Yeremi 4:6 - Bibeli Gusunɔn Gari

⁶ Bu ɡidi bɔrɑ sueyo Siɔni ɡiɑ bu duki yɑkuro bu ku yɔ̃rɑ. Domi Gusunɔ u koo de kɔ̃sɑ yu nɑ sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 4:6 ပူးပေါင်းရင်းမြစ်များ

Esɑi 62:10

Bɛɛ Yerusɑlɛmuɡibu, i yɑrio sɑɑ wuun di, i bɛɛn tɔn be bɑ wee swɑɑ sɔnwɑ, i yen kpenu wunɑ i nɔɔ nɛrɑsiɑ. I ɡidi bɔrɑ yɔ̃rɑsio ben berɑ ɡiɑ.

Yeremi 10:22

Wee dɑmu ɡɑɡu ɡɑ nɔɔrɑmɔ. Tɔn dɑbirɑ wee sɑɑ sɔ̃ɔ yɛ̃sɑn nɔm ɡeu ɡiɑn di, bu kɑ Yudɑbɑn wusu kpeerɑsiɑ, kpɑ su ko ɡbeeku bɔ̃nun wɑ̃ɑ yeru.

Yeremi 18:11

Yen sɔ̃, ɑ Yudɑbɑ kɑ Yerusɑlɛmuɡibu sɔ̃ɔwɔ ɑ nɛɛ, nɛ, Yinni Gusunɔ nɑ sɔɔru mɔ̀ n kɑ bu kɔ̃sɑ kuɑ. Nɑ yen kpunɑɑ yi. Ǹ n mɛn nɑ, ben bɑɑwure u win dɑɑ kɔ̃sɑ derio u wurɑmɑ nɛn mi.

Yeremi 21:7

Yen biruwɑ u koo sinɑ boko Sedesiɑsi, Nɛbukɑnɛsɑɑ nɔmu bɛriɑ, wi kɑ win sɔm kowobu kɑ win tɔn be bɑ wɑ̃ɑ wuu ɡe sɔɔ, be bɑ ɡesi yɑrɑ bɑrɑrun di, kɑ tɑbun di, kɑ ɡɔ̃ɔrun di. Be kpurowɑ Nɛbukɑnɛsɑɑ u koo ɡo. U ǹ ben wɔnwɔndu mɔ̀. U ǹ mɑɑ ɡoo derimɔ.

Yeremi 22:7

Kon tɑbu kowobu tɑbu yɑ̃nu sebusiɑ bu tu wɔri. Kpɑ bu ten ɡbere yi bɑ kuɑ kɑ dɑ̃ɑ ye bɑ mɔ̀ sɛduru wukiri bu dɔ̃ɔ doke.

Yeremi 25:9

yen sɔ̃nɑ u koo mɑɑ sɔ̃ɔ yɛ̃sɑn nɔm ɡeun tɔmbu kpuro ɡurɑmɑ kɑ win sɔm kowo Nɛbukɑnɛsɑɑ, Bɑbilonin sinɑ boko. Kpɑ bu bɛɛn tem mɛn tɔmbu wɔri bu kɑm koosiɑ, kɑ be bɑ bɛɛ sikerenɛ kpuro. Tem mɛ, mu koo kowɑ bɑnsu sere kɑ bɑɑdommɑɔ. Wi u sɑrɔ mi, kpɑ biti yu nùn mwɑ, sere u wiɑ ko.

Yeremi 4:21

Sere dommɑ nɑ kon yibɛrɛbɑn ɡidi bɔrɑ wɑɑmɔ, kpɑ nɑ n kɔbɑn swĩi nɔɔmɔ tɑ̃ɑ tɑ̃ɑ.

Yeremi 50:2

i bwesenu lɑbɑɑri yeni nɔɔsio. I yĩrenu koowo nu kɑ ye ɡiɑ. I ye kpɑro i nɛɛ, Bɑbiloni yɑ wɔrumɑ. Yen bũnu nu sekuru suɑ. Bũu ni bɑ mɔ̀ Bɛli kɑ Mɛrodɑki nu wɑ̃ɑ sekuru sɔɔ. Nin bwɑ̃ɑrokunu nu bɛrum soorɑ.

