Yeremi 42:10 - Bibeli Gusunɔn Gari

¹⁰ ì n sinɑ tem mɛ sɔɔ, u koo de bɛɛn tɔmbu bu tɑ̃si. U ǹ mɑɑ bu ɡoomɔ. U koo bɛɛ swĩiwɑ i n nuuru mɔ. U ǹ bɛɛ wukɑmɔ, u ǹ mɑɑ derimɔ kɔ̃sɑ yu bɛɛ deemɑ ye u rɑɑ bwisikɑ u bɛɛ kuɑ.

Yeremi 42:10 ပူးပေါင်းရင်းမြစ်များ

Sɑmuɛli II 24:16

Sɑɑ ye Yinni Gusunɔn ɡɔrɑdo u sɔɔru kpɑ u kɑ Yerusɑlɛmu kpeerɑsiɑ, yerɑ Yinni Gusunɔ u ɡɔ̃ru ɡɔsiɑ u wɑhɑlɑ bɑkɑ ye yɔ̃rɑsiɑ. Mɑ u ɡɔrɑdo wi sɔ̃ɔwɑ u nɛɛ, yɑ turɑ mɛ. A wunɛn nɔmɑ wĩɔ minin di. Sɑɑ ye sɔɔ, ɡɔrɑdo wi, u wɑ̃ɑwɑ Arɑfunɑ Yebusin doo soo yerun bɔkuɔ.

Womusu 102:16

Mɛyɑ bwesenu kpuro nu koo wunɛn yĩsiru nɑsiɑ. Kpɑ nin sinɑmbu kpuro bu wunɛn yiikon bɛrum ko.

Womusu 106:45

A wunɛn ɑrukɑwɑni yɑɑyɑ. Mɑ ɑ ben wɔnwɔndu wɑ wunɛn durom bɑkɑm sɔ̃.

Womusu 37:3

A n Yinni Gusunɔ nɑɑnɛ sɑ̃ɑ kpɑ ɑ n ɡeɑ mɔ̀. Nɡe mɛyɑ kɑɑ n kɑ wɑ̃ɑ yeru mɔ tem mɛ sɔɔ, kpɑ ɑ n bɔri yɛndu mɔ.

Womusu 69:35

Wɔllu kɑ tem kɑ nim wɔ̃ku kɑ kpuro ye yɑ wɑsi mi sɔɔ, yu nùn tɔmɔ.

Yɑribu 32:14

Mɑ Yinni Gusunɔ u kɔ̃sɑ ye deri ye u rɑɑ nɛɛ u koo win tɔmbu kuɑ mi.

Yeremi 24:6

Kon de bu wurɑmɑ ben tem mini. Nɑ ǹ mɑɑ bu surɑmɔ, kon bu tɑ̃sisiɑwɑ. Nɑ ǹ mɑɑ bu wukɑmɔ, kon bu ɡirɑwɑ n sire.

Yeremi 26:19

Yudɑbɑ kɑ ben sinɑ boko Esekiɑsi wi, bɑ Misee wi ɡo? Esekiɑsi wi, u ǹ Yinni Gusunɔ nɑsie? Nɡe u ǹ Yinni Gusunɔ suuru kɑnɛ ro? Mɑ Yinni Gusunɔ u kɔ̃sɑ ye deri ye u rɑɑ kĩ u bu kuɑ. Yerɑ i ko de bɛsɛ, su tii durum bɑkɑ yeni sɔbi?

Yeremi 27:11

Adɑmɑ bwese te tɑ wurɑ tu Bɑbilonin sinɑ bokon suɡu sɔbe, tu nùn yoru diiyɑ, kon bwese te deri ten tem sɔɔ kpɑ tu ɡbeɑ ko mi, tɑ n wɑ̃ɑ. Nɛ, Yinni Gusunɔwɑ nɑ yeni ɡeruɑ.

Yeremi 31:28

Nɡe mɛ nɑ rɑɑ bu wukurɑ nɑ sururɑ nɡe dɑ̃nu, nɑ bu kɔsukɑ nɑ kɑm koosiɑ nɡe diɑ, nɡe mɛyɑ kon mɑɑ wure n bu seeyɑ n ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 33:7

Kon de be bɑ yoru mwɛɛrɑ Yudɑn di, ben wɑ̃ɑru tu kɔsi, kpɑ n bu swĩi nɡe yellu.

