Yeremi 41:7 - Bibeli Gusunɔn Gari

⁷ Adɑmɑ ye bɑ duɑ wuuɔ, yerɑ wi kɑ win tɔmbu bɑ tɔn be mwɑ bɑ sɑkirɑ. Mɑ bɑ ben ɡonu kpɛ̃ɛ dɔkɔ kpiriru ɡɑru sɔɔ.

Yeremi 41:7 ပူးပေါင်းရင်းမြစ်များ

Sinɑmbu II 15:25

Yerɑ win tɑbu sunɔ Pekɑ Remɑliɑn bii, kɑ Gɑlɑdin tɑbu kowobu weerɑɑkuru bɑ nùn seesi bɑ ɡo sinɑ kpɑɑrɔ Sɑmɑriɔ. Yen biruwɑ bɑ mɑɑ Aɑɡɔbu kɑ Arie ɡo. Mɑ Pekɑ u bɑndu kɔsire kuɑ.

Womusu 55:23

A wunɛn wɑ̃ɑru kpuro Yinni Gusunɔ nɔmu sɔndio, kpɑ u nun nɔɔri. Domi u ǹ derimɔ ɡemɡii u wɔrumɑ.

Mɔnnu 1:16

Ben nɑɑsu sɑ̃u bu kɑ kɔ̃sɑ ko. Bɑ mɑɑ sɛnde bu kɑ tɔnun yɛm yɑri.

Esɑi 14:19

Adɑmɑ wunɛ, bɑ nun kɑsɑ kuɑ ɑ kɑ wunɛn sikiru tondɑ nɡe dɑ̃ɑ kɑ̃ɑsɑ ye bɑ ǹ kĩ, ǹ kun mɛ nɡe wi bɑ tɑkobi sɔkurɑ bɑ ɡo bɑ sure wɔru sɔɔ ɡe ɡɑ kpenu mɔ, ǹ kun mɛ nɡe ɡoo te bɑ tɑɑkɑ.

Esɑi 59:7

I rɑ n sɛndewɑ i kɑ kɔ̃sɑ ko, kpɑ i n nɑɑsu sɑ̃u i kɑ tɔnun yɛm yɑri kɑm. I rɑ n bwisikumɔwɑ i kɑ tɔmbu kɔ̃sɑ kuɑ, kpɑ i n tɔmbu dɑm dɔremɔ i n ben yɑ̃nu ɡurɑmɔ mi i duɑ kpuro.

Esekiɛli 22:27

Ben sinɑmbu bɑ sɑ̃ɑwɑ nɡe ɡbeeku yɛɛ. Domi bɑ tɔmbu ɡoomɔ bu wɑ bu kɑ ben binɛ suresiɑ.

Romu 3:15

Ben nɑɑsu su sɑ̃u su kɑ tɔnun yɛm yɑri.