Yeremi 50:22

Wee, tɑbun wurenu nɔɔrɑmɔ tem mɛ kpuro sɔɔ. Asɔrɔ bɑkɑ yɑ tunumɑ.

Yeremi 51:12

I yĩreru koowo kpɑ i Bɑbiloni wɔri. Wuun kɔ̃sobu, bu wureo bu yɔ̃rɔ sɔmɛ ben kɔ̃su yerɔ. I Bɑbiloni yɔɔru bwɛ̃ɛyɔ. Domi ye Yinni Gusunɔ u yɔ̃rɑri u ko ye sɔɔ, u koo ye kowɑ.

Yeremi 51:27

I tɑbun ɡidi bɔrɑ yɔ̃rɑsio i Bɑbiloni wɔri. I kɔbɑ soowo kpɑ bwesenu nu mɛnnɑ. I nu sɔɔru koosio. I sinɑm be bɑ wɑ̃ɑ Arɑrɑtiɔ kɑ Miniɔ kɑ Asikenɑsiɔ mɛnnɑmɑ bu Bɑbiloni tɑbu wɔri. I tɑbu sinɑmbu ɡɔsio kpɑ i de dumi yi se nɡe twee yi bu wɔri.

Yeremi 51:54

Kɑm kobu Bɑbilonin tem deemɑ, mɑ kuuki nɔɔrɑmɔ yen wusu sɔɔ.

Yeremi 6:1

Bɛɛ Bɛnyɑmɛɛbɑ, i duki yɑkuro Yerusɑlɛmun di. I kɔbɑ soowo Tekoɑɔ. I yĩreru koowo Bɛti Hɑkerɛmuɔ. Domi nɔni swɑ̃ɑ bɑkɑru kɑ kɑm kobu sisi, sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 6:22

Yinni Gusunɔ u nɛɛ, wee bweseru ɡɑrɑ sisi sɑɑ sɔ̃ɔ yɛ̃sɑn nɔm ɡeu ɡiɑn di mi n tomɑ. Bwese ten tɔmbu bɑ dɑm mɔ.

Esekiɛli 9:1

Yen biru Esekiɛli u Yinni Gusunɔn nɔɔ nuɑ. U nɛɛ, i susimɑ bɛɛ be i ko i Yerusɑlɛmuɡibu sɛɛyɑsiɑ. Bɑɑwure u n win tɑbu yɑ̃nu nɛni ni u koo kɑ bu kɑm koosiɑ.

Esekiɛli 9:2

Yerɑ u wɑ wee tɔmbu nɔɔbɑ tiɑ bɑ yɑrimɑ sɑɑ sɑ̃ɑ yerun kɔnnɔ ɡe ɡɑ wɑ̃ɑ ɡunɡunu wɔllu ɡiɑn di, sɔ̃ɔ yɛ̃sɑn nɔm ɡeuɔ. Mɑ ben bɑɑwure u win tɑbu yɑ̃nu nɛni ni u koo kɑ tɔmbu kɑm koosiɑ. Mɑ ben suunu sɔɔ ɡoo u wɑ̃ɑ u yɑ̃ku kowon yɑberu doke bɑ ɡɑ̃ɑnu sɔre win kpɑkɑ sɔɔ nì sɔɔ u koo yore. Yerɑ u nɑ u yɔ̃rɑ yɑ̃ku yerun bɔkuɔ te bɑ kuɑ kɑ sii ɡɑndu.

Sofoni 1:10

Yen tɔ̃ɔ te, bɑ koo wuri nɔ sere kɔnnɔwɔ ɡe bɑ mɔ̀ Swɛ̃ɛ, kɑ mɑɑ wuun wɔɔ berɑ ɡɑɑn mi. Mɛyɑ nɔni swɑ̃ɑ bɑkɑrɑ ko n wɑ̃ɑ ɡuunu wɔllɔ.

Sɑkɑri 6:6

Dum kɔnkɔrɔ be bɑ tɑbu kɛkɛ yen tiɑ ɡɑwe mi, bɑ dɔɔwɑ sɔ̃ɔ yɛ̃sɑn nɔm ɡeu ɡiɑ. Mɑ dum kɑɑ be, bɑ swĩi. Adɑmɑ dum bɑu swɑ̃ɑsuɡii yi, yi dɔɔwɑ sɔ̃ɔ yɛ̃sɑn nɔm dwɑru ɡiɑ.