Yeremi 45:4 - Bibeli Gusunɔn Gari

⁴ Wee, ye Yinni Gusunɔ u nɛɛ n nun sɔ̃. U nɛɛ, u koo ye u rɑɑ bɑnɑ kɔsukuwɑ, kpɑ u ye u rɑɑ duurɑ wukiri. Yen tubusiɑnɑ, u koo tem mɛ kpuro sɑnku.

Yeremi 45:4 ပူးပေါင်းရင်းမြစ်များ

Wɑɑsu kowo 3:3

Goberu kɑ ten sɑɑ, bɛkiɑbu mɑɑ kɑ bin sɑɑ. Kɔsukubu kɑ bin sɑɑ, bɑnɑ mɑɑ kɑ yen sɑɑ.

Yeremi 1:10

Yen biruwɑ u mɑɑ nɛɛ, wee ɡisɔ, u mɑn yiiko wɛ̃ bwesenu kɑ nin sinɑmbu kpuron wɔllɔ n kɑ nu wukiri n surɑ, kpɑ n mɑɑ wure n nu ɡirɑ nɡe dɑ̃ɑ. Mɛyɑ n mɑɑ kɑ nu kɔsuku n kɑm koosiɑ, kpɑ n mɑɑ wure n nu seeyɑ.

Yeremi 11:17

Nɛ, Gusunɔ wɔllu kɑ tem Yinniwɑ nɑ rɑɑ bɛɛ ɡirɑ nɡe dɑ̃ɑ. Nɛnɑ kon de kɔ̃sɑ yu bɛɛ deemɑ bɛɛ Isirelibɑ kɑ bɛɛ Yudɑbɑ, kɔ̃sɑ ye i kuɑ i kɑ nɛn mɔru seeyɑn sɔ̃. Domi i bũu wi bɑ mɔ̀ Bɑɑli yɑ̃kunu koosimɔ.

Yeremi 12:2

Wunɑ ɑ bu duurɑ nɡe dɑ̃ru, mɑ bɑ nuuru kuɑ, bɑ kpɛ̃ɑ bɑ binu mɑrumɔ. Mɛyɑ wunɛn ɡɑri rɑ n wɑ̃ɑ ben nɔɔwɔ. Adɑmɑ yi ǹ wɑ̃ɑ ben ɡɔ̃ruɔ.

Yeremi 31:28

Nɡe mɛ nɑ rɑɑ bu wukurɑ nɑ sururɑ nɡe dɑ̃nu, nɑ bu kɔsukɑ nɑ kɑm koosiɑ nɡe diɑ, nɡe mɛyɑ kon mɑɑ wure n bu seeyɑ n ɡirɑ. Nɛ, Yinni Gusunɔwɑ nɑ yeni ɡeruɑ.

Swĩi 2:6

U win sɑ̃ɑ yeru kɔsukɑ. U derɑ bɑ ku rɑ mɑɑ sɑ̃ɑrun tɔ̃ɔ bɑkɑnu kɑ tɔ̃ɔ wɛ̃rɑruɡiru di. Win mɔru seewɑ kɑ dɑm. Mɑ u sinɑ boko kɑ yɑ̃ku kowobu yinɑ.

Osee 2:14

Kon de win resɛm dɑ̃nu kɑ win fiɡiebɑ bu kɑm ko be u nɛɛ, u wɑ durɔ tɑnɔbun min di. Kon de ɡbee ni, nu ko dɑ̃ɑ sɔ̃ɔ, kpɑ ɡbeeku yɛɛ yi dɑ̃ɑ nin mɑrum di.

Sɔ̃ɔsiru 28:63

Nɡe mɛ Yinni Gusunɔ u rɑɑ bɛɛ durom kuɑ, u bɛɛ dɑbiɑsiɑ kɑ kĩru, nɡe mɛyɑ u koo mɑɑ bɛɛ yɑrɑ kɑ win kĩru tem mɛ u bɛɛ wɛ̃n di kpɑ i kɑm ko.