Yeremi 47:5 - Bibeli Gusunɔn Gari

⁵ Gɑsɑɡibu bɑ wɑ̃ɑwɑ nuku sɑnkirɑnu sɔɔ bɑ wii pɔɔnu pote. Asikɑloniɡibu kɑ be bɑ wɑ̃ɑ wɔwɑɔ bɑ nɔɔ mɑɑri. Bɛɛ be i tie, sere sɑɑ yerɑ̀ i ko i n wɑ̃ɑ i n tii muririmɔ i kɑ ɡɔɔ swĩ.

Yeremi 47:5 ပူးပေါင်းရင်းမြစ်များ

Sinɑmbu I 18:28

Mɑ bɑ ɡbɑ̃sukɑ tɑ̃ɑ tɑ̃ɑ bɑ seewɑ bɑ tii tɑkobi kɑ yɑɑsi sɔkirimɔ nɡe mɛ ben komɑru. Mɑ yɛm mu kokumɔ sɑɑ ben wɑsin di.

Esɑi 15:2

Diboniɡibu bɑ dɑ bũu sɑ̃ɑ yerɔ kɑ ɡuunu wɔllɔ bu kɑ swĩ. Mɔɑbubɑ bɑ weeweenu mɔ̀ wuu si bɑ mɔ̀ Nɛbo kɑ Mɛdebɑn sɔ̃. Mɑ bɑ ben winu kɑ ben tobunu kɔnɑ nuku sɑnkirɑnun sɔ̃.

Yeremi 16:1

Yinni Gusunɔ u Yeremi sɔ̃ɔwɑ u nɛɛ,

Yeremi 16:6

Dɑmɡibu kɑ bwɛ̃ɛbwɛ̃ɛbu bɑ koo ɡbiwɑ. Bɑ ǹ bu sikumɔ, bɑ ǹ mɑɑ ben ɡɔɔ wooru sinɑmɔ. Goo kun tii muririmɔ, ɡoo kun mɑɑ kɔnimɔ ben ɡɔɔn nuku sɑnkirɑnun sɔ̃.

Yeremi 25:20

kɑ bwese tuku ni nu wɑ̃ɑ Eɡibitiɔ, kɑ Usɑn sinɑmbu, kɑ Filisitibɑn sinɑmbu, beyɑ Asikɑloniɡii, kɑ Gɑsɑɡii, kɑ Ekoroniɡii, kɑ sere be bɑ mɑɑ tie Asidɔduɔ, ben sunɔ,

Yeremi 41:5

yerɑ tɔmbu wɛnɛ ɡɑbu bɑ seemɑ sɑɑ Sikɛmu kɑ Silo kɑ Sɑmɑrin di. Tɔn be, bɑ ben tobɑ kɔnɑ, ben yɑ̃nu nu ɡɛ̃ɛkire mɑ bɑ tii mururɑ bɑɑmɑ nuku sɑnkirɑrun sɔ̃. Mɛyɑ bɑ mɑɑ ɑlikɑmɑ sɔɔwɑ kɑ turɑre bu kɑ Yinni Gusunɔ yɑ̃kuru kuɑ Yerusɑlɛmuɔ win sɑ̃ɑ yerɔ.

Yeremi 47:1

Eɡibitin sinɑ boko u sere Gɑsɑ tɑbu wɔri, wee ye Yinni Gusunɔ u Yeremi sɔ̃ɔwɑ Filisitibɑn sɔ̃. U nɛɛ,

Yeremi 47:4

Sɑɑ yɑ tunumɑ yè sɔɔ bɑ koo Filisitibɑ kpuro ɡo, kɑ tɔn be bɑ koo kpĩ bu Tiriɡibu, kɑ Sidoniɡibu somi, kɑ tɔn be bɑ tie bɑ wɑ̃ɑ tem bure te bɑ mɔ̀ Kɑfitoriɔ.

Yeremi 48:37

Tɔmbu kpuro bɑ ben seri kɑ ben tobɑ kɔnɑ, bɑ tii mururɑ nɔmɑ yiru kpuro, bɑ sɑɑki deewɑ ben nuku sɑnkirɑnun sɔ̃.

Esekiɛli 25:16

Yen sɔ̃ tɛ̃, u koo bu win nɔmu dɛmiɛ kpɑ u be kpuro kpeerɑsiɑ be, be bɑ wee Keretin di bɑ kɑ wɑ̃ɑ nim wɔ̃kun ɡoorɔ.

Esekiɛli 7:18

Bɑ koo sɑɑki sebewɑ kpɑ bu ben seri kɔni nuku sɑnkirɑnun sɔ̃. Bɑ koo nɑndɑ kpɑ sekuru bu mwɑ.

Sɑ̃ɑrun Woodɑ 19:28

I ku bɛɛn wɑsi muriri ɡoon ɡɔɔn sɔ̃. I ku mɑɑ bɛɛn wɑsi yore. Nɛ, Yinni Gusunɔwɑ nɑ yeni ɡeruɑ.

Sɑ̃ɑrun Woodɑ 21:5

Goo ù n ɡu, yɑ̃ku kowobu bu ku rɑɑ ben wii suunun seri kɔni, bu ku rɑɑ mɑɑ ben toburun beri berikɑ kɔni.

Misee 1:16

Bɛɛ Yerusɑlɛmuɡibu, i bɛɛn seri kɔniɔ i wii kpɑrɑnu yi nuku sɑnkirɑnun sɔ̃. I swĩiyɔ bɛɛn bii be i kĩn sɔ̃. Wee bɑ koo bu mwɛɛri bu kɑ dɑ tem tukumɔ.

Mɑɑku 5:5

Sɑɑ bɑɑyere wɔ̃kuru kɑ sɔ̃ɔ sɔɔ, u rɑ n wɑ̃ɑwɑ sikɑn suunu sɔɔ kɑ ɡuunu wɔllɔ u n kuuki mɔ̀ kpɑ u n tii muririmɔ kɑ kpenu.

Sɔ̃ɔsiru 14:1

Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n ɡu, i ku rɑ bɛɛn wɑsin ɡɑm murɑ. I ku rɑ mɑɑ bɛɛn seri kɔni wuswɑɑ ɡiɑ.

Kpɑrobu 1:18

Yudɑ be, bɑ mɑɑ Gɑsɑ mwɑ kɑ Asikɑloni kɑ Ekoroni, yen bɑɑyere kɑ yen bɑru kpɑɑnu.