Yeremi 4:31 - Bibeli Gusunɔn Gari

³¹ Nɑ wuri kɑ weeweenu nɔɔmɔ nɡe tɔn kurɔ wi u yiire u kĩ u win bii ɡbiikoo mɑ. Ase Yerusɑlɛmun nɔɔwɑ ɡɑ nɔɔrɑmɔ mi. Yɑ wom ɡɑbɑmɔ, yɑ nɔmɑ dɛmiɛ yɑ mɔ̀, yɑ kɑm kuɑwɑ. Wee yen yibɛrɛbɑ bɑ ye sɛ̃re, yɑ ɡɔɔ dɔɔ.

Yeremi 4:31 ပူးပေါင်းရင်းမြစ်များ

Torubu 27:46

Yerɑ Rebekɑ u dɑ u Isɑki sɔ̃ɔwɑ u nɛɛ, nɑ kɑ nɛn wɑ̃ɑru wɑsirɑ Esɑun kurɔ benin dɑɑn sɔ̃, be bɑ sɑ̃ɑ Hɛtibɑ. Yɑkɔbu ù n mɑɑ kurɔ suɑ tem mini nɡe be, mbɑn wɑ̃ɑrɑ ko nɑ n mɑɑ wɑ̃ɑ.

Yoobu 10:1

Wɑ̃ɑrɑ mɑn tusɑ. Nɑ ǹ nɛn weeweenu yɔ̃rɑsiɑmɔ. Kon ɡerewɑ wɑhɑlɑ ye nɑ mɔ̀.

Womusu 120:5

Wee nɑ kuɑ kɑm koore, nɑ wɑ̃ɑ Mɛsɛkiɔ Kedɑnin kuu bekuruɡirɔ.

Esɑi 1:15

Bɑɑ ì n bɛɛn kɑnɑru dɛnyɑsiɑmɔ, nɑ ku rɑ nu swɑɑ dɑki. Ì n nɔmɑ yiiyɑ wɔllɔ i kɑ kɑnɑru ko, nɑ rɑ nɛn wuswɑɑ sĩiyɛwɑ, nɑ kun bɛɛ mɛɛrɑ. Domi bɛɛn nɔmɑ tɔmbun yɛm yibɑ be i ɡo.

Esɑi 13:8

Bɑbiloniɡibɑ koo bɛrum soorɑ, kpɑ ben wɑsi yi dwiiyɑ wuriribun sɔ̃. Bɑ koo tii tɛmɑ nɡe tɔn kurɔ wi u yiire u kĩ u mɑ. Bɑ ko n mɛɛrinɛ ben wuswɑɑ yɑ n burisinɛ.

Esɑi 21:3

Ye nɑ wɑ kɑ ye nɑ nuɑ kɑ̃si te sɔɔ, yɑ derɑ nɛn tororɑ kɑrɑ. Mɑ wuriribu mɑn wɔri nɡe tɔn kurɔ wi u yiire u kĩ u mɑ. Tirerɑbu derɑ nɑ ǹ mɑɑ ɡɑri nɔɔmɔ. Mɑ diiribu derɑ nɑ ǹ yɑm wɑɑmɔ.

Esɑi 26:17

Yinni Gusunɔ, sɑnɑm mɛ ɑ sun biru kisi sɑ kuɑ nɡe tɔn kurɔ wi u yiire u kĩ u mɑ, u tii bɔɔkumɔ u wuri mɔ̀ wuriribun sɔ̃.

Esɑi 42:14

Yinni Gusunɔ u nɛɛ, wee nɑ nɔɔ mɑri nɑ tii nɛnuɑ n kɑ tɛ. Adɑmɑ tɛ̃, kon nɔɔɡiru suɑ nɡe tɔn kurɔ wi u yiire u kĩ u mɑ, mɑ u wɑsire u wom ɡɑbɑmɔ.

