Yeremi 47:3 - Bibeli Gusunɔn Gari

³ Dumin nɑɑ dɑmu dɑmusu kɑ tɑbu kɛkɛbɑn uruubɑn wɔkinu nɔɔrɑmɔ. Bɑɑbɑbɑ bɑ ben bibu derimɔ, domi ben ɡɔmɑ kpuro dwiiyɑ.

Yeremi 47:3 ပူးပေါင်းရင်းမြစ်များ

Esɑi 5:28

Ben sɛ̃ɛnu nu nɔɔ do. Bɑ mɑɑ nu sɔri bu kɑ to. Mɑ ben dumin nɑɑ konnu nu bɔɔbu nɡe kperu. Mɑ ben tɑbu kɛkɛbɑ bɑ sɑ̃u nɡe woo ɡunɑ.

Yeremi 46:9

Wee bɑ mɔ̀, ben mɑɑsɔbu bu seewo fuuku. Be bɑ tɑbu kɛkɛ be dumi ɡɑwe duɑ, bu duki doo. Ben tɑbu durɔbu bu seewo. Puti kɑ Kusin tɑbu durɔbu be bɑ tɛrɛ piiminu nɛni, kɑ sere Ludibɑ be bɑ sɑ̃ɑ tɛn towobu, bu seewo.

Yeremi 50:42

Ben tɑbu kowobu bɑ tɑkobi kɑ tɛmɑ nɛni. Bɑ ǹ wɔnwɔndu mɔ, bɑ bɔɔbu. Bɑ wɔki nɡe nim wɔ̃kun nim. Bɑ dumi yɔɔwɑ bɑ swĩinɛ swɛɛ swɛɛ. Bɑ tɑbun sɔɔru sɑ̃ɑ bu kɑ Bɑbiloniɡibu wɔri.

Yeremi 8:16

Wee sɑ yibɛrɛbɑn dumin wɔkinu nɔɔmɔ Dɑnun berɑ ɡiɑ. Mɑ yi wuri mɔ̀, yi tem kpuro nɛni mu diirimɔ. Yibɛrɛ be, bɑ dĩɑnu ɡurɑmɔ bɑ ɡbeɑ mwɑɑmɔ, kɑ sere Yerusɑlɛmu kɑ yen tɔmbu.

Esekiɛli 23:24

Wee bɑ nun wɔrim wee bɑ tɑbu yɑ̃nu nɛni kɑ tɑbu kɛkɛbɑ yi dumi ɡɑwe. Bɑ mɛnnɑ bɑ dɑbi bɑ kɑ nun sikerenɛ yɑm kpuro. Be kpuro bɑ sii furɔsu doke mɑ bɑ tɛrɛnu nɛni. Kon bu siribu nɔmu sɔndiɑ kpɑ bu nun siri kɑ ben woodɑ.

Nɑhumu 2:4

Ninifun yibɛrɛbɑn tɑbu durɔ dɑmɡibun tɛrɛnu nu sɔ̃ri. Mɑ bɑ yɑ̃ɑ wunɔmɡinu doke. Tɑbun tɔ̃ru tɑ̀ n turɑ, ben tɑbu kɛkɛ be dumi ɡɑwe yi rɑ kurɑmɛwɑ yi n bɑllimɔ nɡe dɔ̃ɔ buri, kpɑ bɑ n yɑɑsi fĩɑmɔ.

Nɑhumu 2:8

Bɑ Ninifu ye mwɑ bɑ yen yɑ̃nu ɡurɑ bɑ kɑ doonɑ. Yen tɔn kurɔbu bɑ sumɔ nɡe kpɑrukonu, mɑ bɑ toronu soomɔ.

Kɑ̃siru 9:9

Yin toronu mɑɑ sɑ̃ɑwɑ nɡe tɑrɑkpe sisuɡinu, mɑ yin kɑsɑn wurenu sɑ̃ɑ nɡe kɛkɛ sisuɡii yi dum dɑbinu ɡɑwe tɑbu sɔɔ.

Kpɑrobu 5:22

Siserɑn tɑbu kowobu bɑ duki doonɑ. Ben dumin nɑɑsun wɔkinu nɔɔrɑ.