Yeremi 48:27 - Bibeli Gusunɔn Gari

²⁷ Bɛɛ Mɔɑbubɑ, i yɑɑyo mɑ i rɑɑ Isirelibɑ yɛ̃ɛ. I rɑɑ bu wii ɡimɑnu koosi nɡe be i ɡbɛnɑ mwɑ.

Yeremi 48:27 ပူးပေါင်းရင်းမြစ်များ

Yoobu 16:4

Ì n dɑɑ wɑ̃ɑ nɛn ɑyerɔ, kpɑ nɑ n mɑɑ wɑ̃ɑ bɛɛɡirɔ, kon bɛɛ ɡɑri sɑɑrisi n wii ɡimɑnu koosi.

Womusu 44:13

A bɛsɛ, wunɛn tɔmbu dɔrɑmɔ ɡobi sɑri, ɑ ǹ mɑɑ sun ɡɑrisi ɡɑ̃ɑ ɡeenu.

Womusu 64:8

Gusunɔ u bu sɛ̃ɛnu twee. Wee nu bu ɡirɑri.

Womusu 79:4

Be bɑ kɑ sun sikerenɛ bɑ sun wɔmmɔ. Bɛsɛn berusebu bɑ sun yɑɑkoru mɔ̀.

Yeremi 18:16

Bɑ derɑ ben tem mu sɑnkirɑ. Mɑ tɔmbu bɑ bu yɛ̃ɛmɔ bɑɑdommɑ. Wi u sɑrɔ mi ɡesi, ù n mu wɑ, u rɑ wiru kpɑrewɑ.

Yeremi 2:26

Nɡe mɛ sekuru tɑ rɑ ɡbɛnɔ mwɛ bɑ̀ n nùn mwɑ subɑru sɔɔ, nɡe mɛyɑ bɛɛ Isirelibɑ kɑ bɛɛn sinɑmbu kɑ bɛɛn wiruɡibu kɑ bɛɛn yɑ̃ku kowobu kɑ Gusunɔn sɔmɔbu i ko i sekuru wɑ.

Swĩi 1:12

Bɛɛyɑ nɑ kɑ yɑ̃, bɛɛ be i sɑrɔ mini kpuro. I mɛɛrio nɔni swɑ̃ɑru ɡɑru tɑ̀ n mɑɑ nɛɡii teni kere, te Yinni Gusunɔ u mɑn kpɛ̃ɛ win mɔrun sɑɑ sɔɔ.

Swĩi 1:7

Sɑɑ yeni sɔɔ, Yerusɑlɛmu yɑ wɑ̃ɑ yɑ̃ɑru sɔɔ, yen tɔmbɑ yɑɑyɑɑre mɔ̀. Yerɑ yɑ yɑɑyɑ ɡɑ̃ɑ ɡee ni yɑ rɑɑ mɔ yellu. Sɑnɑm mɛ yen yibɛrɛbɑ bɑ ye kɑmiɑ, yɑ ɡoo biɑ u nɑ u ye somi, mɑ n yibɛrɛ be dore, bɑ ye yɑɑkoru koosimɔ.

Esekiɛli 25:8

Wee ye Yinni Gusunɔ u ɡeruɑ. U nɛɛ, yèn sɔ̃ Mɔɑbubɑ kɑ Edɔmubɑ bɑ nɛɛ, Isirelibɑ bɑ sɑ̃ɑwɑ tiɑ kɑ bwese ni nu tie hɑnduniɑ ye sɔɔ,

Esekiɛli 35:15

Domi yɑ nuku dobu kuɑ sɑnɑm mɛ yɑ Isirelibɑn tem kɑm koosiɑ. Nɡe mɛyɑ kon Seirin ɡuuru kɑ Edɔmun tem mɛ kpuro kɑm koosiɑ kpɑ n ko bɑnsu. Sɑɑ ye sɔɔrɑ bɑ koo ɡiɑ mɑ nɛnɑ nɑ sɑ̃ɑ Yinni Gusunɔ.

Esekiɛli 36:2

wee yibɛrɛbɑ bɑ ɡerumɔ bɑ mɔ̀, ɛhɛ̃, tɛ̃ i kuɑ beɡinu.

Esekiɛli 36:4

Yen sɔ̃, u nɛɛ, bɛɛ ɡuunu kɑ ɡunɡunu kɑ dɑɑnu kɑ wɔwi kɑ bɑnsu kɑ wuu si bɑ deri si yibɛrɛbɑ bɑ wɔri bɑ yɑ̃nu ɡurɑ mɑ bwese ni nu kɑ su sikerenɛ nu su yɛ̃ɛmɔ, i swɑɑ dɑkio i nɔ ye u ɡerumɔ bɛɛn sɔ̃.

Sofoni 2:10

Yeniwɑ Gusunɔ u koo de yu bu deemɑ ben tii suɑbun sɔ̃ kɑ sere mɑɑ ye bɑ wi, Gusunɔ wɔllu kɑ tem Yinnin tɔmbu wɔnwɑ bɑ sekuru doke.

Sofoni 2:8

U Mɔɑbubɑ kɑ Amɔnibɑn wɔmɑ nuɑ ye bɑ kɑ win tɔmbu sekuru doke. Mɑ bɑ tii suɑ bɑ ben tem nɔɔ burɑ yenu susisiɑ.

Mɑteu 26:55

Mɑ Yesu u tɔn wɔru ɡe sɔ̃ɔwɑ u nɛɛ, n weenɛ i mɑn mwɑɑbu nɑ kɑ tɑkobibɑ kɑ bokunu nɡe swɑɑ dio? Bɑɑdommɑwɑ nɑ rɑ n sɔ̃ kɑ bɛɛ sɑ̃ɑ yerɔ nɑ n keu sɔ̃ɔsimɔ, i ǹ mɑɑ mɑn mwɑɑre.

Mɑteu 27:38

Bɑ mɑɑ ɡbɛnɔbu yiru kpɑre dɑ̃ɑ bunɑnɑnɔ Yesun bɔkuɔ, turo win nɔm ɡeuɔ, turo mɑɑ nɔm dwɑrɔ.

Mɑteu 7:2

Domi nɡe mɛ i ɡɑbu sirimɔ, nɡe mɛyɑ Gusunɔ u koo mɑɑ bɛɛ siri. Mɑ sɑkɑku ɡe i kɑ ɡɑbu yĩiruɑmmɛ, ɡeyɑ bɑ koo kɑ bɛɛ yĩiruɑ.