɛli u tɔn be ɡo kɑ tɑkobi. Ben wi u kisirɑ win nɔmɑn di, Yehuwɑ u koo yɛ̃ro ɡo. Wi u mɑɑ kisirɑ Yehun nɔmɑn di, kpɑ Gusunɔn sɔmɔ Elisee u nùn ɡo.

Sinɑmbu I 20:30

Be bɑ tie, bɑ sɑ̃ɑwɑ tɔmbu nɔrɔbun subɑ tɛnɑ itɑ sɑri (27.000). Mɑ bɑ duki yɑkikirɑ, bɑ dɑ bɑ wɑ̃ɑ Afɛkiɔ. Yerɑ ɡbɑ̃rɑrɑ bu sɛ̃re tɑ ɡo. Sɑɑ ye sɔɔrɑ Bɛni Hɑdɑdi u dɑ u kukuɑ Afɛki yen diru ɡɑrun ɡidɑmbisɑn wɔllɔ.

Esɑi 10:3

Sɑnɑm mɛ Yinni Gusunɔ u koo bɛɛ sɛɛyɑsiɑ, mbɑ i ko i ko. Sɑnɑm mɛ kɑm kobu bu koo bɛɛ wɔri sɑɑ tontonden di, mbɑ i ko i ko. Weren miyɑ i ko i duki dɑ i kɑ fɑɑbɑ wɑ. Mɑ ɡiɑ i ko i bɛɛn ɑrumɑni bere.

Esɑi 24:17

Bɛɛ tem mɛn tɔmbu i ko i bɛrum soorɑ domi bɑ bɛɛ yɛ̃ri kɑ suuri bɛrie,

Esɑi 24:18

wi u dukɑ mɔ̀ bɛrum sɔ̃, kpɑ u suurɑ wɔri. Wi u mɑɑ yɑriɔ suurɑn di, kpɑ u yinɑ mwɑɑrɑ. Domi ɡurɑ bɑkɑ koo kindɑmɑ wɔllun di. Kpɑ tem kpɛɛkpɛɛku ɡu diiri.

Yeremi 10:15

Bɑ nu kuɑwɑ bu kɑ tɔmbu nɔni wɔ̃ke. Nu ǹ sɑ̃ɑ ɡɑ̃ɑnu. Nu koo kɑm ko sɔ̃ɔ teeru, dɔmɑ te Yinni Gusunɔ u koo nu siri.

Yeremi 11:23

Domi u koo Anɑtɔtuɡibu nɔni swɑ̃ɑru kpɛ̃ɛwɑ wɔ̃ɔ ɡè sɔɔ u koo bu mɔru kɔsiɑ kpɑ ɡoo kun tiɑre be sɔɔ.

Yeremi 16:16

Yinni Gusunɔ u nɛɛ, wee, kon yibɛrɛbɑ seeyɑ bu Isirelibɑ mwɛɛri nɡe mɛ susure kowobu bɑ rɑ swɛ̃ɛ mwɛɛri. Yenibɑn biru, kon mɑɑ yibɛrɛ ɡɑbu seeyɑ bu bu wɔri bu ɡo ɡunɡunu wɔllɔ kɑ ɡuunɔ, kɑ sere mɑɑ kpee bɑɑbɑ sɔɔ nɡe mɛ tɑɑsobu bɑ rɑ yɛɛ wɔri bu ɡo.

Yeremi 23:12

Yen sɔ̃nɑ ben swɑɑ yɑ koo wɔriɑ, kpɑ yu bu yɑm tĩre. U koo de bu bu bɔriɑ, kpɑ bu wɔruku sɑɑ ye u koo bu sɛɛyɑsiɑ u de wɑhɑlɑ yu bu deemɑ. Wi, Yinni Gusunɔwɑ u yeni ɡeruɑ.

Yeremi 46:21

Bɛɛn tɑbu kowo be bɑ rɑ bɛɛ somi ɡobin sɔ̃, bɑ bɔɔru nɡe nɑɑ ɡumɡiɑ. Kɑ mɛ, ben tii bɑ koo biruku yirɑ wurɑ bu duki yɑkikirɑ. Domi nɔni swɑ̃ɑrɑ koo bu wɔri. Ben sɛɛyɑsiɑbun sɑɑ yɑ turɑ.

Yeremi 49:8

Bɛɛ Dedɑniɡibu, i ɡɔsiro, i duki yɑkuro i dɑ i kuke kpee bɑɑbɑ sɔɔ. Domi kon Esɑuɡibu nɔni swɑ̃ɑru kpɛ̃ɛ sɑnɑm mɛ kon bu sɛɛyɑsiɑ.

Yeremi 50:24

Bɑbiloni, nɑ nun yinɑ bɛriɑ, mɑ yɑ nun mwɑ ɑ ǹ kɑ bɑɑru. Wee, tɛ̃, ɑ kuɑ pirisɔm, domi ɑ nɛ, Yinni Gusunɔ wɔri.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 51:18

Nu sɑ̃ɑwɑ kɑm dirum mɛ mu tɔmbu nɔni wɔ̃kumɔ. Ni kpuro nu koo doonɑwɑ sɑnɑm mɛ Yinni Gusunɔ u koo nu sɛɛyɑsiɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Swĩi 3:47

Ye yɑ sun tie, yerɑ nɑndɑbu kɑ bɛrum, domi bɑ bɛsɛn yɑ̃nu ɡurɑ, bɛsɛn tem mu kuɑ bɑnsu.

Osee 9:7

Sɑɑ yɑ turɑ yè sɔɔ Yinni Gusunɔ u koo siri. Sɑɑ yɑ tunumɑ yè sɔɔ u koo bɑɑwure kɔsiɑ ye u kuɑ. Bɛɛ Isirelibɑ i ko ye wɑ. Wee bɛɛn torɑnu kɑ bɛɛn tusirun kpɑ̃ɑrun sɔ̃, i rɑ n tɑmɑɑ Gusunɔn sɔmɔ u wiirɑwɑ. Wi, wi Yinni Gusunɔ u kɑ ɡɑri kuɑ u tɑm nɔrɑwɑ. N deemɑ bɛɛ, i torewɑ n kpɑ̃, mɑ i nùn tusɑ.

Amɔsu 5:19

I ko i n sɑ̃ɑwɑ nɡe tɔnu wi u ɡbee sunɔ dukɑ suurimɔ, mɑ u kɑ yɑɑ ɡɔbɑ ɡɑɑ yinnɑ. Ye u duɑ win dirɔ u ɡɑnɑ nɛnuɑ, mɑ wɑɑ yɑ nùn dɔmɑ.

Misee 7:4

Ben wi u sɑnɔ bo, u sɑ̃ɑwɑ nɡe sɑ̃kɑ. Ben wi u dɛɛre, u ɑwĩi kɔ̃si kere. Yen sɔ̃ tɛ̃, tɔ̃ɔ te Gusunɔn sɔmɔbu bɑ bu nɔɔsiɑ tè sɔɔ bɑ koo bu sɛɛyɑsiɑ tɑ tunumɑ. Wee bɑ burisinɛ kɔ nuku sɑnkirɑnun sɔ̃.