Yeremi 42:3 - Bibeli Gusunɔn Gari

³ A Gusunɔ wunɛn Yinni kɑnɔ u sun sɔ̃ɔsi mi sɑ ko dɑ kɑ ye sɑ ko ko.

Yeremi 42:3 ပူးပေါင်းရင်းမြစ်များ

Sinɑmbu I 8:36

ɑ bu swɑɑ dɑkio sɑɑ wɔllun di, kpɑ ɑ bu ben durum suuru kuɑ. A bu swɑɑ ɡeɑ sɔ̃ɔsio yè sɔɔ bɑ koo sĩ, kpɑ ɑ de ɡurɑ yu nɛ tem mɛ sɔɔ, mɛ bɛsɛ wunɛn tɔmbu sɑ tubi di mi.

Ɛsidɑrɑsi 8:21

Dɑɑ te bɑ mɔ̀ Ahɑfɑn bɔku miyɑ nɑ nɛɛ, su tii kɑwɑ su nɔɔ bɔke su Gusunɔ bɛsɛn Yinni kɑnɑ bɛsɛn sɑnum mu dorɑ su kɑ turi bɑɑni bɛsɛ kɑ bɛsɛn bibu kɑ sere ɑrumɑni ye sɑ mɔ.

Womusu 27:11

Yinni Gusunɔ, ɑ mɑn wunɛn swɑɑ sɔ̃ɔsio kpɑ ɑ de n sĩ dee dee ye sɔɔ, domi nɛn yibɛrɛbɑ bɑ dɑbi.

Womusu 86:11

Yinni Gusunɔ, ɑ mɑn wunɛn swɛɛ sɔ̃ɔsio, kpɑ n wɑ n sĩ wunɛn ɡem sɔɔ. A de n wunɛn yĩsiru nɑsiɑ.

Mɔnnu 3:6

A de ɑ n win bwisikunu mɔ wunɛn kookoosu kpuro sɔɔ, kpɑ u wunɛn swɑɑ sɔmɛ.

Esɑi 2:3

nu nɛɛ, i nɑ su dɑ Yerusɑlɛmuɔ su yɔ Yinni Gusunɔn ɡuurɔ mi Isirelibɑ bɑ rɑ nùn sɑ̃. Kpɑ u sun win swɛɛ sɔ̃ɔsi su sĩ yi sɔɔ. Bɑ koo ɡere mɛ, domi ɡuu ten min diyɑ u koo win woodɑ yɑrɑ kpɑ u ɡɑri ɡerumɑ.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Sɔ̃ɔsiru 5:26

Wɑrɑ u Yinni Gusunɔ wi u rɑ n wɑ̃ɑn ɡɑri nɔɔre dɔ̃ɔ yɑrɑ sɔɔn di nɡe be, mɑ yɛ̃ro u wɑ̃ɑ u ǹ ɡu.

Sɔ̃ɔsiru 5:29

Bɑ̀ n koo rɑɑ kpĩ bu nùn ben ɡɔ̃ru wukiɑ nɡe mɛ, bu kɑ nùn bɛɛrɛ wɛ̃ kpɑ bu win woodɑbɑ mɛm nɔɔwɑ, bɑ ko n dɑɑ bɔri yɛndu mɔ be kɑ ben bibun bweseru sere kɑ bɑɑdommɑɔ.