Yeremi 48:15 - Bibeli Gusunɔn Gari

¹⁵ Domi wee, i kɑm kuɑ. Bɛɛn wusu su dɔ̃ɔ mwɑɑrɑ. Mɑ yibɛrɛbɑ bɑ bɛɛn ɑluwɑɑsi dɑmɡibu mwɛɛrɑ bɑ sɑkirɑ. Yeniwɑ sinɑ boko u ɡeruɑ. Win yĩsirɑ Gusunɔ, wɔllu kɑ tem Yinni. U nɛɛ,

Yeremi 48:15 ပူးပေါင်းရင်းမြစ်များ

Womusu 47:2

Bɛɛ hɑnduniɑn bwesenu, i tɑki koowo, kpɑ i kuuki ko kɑ nuku dobu Yinni Gusunɔn mi.

Yeremi 46:18

Nɛ Gusunɔ, wɔllu kɑ tem Yinni, nɛ wi nɑ sɑ̃ɑ sinɑ boko, sere kɑ nɛn wɑ̃ɑru, nɡe mɛ bɑ yɛ̃ mɑ ɡuu te bɑ mɔ̀ Tɑbori tɑ ɡuu ni nu tie ɡunum kere, kɑ nɡe mɛ bɑ yɛ̃ mɑ ɡuu te bɑ mɔ̀ Kɑɑmɛli tɑ wɑ̃ɑ nim wɔ̃kun bɔkuɔ, nɡe mɛyɑ bɑ n yɛ̃ kɑm kɑm mɑ yibɛrɛbɑ bɑ koo nɑ bu bu wɔri.

Yeremi 48:4

Bɑ Mɔɑbu kɑm koosiɑ. Mɑ bibun nɔɔ ɡɑ nɔɔrɑmɔ.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 50:34

Adɑmɑ nɛ, ben yɑkio, nɑ dɑm mɔ. Nɛn yĩsirɑ Gusunɔ, wɔllu kɑ tem Yinni. Kon kɑ bu yinɑ kpɑ n ben tem bɔri yɛndu wɛ̃, kpɑ n Bɑbiloniɡibu burisinɑ.

Yeremi 51:40

Kon bu sɑkiriwɑ nɡe yɑ̃ɑnu kɑ bonu yɑɑ ɡoo yerɔ.

Yeremi 51:57

U sɑ̃ɑwɑ sunɔ. Win yĩsirɑ wɔllu kɑ tem Yinni. U nɛɛ, u koo de tɑm mu Bɑbilonin sinɑmbu ɡo, kɑ ben bwisiɡibu kɑ ben tem yɛ̃robu kɑ ben wiruɡibu kɑ ben tɑbu durɔ dɑmɡibu kpɑ bu dweeyɑ sere kɑ bɑɑdommɑɔ bɑ kun mɑɑ seewe.

Amɔsu 4:10

Nɑ mɑɑ bɛɛ kɛ̃si kɛ̃si bɑrɑru sure nɡe mɛ nɑ kuɑ Eɡibitiɔ. Nɑ derɑ bɑ bɛɛn ɑluwɑɑsibɑ ɡo tɑbu sɔɔ. Mɑ bɑ ben dumi mwɛɛrɑ. Nɑ derɑ i bɛɛn tɔn be bɑ ɡun nuburu nuɑ bɛɛn sɑnsɑniɔ. Adɑmɑ kɑ mɛ, i ǹ ɡɔsirɑmɛ nɛn mi.

Sɑkɑri 14:9

Yinni Gusunɔwɑ u ko n sɑ̃ɑ tem kpuron sunɔ. Wi turowɑ u ko n sɑ̃ɑ Yinni. Win turon yĩsirɑ tɔmbu kpuro bɑ koo ɡiɑ.

Mɑlɑsi 1:14

Bɔ̃rurowɑ wi u win sɑbenu sɔɔ kinɛ ɡeeru mɔ, mɑ u dɑ u te tɑ ɑlebu mɔ suɑ u kɑ mɑn yɑ̃kuru kuɑ, u kɑ mɑn nɔni wɔ̃ke. Domi nɑ sɑ̃ɑwɑ sinɑ boko. Tɔmbu kpurowɑ bɑ nɛn dɑm nɑsie. Nɛ Gusunɔ wɔllu kɑ tem Yinniwɑ nɑ yeni ɡeruɑ.

Yɑkɔbu 5:4

Wee, i ǹ sɔm kowobu ben ɡobi kɔsie be bɑ kɑ bɛɛ dĩɑnu ɡurɑ ɡberɔ, mɑ ɡobi yi, yi wuri mɔ̀. Dĩɑ ɡuro ben wuri mɑɑ dumɔ wɔllu kɑ tem Yinnin swɑɑ sɔɔ.

Kɑ̃siru 19:16

Win yɑberɔ kɑ win tɑɑrɔ yĩsi teniwɑ tɑ yoruɑ, sinɑ boko kɑ yinnibun Yinni.