Esɑi 6:5

Sɑɑ ye sɔɔrɑ nɑ nɔɔɡiru suɑ nɑ nɛɛ, nɑ kɑm kuɑwɑ. Domi nɛn yɑrɑ yɑ durum sɔɔwɑ, nɑ mɑɑ wɑ̃ɑ tɔmbun suunu sɔɔ bèn yɑri durum sɔɔwɑ mɑ nɑ sere Gusunɔ, wɔllu kɑ tem Yinni wɑ kɑ nɔni wi u sɑ̃ɑ kpuron sunɔ.

Yeremi 10:19

Yerusɑlɛmuɡibu bɑ wuri wɔri bɑ mɔ̀, sɑ kɑm kuɑ. Wee, bɛsɛn bosu kpɛ̃ɑ, bɛsɛn nɔni swɑ̃ɑrɑ bɑndɑ. Sɑ rɑɑ nɛɛ, kɔ̃sɑ yɑ̀ n sun deemɑ, sɑ ko kpĩ su ye mɑ.

Yeremi 13:21

Be bɑ rɑɑ nun sokumɔ yinni, bɑ̀ n nun sɛɛyɑsiɑbu nɑ, mbɑ kɑɑ ɡere. Sɑɑ ye sɔɔrɑ wuriribu bu koo nun deemɑ nɡe tɔn kurɔ wi u yiire u kĩ u mɑ.

Yeremi 14:18

Nɑ̀ n yɑrɑ nɑ dɑ yɑkɑsɔ, nɑ rɑ tɔn be bɑ ɡo tɑbu sɔɔn ɡonu wɑwɑ nu kpĩ. Nɑ̀ n mɑɑ wurɑmɑ wuuɔ, kpɑ n deemɑ tɔmbɑ bɑrɔ ɡɔ̃ɔrun sɑɑbu. Gusunɔn sɔmɔbu kɑ yɑ̃ku kowobu bɑ rɑ n den sirenɛwɑ tem mɛ sɔɔ. Bɑ ǹ yɛ̃ ye bɑ mɔ̀.

Yeremi 15:18

Yinni Gusunɔ, mbɑn sɔ̃nɑ nɑ wɑhɑlɑ mɔ̀ sere kɑ tɛ̃. Mbɑn sɔ̃nɑ yɑ sɑ̃ɑ nɡe boo wi u ku rɑ kpe. Yinni, kɑɑ n mɑn sɑ̃ɑwɛwɑ nɡe bwiɑ ye yɑ ǹ nɑɑnɛ mɔ, ǹ kun mɛ nɡe dɑɑ te tɑ rɑ nim kpe?

Yeremi 18:21

Yen sɔ̃, ɑ de ɡɔ̃ɔru tu ben bibu ɡo. A de bu ɡbisuku tɑbu sɔɔ, kpɑ kurɔbu bu durɔbu kɑ bibu biɑ, kpɑ bu ko ɡɔminibu. A de bɑrɑnu nu durɔ be ɡo, kpɑ bu ben ɑluwɑɑsibɑ ɡo tɑbu sɔɔ.

Yeremi 22:23

Bɛɛ Yerusɑlɛmuɡibu, bɛɛ be i sɔ̃ sɛ̃ɛ bɛɛn dii burɑnu sɔɔ ni i kuɑ kɑ Libɑnin dɑ̃ɑ ɡeɑ, ɑmɔnɑ bɛɛn weeweenu ko n nɛ, sɑnɑm mɛ wuriribu koo bɛɛ deemɑ nɡe tɔn kurɔ wi u yiire u kĩ u mɑ.

Yeremi 30:6

I bikio kpɑ i nɔ tɔn durɔ ù n dɑ yiire u mɑ. Ǹ n mɛn nɑ, mbɑn sɔ̃nɑ nɑ tɔmbu wɑ bɑ ben ɡɑ̃ɑnu nɛni nɡe tɔn kurɔ wi u yiire u kĩ u mɑ. Mbɑn sɔ̃nɑ be kpuron wuswɑɑ burisinɛ.

Yeremi 45:2

wee ye Gusunɔ Isirelibɑn Yinni, u ɡeruɑ wunɛn sɔ̃.

