Yeremi 48:18 - Bibeli Gusunɔn Gari

¹⁸ Bɛɛ mɑɑ Diboniɡibu, i bɛɛn sin yee bɛɛrɛɡinu derio, kpɑ i nɑ i sinɑ temɔ. Domi be bɑ Mɔɑbubɑ kɑm koosiɑ, bɑ wee bu bɛɛ wɔri, kpɑ bu bɛɛn ɡbɑ̃rɑ dɑmɡinu kɔsuku.

Yeremi 48:18 ပူးပေါင်းရင်းမြစ်များ

Torubu 21:16

Mɑ u dɑ u sinɑ n dɛsire n turɑ mi bɑ̀ n sɛ̃u tobɑ ɡɑ koo wen sɑkɑ. Domi u nɛɛ, u ǹ kpɛ̃ u n win bii mɛɛrɑ u n ɡbimɔ. Mi u sɔ̃ mi, mɑ u wurɑ tɑkɑnɑ u swĩ.

Yɑribu 17:3

Adɑmɑ nim nɔru ɡɑ tɔn be bɑɑsi ɡiɑ mɑ bɑ Mɔwisi wɔkisimɔ bɑ mɔ̀, mbɑn sɔ̃nɑ ɑ sun yɑrɑmɑ Eɡibitin di. Kɑɑ kɑ de nim nɔru ɡu sun ɡo, bɛsɛ kɑ bɛsɛn bibu kɑ bɛsɛn yɑɑ sɑbenu.

Esɑi 15:2

Diboniɡibu bɑ dɑ bũu sɑ̃ɑ yerɔ kɑ ɡuunu wɔllɔ bu kɑ swĩ. Mɔɑbubɑ bɑ weeweenu mɔ̀ wuu si bɑ mɔ̀ Nɛbo kɑ Mɛdebɑn sɔ̃. Mɑ bɑ ben winu kɑ ben tobunu kɔnɑ nuku sɑnkirɑnun sɔ̃.

Esɑi 47:1

Yinni Gusunɔ u nɛɛ, wunɛ wi bɑ ǹ kɑmiɑre, kɑɑ wɔrumɑ ɑ kpunɑ tuɑ sɔɔ. Wunɛ wi ɑ sɑ̃ɑ nɡe wɔndiɑ, kɑɑ sinɑ temɔ, ɑ ǹ mɑɑ sinɑmɔ sinɑ kitɑrɔ. Domi bɑ ǹ mɑɑ nun sokumɔ kurɔ burɔ.

Esɑi 5:13

Yen sɔ̃nɑ kon de bu bu yoru mwɛɛri subɑru sɔɔ bu kɑ doonɑ. Ben sinɑ bibɑ koo ɡbi ɡɔ̃ɔrun sɔ̃, kpɑ be bɑ tie bu ɡbi nim nɔrun sɑɑbu.

Yeremi 48:22

kɑ Diboni kɑ Nɛbo kɑ Bɛti Dibilɑtɑimu,

Esekiɛli 19:13

Tɛ̃ yɑ ɡire tem ɡbebum sɔɔ mi ɡɑ̃ɑnu ku rɑ kpi.

Gbɑburu 21:30

Adɑmɑ sɑ Amɔrebɑ sɛ̃ɛnu twee. Mɑ Hɛsiboni yɑ wɔrukɑ. Mɑ tem mɛ kpuro mu kɑm kuɑ sere Diboniɔ n kɑ ɡirɑri Nɔfɑɔ, kɑ Mɛdebɑɔ. Sɑ ye kpuro kɑm koosiɑwɑ mɑm mɑm.

Gbɑburu 32:3

wuu sini, Atɑrɔtu kɑ Diboni kɑ Yɑsɛɛ kɑ Nimurɑ kɑ Hɛsiboni kɑ Eleɑle kɑ Sebɑmu kɑ Nɛbo kɑ sere Beoni,

Yosue 13:17

kɑ Hɛsiboni kɑ wuu si su wɑ̃ɑ bɑtumɑ ye sɔɔ. Siyɑ Diboni kɑ Bɑmɔtu Bɑɑli kɑ Bɛti Bɑɑli Mɛɔni,

Yosue 13:9

Ben tem mɛ, mu wɑ̃ɑwɑ sɑɑ Aroɛɛn di ye yɑ wɑ̃ɑ dɑɑ te bɑ mɔ̀ Aɑnɔɔn ɡoorɔ, sɔ̃ɔ yɛ̃sɑn nɔm dwɑru ɡiɑ n kɑ dɑ wuu ɡe ɡɑ wɑ̃ɑ dɑɑ ten wɔwɑn suunu sɔɔ, sere Diboniɔ Mɛdibɑn bɑtumɑ sɔɔ,

Kpɑrobu 15:18

Yen biru nim nɔru ɡɑ Sɑnsom kuɑ ɡem ɡem. Yerɑ u Yinni Gusunɔ somiru kɑnɑ u nɛɛ, wunɑ ɑ derɑ nɑ nɛn tɔmbu fɑɑbɑ bɑkɑ yeni kuɑ. Tɛ̃ kɑɑ de n ɡbiwɑ kɑ nim nɔru? Kpɑ n wɔri tɔn tuko be bɑǹ bɑnɡo kuen nɔmɑ sɔɔ?