Yeremi 43:4

Nɡe mɛyɑ Yokɑnɑni, Kɑreɑn bii, kɑ tɑbu sinɑmbu kpuro kɑ ben tɔmbu kpuro bɑ yinɑ bu Yinni Gusunɔn ɡɑri nɔ ye u nɛɛ, bu de bu sinɑ ben tem mi.

Esekiɛli 36:36

Kpɑ bwese ni nu kɑ bɛɛ sikerenɛ nu ɡiɑ mɑ nɛnɑ nɑ ye bɑ rɑɑ surɑ seeyɑ, mɑ nɑ ye bɑ rɑɑ wukɑ ɡirɑ. Nɛ, Yinni Gusunɔwɑ nɑ yeni ɡeruɑ. Kon mɑɑ ye ko.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Amɔsu 7:3

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di. U nɛɛ, yeni yɑ ǹ mɑɑ koorɑmɔ.

Amɔsu 7:6

Mɑ Yinni Gusunɔ u ɡɔ̃ru ɡɔsiɑ kɔ̃sɑ yen di u nɛɛ, yenin tii yɑ ǹ mɑɑ koorɑmɔ.

Yonɑsi 3:10

Ye Gusunɔ u wɑ mɑ Ninifuɡibu bɑ ɡɔ̃ru ɡɔsiɑ, bɑ ben dɑɑ kɔ̃sɑ deri, yerɑ u win himbɑ ɡɔsiɑ. Mɑ u ǹ mɑɑ bu kɔ̃sɑ ye kue ye u rɑɑ ɡɔ̃ru doke u bu kuɑ.

Yonɑsi 3:4

Ye Yonɑsi u turɑ mi, u sĩɑ tɔ̃ɔ ɡiriru, u nɔɔɡiru sue u ɡerumɔ u mɔ̀, sɔ̃ɔ weerun biru, Ninifu yɑ koo kpe.

Yonɑsi 4:2

Mɑ u Yinni Gusunɔ sɔ̃ɔwɑ u nɛɛ, Yinni Gusunɔ, yenibɑn bɛrumɑ nɑ mɔ̀ sɑnɑm mɛ nɑ wɑ̃ɑ nɛn temɔ. Yen sɔ̃nɑ nɑ dukɑ yɑkurɑ fuuku nɑ dɔɔ Tɑɑsisiɔ. Nɑ yɛ̃ mɑ ɑ sɑ̃ɑwɑ wɔnwɔnduɡii, ɑ mɑɑ suuru mɔ. Wunɛn kĩru tɑ kpɑ̃. A rɑ tɔnu kɔ̃sɑ wĩɑri ye ɑ rɑɑ ɡɔ̃ru doke ɑ nùn kuɑ.

Gɔrobun Kookoosu 15:16

“Yinni Gusunɔ u nɛɛ, sɑɑ yerɑ nɑ kon wurɑmɑ kpɑ n Dɑfidin diru seeyɑ te tɑ wɔrumɑ. Kon ten bɑnsu seeyɑ kon kpɑm tu bɑni.

Sɔ̃ɔsiru 32:36

Yinni Gusunɔ ù n deemɑ win tɔmbu bɑ ǹ dɑm mɔ, bɑ ǹ mɑɑ tɑ̃si yeru ɡɑru mɔ, u koo bu siriɑ, kpɑ u be, win sɔm kowobun wɔnwɔndu wɑ.

Kpɑrobu 2:18

Yinni Gusunɔ ù n bu kpɑro wɛ̃, u rɑ n wɑ̃ɑwɑ kɑ yɛ̃ro u kɑ bu wɔrɑ ben yibɛrɛbɑn nɔmɑn di, kpɑro win wɑɑti kpuro sɔɔ. Domi u rɑ ben wɔnwɔndu wɑ sɑnɑm mɛ bɑ weeweenu mɔ̀, be bɑ bu tɔ̃yɑ mɔ̀ bɑ bu nɔni sɔ̃ɔmɔn sɔ̃.