Yeremi 48:12 - Bibeli Gusunɔn Gari

¹² Yen sɔ̃nɑ nɛ, Yinni Gusunɔ nɑ nɛɛ, tɔ̃ru ɡɑrɑ sisi tè sɔɔ kon bu tɔmbu suremɑ bu bu ɡɔsie wekenu ɡɑnu sɔɔ, kpɑ bu weke ni kɔsuku.

Yeremi 48:12 ပူးပေါင်းရင်းမြစ်များ

Womusu 2:9

U mɑɑ mɑn sɔ̃ɔwɑ u nɛɛ, kon kpĩ n bu kpɑrɑ nɡe wi u kpɑrɑmɔ kɑ sii bokuru, kon kpĩ n bu kɔsuku nɡe weke te bɑ mɔmɑ.

Esɑi 16:2

Domi Mɔɑbun tɔn kurɔbu bɑ koo Aɑnɔɔn dɑɑru tɔburɑ, kpɑ bɑ n sɛnde nɡe ɡunɔ si bɑ ɡirɑ sokurun di su duki mɔ̀.

Esɑi 30:14

I ko i kɔsikirɑwɑ muku muku nɡe wekeru tèn kɛ̃kɑ bɑ ǹ kpɛ̃ bu kɑ dɔ̃ɔ ɡurɑ, ǹ kun mɛ bu kɑ nim sɔkɑ.

Yeremi 14:3

Dɑmɡibu bɑ bwɛ̃ɛbwɛ̃ɛbu ɡɔrimɔ bu nim kɑsumɑ. Adɑmɑ bɑ̀ n dɔkɔ dɑ bɑ ku rɑ nim wɑ. Bɑ rɑ ɡɔsirɑmɛwɑ kɑ koto ɡbebusu, kpɑ seku bɑkɑru tɑ n bu mɔ̀, bɑ n wuswɑɑ ɡɑ̃ɑnu wukiri.

Yeremi 19:10

Yen biruwɑ wunɛ Yeremi kɑɑ boo ɡe kɔrɑ tɔn be bɑ kɑ nun dɑ min wuswɑɑɔ.

Yeremi 25:34

Bɛɛ, win tɔmbun kpɑrobu, i wuri koowo, i bindio temɔ. Domi tɔ̃rɑ tunumɑ tè sɔɔ bɑ koo bɛɛ sɑkiri. I ko i wɔrumɑ i kɔsikirɑ nɡe tem mɔn weke burɑru.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 48:11

Wee, sɑɑ yellun di, Mɔɑbubɑ bɑ wɑ̃ɑ bɔri yɛndu sɔɔ. Bɑ ǹ yoru diire ɡɑm. Bɑ sɔ̃wɑ kpɛtɛɛ nɡe tɑm kɔrɔru. Bɑ ǹ bu ɡɔsiɑre ɡɑm sɔɔ nɡe tɑm. Ben dobu kɑ ben wɑni kun kɔsɑ.

Yeremi 48:13

Mɔɑbu be, bɑ koo sekuru wɑ ben bũu wi bɑ mɔ̀ Kemɔsin sɔ̃, nɡe mɛ Isirelibɑ bɑ sekuru wɑ bũu wi u wɑ̃ɑ Betɛliɔn sɔ̃, domi wi sɔɔrɑ bɑ ben nɑɑnɛ doke.

Yeremi 48:15

Domi wee, i kɑm kuɑ. Bɛɛn wusu su dɔ̃ɔ mwɑɑrɑ. Mɑ yibɛrɛbɑ bɑ bɛɛn ɑluwɑɑsi dɑmɡibu mwɛɛrɑ bɑ sɑkirɑ. Yeniwɑ sinɑ boko u ɡeruɑ. Win yĩsirɑ Gusunɔ, wɔllu kɑ tem Yinni. U nɛɛ,

Yeremi 48:38

Bɑ ɡɔɔ wuri mɔ̀ yɛnu bɑɑɡere sɔɔ kɑ sere mi bɑ rɑ mɛnnɛ kpuro ɡesi domi nɑ Mɔɑbubɑn tem kɔsukɑ nɡe weke te ɡoo kun mɑɑ kĩ. Nɛ, Yinni Gusunɔwɑ nɑ yeni ɡeruɑ.

Yeremi 48:8

Be bɑ koo bu kɑm koosiɑ mi. Bɑ koo duwɑ wuu bɑɑɡere sɔɔ. Gen ɡɑɡɑ kun kisirɑmɔ ben nɔmɑn di. Bɑ koo kpuro kɑm koosiɑwɑ wɔwi sɔɔ kɑ tem tɛɛri sɔɔ. Yinni Gusunɔwɑ u yeni ɡeruɑ.

Nɑhumu 2:2

Bɛɛ Ninifuɡibu, kɑm koosio u bɛɛ wɔrim wee. Yen sɔ̃, i bɛɛn ɡbɑ̃rɑru mɑruo, kpɑ i bɛɛn swɛɛ kɔ̃su. I sɔɔru koowo, kpɑ i wɔruɡɔru sɔ̃ɔsi kɑ bɛɛn dɑm kpuro.