Yeremi 4:9 - Bibeli Gusunɔn Gari

⁹ Mɑ Yinni Gusunɔ u nɛɛ, yen tɔ̃ɔ te sɔɔ, sinɑ boko kɑ win sinɑ ɑsɑkpɔbu bɑ koo mwiɑ kpɑnɑ kpɑ yɑ̃ku kowobu bu biti soorɑ, kpɑ Gusunɔn sɔmɔbu bu nɔsu nɛnɛ,

Yeremi 4:9 ပူးပေါင်းရင်းမြစ်များ

Sinɑmbu II 25:4

Bɑbiloniɡibu bɑ Yerusɑlɛmun ɡbɑ̃rɑ te yɑbɑ. Mɑ Yudɑbɑn sinɑ boko kɑ win tɑbu kowobu bɑ duki yɑkurɑ min di wɔ̃kuru bɑɑ mɛ Bɑbiloniɡii be, bɑ wuu ɡe tɑrusi. Yudɑbɑ bɑ yɑrɑwɑ sɑɑ kɔnnɔ ɡe ɡɑ wɑ̃ɑ ɡbɑ̃rɑru yirun bɑɑ sɔɔn di, sinɑ bokon sɑɑdiɛ̃n bɔkuɔ, Yuudɛnin wɔwɑn berɑ ɡiɑ.

Womusu 102:4

Domi nɛn wɑ̃ɑrun tɔ̃rɑ doonɔ nɡe wiisu, mɑ nɛn kukunu dɔ̃ɔ mɔ̀ nɡe dɑ̃ɑ nɔɔ.

Esɑi 19:16

Sɑnɑm mɛ Eɡibitiɡibɑ koo wɑ mɑ Yinni Gusunɔ u bu win nɔmu dɛmiɛ u kɑ bu sɛɛyɑsiɑ bɑ koo bɛrum soorɑ nɡe tɔn kurɔbu.

Esɑi 19:3

U koo de Eɡibitiɡibu bu mwiɑ kpɑnɑ, kpɑ u ben nɔɔ tiɑ kɑm koosiɑ. Kpɑ bu bikiɑru dɑ bũnun mi kɑ dobo doboɡibun mi kɑ ɡɔri sokobun mi, kɑ sɔrobun mi.

Esɑi 28:19

Bɑ ko n bɛɛ tɑɑkumɔwɑ sɑɑ kpuro nɡe mɛ̀n nɔɔ bɑ sɑrɑmɔ. Domi bɑ ko n dɑ sɑrewɑ bururu bɑɑtere kɑ mɑɑ sɔ̃ɔ sɔɔ kɑ wɔ̃kuru, kpɑ i bɛrum soorɑ ì n ben lɑbɑɑri nuɑ.

Yeremi 2:26

Nɡe mɛ sekuru tɑ rɑ ɡbɛnɔ mwɛ bɑ̀ n nùn mwɑ subɑru sɔɔ, nɡe mɛyɑ bɛɛ Isirelibɑ kɑ bɛɛn sinɑmbu kɑ bɛɛn wiruɡibu kɑ bɛɛn yɑ̃ku kowobu kɑ Gusunɔn sɔmɔbu i ko i sekuru wɑ.

Yeremi 25:34

Bɛɛ, win tɔmbun kpɑrobu, i wuri koowo, i bindio temɔ. Domi tɔ̃rɑ tunumɑ tè sɔɔ bɑ koo bɛɛ sɑkiri. I ko i wɔrumɑ i kɔsikirɑ nɡe tem mɔn weke burɑru.

Yeremi 37:19

Mɑnɑ bɛɛn sɔmɔ be, bɑ wɑ̃ɑ be bɑ bɛɛ ɡɑri sɔ̃ɔwɑ bɑ nɛɛ, Bɑbilonin sinɑ boko kun nun wɔrim wee u sere tem mɛ mwɑ.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 52:7

Yerɑ bɑ ɡbɑ̃rɑru yɑbɑ, mɑ Yerusɑlɛmun tɑbu kowobu kpuro bɑ duki yɑkikirɑ wɔ̃kuru. Bɑ yɑrɑ sɑɑ kɔnnɔn di ɡe ɡɑ wɑ̃ɑ ɡbɑ̃rɑru yirun bɑɑ sɔɔ sinɑ bokon dɑ̃ɑ ɡbɑɑrun bɔkuɔ. N deemɑ sɑɑ ye sɔɔ, Bɑbiloniɡibɑ wuu ɡe sikerenɛ. Be bɑ duki yɑkikirɑ mi, bɑ kpɑwɑ kɑ swɑɑ ye yɑ dɔɔ Yuudɛnin wɔwɑ ɡiɑ.

Gɔrobun Kookoosu 13:41

“I mɛɛrio, bɛɛ tɔn yɑɑko kowobu, i biti sooro kpɑ i kɑm ko. Domi kon ɡɑ̃ɑnu ko bɛɛn nɔni biru ni i ǹ nɑɑnɛ mɔ̀ bɑɑ ɡoo ù n bɛɛ nu tusiɑ.”