Yeremi 42:6 - Bibeli Gusunɔn Gari

⁶ Wee bɛsɛrɑ sɑ nun ɡɔrɑ ɑ sun Gusunɔ bɛsɛn Yinni bikiɑ. Yen sɔ̃, sɑ ko ko ye u sun sɔ̃ɔwɑ su ko, bɑɑ yɑ̀ kun sun wɛ̃re. Kɑ mɛ, sɑ ko n nuku dobu mɔ yèn sɔ̃ sɑ nùn mɛm nɔɔwɑmmɛ.

Yeremi 42:6 ပူးပေါင်းရင်းမြစ်များ

Womusu 128:2

U koo win sɔmburun ɑrufɑɑni di, kpɑ u n nuku dobu mɔ u n kuurɑmɔ.

Womusu 78:36

Adɑmɑ bɑ ku rɑ ɡem ɡere. Bɑ rɑ n kĩ bu nùn nɔni wɔ̃kewɑ kɑ ben ɡɑri.

Yɑribu 24:7

Mɑ u woodɑn tire te suɑ u tu ɡɑrɑ tɔn ben wuswɑɑɔ. Mɑ bɑ nɛɛ, sɑ ko Yinni Gusunɔ mɛm nɔɔwɑ kpɑ su ko kpuro ye u ɡeruɑ.

Esɑi 3:10

A ɡemɡii sɔ̃ɔwɔ mɑ u koo kuurɑ. U koo win sɔmburun ɑre wɑ.

Yeremi 22:15

Yèn sɔ̃ ɑ kɑ sinɑ kpɑɑ te sɛdurubɑ bɑnɑ, yeyɑ n derɑ ɑ sɑ̃ɑ sinɑ boko? Wunɛn bɑɑbɑn tii u ǹ sɑ̃ɑ sinɑ boko ro? U rɑ diwɑ kpɑ u nɔ nɡe bɑɑwure, ɑdɑmɑ u rɑ bɑɑwure kuewɑ ye n weenɛ u ko. U rɑ sɑ̃ɑrobu kɑ wɔnwɔndobu siriewɑ dee dee. Yen sɔ̃nɑ ye kpuro yɑ nùn koorɑ dee dee win wɑ̃ɑru sɔɔ. Wi u mɑɑ mɔ̀ nɡe mɛ, wiyɑ u wi, Yinni Gusunɔ yɛ̃ kɑ ɡem.

Yeremi 43:4

Nɡe mɛyɑ Yokɑnɑni, Kɑreɑn bii, kɑ tɑbu sinɑmbu kpuro kɑ ben tɔmbu kpuro bɑ yinɑ bu Yinni Gusunɔn ɡɑri nɔ ye u nɛɛ, bu de bu sinɑ ben tem mi.

Yeremi 7:23

Ye nɑ bu yiire yerɑ, bu nɛn ɡɑri nɔɔwɔ, kpɑ nɑ n sɑ̃ɑ ben Yinni, kpɑ be, bɑ n mɑɑ sɑ̃ɑ nɛn tɔmbu. Bu nɛn woodɑ kpuro swĩiyɔ ye nɑ bu wɛ̃, kpɑ ben wɑ̃ɑru tu wɛ̃rɑ.

Romu 7:13

Ǹ n mɛn nɑ, ye n ɡeɑ sɑ̃ɑ yerɑ yɑ kɑ mɑn ɡɔɔ nɑɑwɑ? Aɑwo, torɑrɑ tɑ mɑn ɡo kpɑ tu kɑ sɔ̃ɔsi mɑ te torɑrɑ. Domi tɑ ɡɑ̃ɑ ɡeenu dendɑ tɑ kɑ mɑn ɡo kpɑ tu kɑ sɛ̃siɑ n bɑndɑ sɑɑ woodɑn di.

Romu 7:7

Ǹ n mɛn nɑ, mbɑ sɑ ko ɡere. Woodɑ yɑ sɑ̃ɑ torɑru? Aɑwo. Woodɑn sɑɑbuwɑ nɑ mɑm torɑru ɡiɑ. Domi nɑ ǹ dɑɑ binɛ ɡiɑmɔ woodɑ yɑ̀ kun nɛɛ, “I ku rɑ binɛ ko.”

Romu 8:7

Domi be bɑ ben dɑɑɡiɑ bwisikumɔ bɑ kuɑ Gusunɔn yibɛrɛbɑ. Bɑ ǹ Gusunɔn woodɑ mɛm nɔɔwɑmmɛ, bɑ ǹ mɑm kpɛ̃.

Sɔ̃ɔsiru 5:27

Yen sɔ̃, nɛ Mɔwisi, n susio Gusunɔ bɛsɛn Yinnin bɔkuɔ kpɑ n swɑɑ dɑki ye u ɡeruɑ. Yen biru, kpɑ n bu ye nɔɔsiɑ. Bɑ koo ye nɔ, kpɑ bu kɑ ye sɔmburu ko.

Sɔ̃ɔsiru 5:29

Bɑ̀ n koo rɑɑ kpĩ bu nùn ben ɡɔ̃ru wukiɑ nɡe mɛ, bu kɑ nùn bɛɛrɛ wɛ̃ kpɑ bu win woodɑbɑ mɛm nɔɔwɑ, bɑ ko n dɑɑ bɔri yɛndu mɔ be kɑ ben bibun bweseru sere kɑ bɑɑdommɑɔ.

Sɔ̃ɔsiru 5:33

I swɑɑ ye swĩiyɔ mɑm mɑm kpɑ bɛɛn wɑ̃ɑru tu dɑkɑɑ dɑ kpɑ i n bɔri yɛndu mɔ tem mɛ wi, Gusunɔ bɛsɛn Yinni u koo bɛɛ wɛ̃ sɔɔ.

Yosue 24:24

Mɑ tɔn be, bɑ Yosue sɔ̃ɔwɑ bɑ nɛɛ, Gusunɔ bɛsɛn Yinniwɑ sɑ ko sɑ̃, kpɑ su nùn mɛm nɔɔwɑ.