Yeremi 48:2 - Bibeli Gusunɔn Gari

² Mɔɑbun bɛɛrɛ yɑ kpɑ. Mɑ bɑ bwisikumɔ bu Hɛsiboni kɑm koosiɑ. Bɑ mɔ̀, su dɑ su ye kɑm koosiɑ kpɑ yɑ kun mɑɑ wɑ̃ɑ hɑnduniɑ sɔɔ. Wunɛ Mɑdimɛni, kɑɑ ko bɑnsu, domi wee bɑ nun tɑbu wɔrimɑm wee.

Yeremi 48:2 ပူးပေါင်းရင်းမြစ်များ

Esɑi 15:1

Gɑri yiniwɑ bɑ ɡeruɑ Mɔɑbubɑn sɔ̃. Mɔɑbun tem kpuro mu koo kɑm ko, kpɑ bu Ari Mɔɑbu kɑ Kiri Mɔɑbu kɔsuku wɔ̃ku teeru.

Esɑi 15:5

Nɑ fɑɑbɑ kɑnɑmɔ Mɔɑbubɑn sɔ̃ be bɑ kpikiru suɔ bɑ dɔɔ Soɑriɔ kɑ Eɡɑlɑti Selisiyɑɔ. Domi bɑ sumɔ bɑ kɑ Lusitin ɡuunu yɔɔmɔ, bɑ wuri mɔ̀ Koronɑimun swɑɑɔ nuku sɑnkirɑnun sɔ̃.

Esɑi 16:14

Adɑmɑ tɛ̃, u nɛɛ, wɔ̃ɔ itɑ yɑ̀ n doonɑ kese, bɑ koo wi u bɛɛrɛ bo Mɔɑbuɔ ɡɛm, kɑ sere mɑɑ yen tɔmbu kpuro. Be bɑ koo tiɑ, bɑ ǹ ko n dɑbi, bɑ ǹ mɑɑ bu mɛɛrimɔ ɡɑ̃ɑnu.

Esɑi 25:10

Yinni Gusunɔ u koo Siɔnin ɡuuru kɔ̃su. Adɑmɑ u koo Mɔɑbubɑ munkuwɑ nɡe yɑkɑ si bɑ yɑri kɔkɔrɔwɔ.

Yeremi 25:15

Yinni Gusunɔ u win mɔru weesinɑ kɑ tɑm mɛ u doke nɔrɑ sɔɔ u nɛ, Yeremi tĩi u nɛɛ, n ye mɔɔ kpɑ n de bwese nìn mi u mɑn ɡɔriɔ nu ye nɔ.

Yeremi 25:17

Yerɑ nɑ nɔrɑ ye mwɑ Yinni Gusunɔn nɔmɑn di. Mɑ nɑ derɑ bwese nìn mi u mɑn ɡɔrɑ nu win mɔru ye nɔrɑ.

Yeremi 31:36

tɑkɑ koorɑ yenibɑ kpuro yɑ̀ n koo kpe, Isirelibɑn bweserɑ koo mɑɑ kpe, kpɑ tɑ kun mɑɑ wɑ̃ɑ.

Yeremi 33:24

ɑ ǹ nɔɔmɔ ye tɔmbɑ ɡerumɔ? Bɑ mɔ̀, nɑ Isirelibɑn bweseru kɑ Yudɑbɑn bweseru ni nɑ ɡɔsɑ biru kisi. Yen sɔ̃nɑ bɑ bu ɡɛmɑ, bɑ ǹ bu ɡɑrisi bweseru.

Yeremi 46:28

I ku bɛrum ko. Domi nɑ wɑ̃ɑ kɑ bɛɛ. Kon bwese ni kpuro kpeerɑsiɑ, nìn suunu sɔɔ nɑ rɑɑ bɛɛ yɑrinɑsiɑ mi. Adɑmɑ bɛɛ, nɑ ǹ bɛɛ kpeerɑsiɑmɔ. Kon bɛɛ sɛɛyɑsiɑwɑ nɡe mɛ n weenɛ, domi nɑ ǹ kpɛ̃ nɑ kun bɛɛ sɛɛyɑsie.

Yeremi 48:17

Bɛɛ be i wɑ̃ɑ ben turuku, i kɑ bu ɡɔɔ sinɔ. Bɛɛ be i bu yɛ̃, i bu bikio i nɛɛ, ɑmɔnɑ n koosinɑ bɑ kɑ bɑn tenin dɑm bɑkɑm mɛ kpeerɑsiɑ mɛ.

Yeremi 48:42

Bɑ koo Mɔɑbubɑ kpeerɑsiɑ. Ben bweserɑ koo nɔru ko, domi bɑ nɛ, Yinni Gusunɔ seesi.

Yeremi 48:45

Be bɑ kpikiru suɑ bɑ ǹ mɑɑ dɑm tie, bɑ wɛ̃rɑ yeru kɑsu Hɛsiboniɔ. Adɑmɑ dɔ̃ɔ yɑri yi koo yɑri yen sinɑ boko Sihonin dirun di, yi dɑ yi Mɔɑbubɑn tem nɔɔ burɑ yenu kɑ mɛn ɡuunu di.

Yeremi 49:3

Bɛɛ, Hɛsiboniɡibu, i ɡɔɔ swĩiyɔ. Domi bɑ koo Ayi kɑm koosiɑ. Rɑbɑn bɑru kpɑɑnuɡibu, i nɔɔɡiru suo i somiru kɑnɑ. I sɑɑki deewo nuku sɑnkirɑnun sɔ̃, kpɑ i n sirenɛ i n ɡɔɔ sumɔ. Domi bɑ koo bɛɛn bũu wi bɑ mɔ̀ Mɑlikɔmu suɑ, kɑ win yɑ̃ku kowobu kɑ win wiruɡibu bu kɑ doonɑ.

Yeremi 49:37

Kon de Elɑmuɡibu bu diiri ben yibɛrɛbɑ kɑ be bɑ kɑsu bu bu ɡon wuswɑɑɔ. Nɛn mɔrun sɑɑbu kon bu nɔni swɑ̃ɑ bɑkɑru kpɛ̃ɛ. Tɑbɑ kon kɑ bu ɡo n kpe,

Gbɑburu 32:37

Wuu si Rubɛnibɑ mɑɑ bɑnɑ, siyɑ Hɛsiboni,