Yeremi 48:41

Kpɑ bu wuu ɡe bɑ mɔ̀ Keriɔtu mwɑ, bu ɡen ɡbɑ̃rɑnu kɔsuku. Mɔɑbun tɑbu durɔ dɑmɡibu bɑ koo nɑndɑ nɡe tɔn kurɔ wi u yiire u kĩ u mɑ.

Yeremi 49:22

Wee, yibɛrɛbɑ bɑ koo Botisirɑ wukiri nɡe mɛ yɑberekunu nu rɑ yɑɑ ɡonu kunisi. Yen dɔmɑ te, Edɔmun tɑbu durɔ dɑmɡibu bɑ ko n kpɑsɑ wɔri mɔ̀wɑ nɡe tɔn kurɔ wi u yiire u kĩ u mɑ.

Yeremi 49:24

Dɑmɑsiɡibu bɑ mwiɑ kpɑnɑ bɑ ɡɔsirɑ bu kɑ duki su, ɑdɑmɑ bɑ bɛrum soore. Mɑ nuku sɑnkirɑnu kɑ wuriribu bu nɛni nɡe tɔn kurɔ wi u yiire u kĩ u mɑ.

Yeremi 50:43

Ye Bɑbilonin sinɑ boko u lɑbɑɑri ye nuɑ, yerɑ win ɡɔmɑ dwiiyɑ. Bɛrum kɑ wuriribu nùn mwɑ nɡe tɔn kurɔ wi u yiire u kĩ u mɑ.

Yeremi 6:2

Bɑ koo Yerusɑlɛmu, wuu burɔ ɡe kɔsuku.

Swĩi 1:17

Nɑ nɔmɑ yiiyɑ nɑ kɑnɑru kuɑ. Adɑmɑ ɡoo kun nɛ u mɑn nukuru yɛmiɑsiɑ. Yinni Gusunɔ u derɑ be bɑ kɑ nɛn tɔmbu Isirelibɑ sikerenɛ bɑ kuɑ nɛn yibɛrɛbɑ, mɑ bɑ mɑn ɡɑrisi disi.

Swĩi 1:20

Yinni Gusunɔ, ɑ nɛn nɔni swɑ̃ɑru mɛɛrio, nɛn bwɛ̃rɑ kun kpĩ. Nɑ nuki sɑnkire too, domi nɑ ǹ nun mɛm nɔɔwɛ. Tɔɔwɔ tɑbu sun dimɔ. Mɑ wuun sɔɔwɔ ɡɔɔ wɑ̃ɑ.

Swĩi 2:21

Wee bukurobu kɑ bibun ɡonu nu kpĩ swɛɛ sɔɔ. Bɑ nɛn wɔndiɑbɑ kɑ ɑluwɑɑsibɑ ɡo tɑbu sɔɔ. A derɑ bɑ bu sɑkirɑ wɔnwɔndu sɑri, wunɛn mɔrun sɑɑ.

Osee 13:13

Isirelin bweseru tɑ sɑ̃ɑwɑ nɡe bii wìn mɑrubun sɑɑ yɑ turɑ mɑ u kpɑsɑ wɔri mɔ̀, ɑdɑmɑ bii wi, u yinɑ u yɑrimɑ.

Misee 4:10

Bɛɛ Yerusɑlɛmuɡibu, i wuri koowo nɡe tɔn kurɔ wi u yiire u kĩ u mɑ. Domi tɛ̃, i ko i yɑri Yerusɑlɛmun di. Kpɑ i dɑ i n wɑ̃ɑ yɑkɑsɔ. Bɑ koo kɑ bɛɛ dɑ sere Bɑbiloniɔ. Adɑmɑ Yinni Gusunɔ u koo rɑ bɛɛ yɑkiɑmɑ min di. Kpɑ u bɛɛ wɔrɑ bɛɛn yibɛrɛbɑn nɔmɑn di.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.

Misee 7:1

Misee u nɛɛ, wee nɑ wɔnwɔndu soore nɡe wi u dɑ̃ɑ binu kunɔnu mɔ̀. Mɑ u ǹ ɡɑ̃ɑnu wɑ u di. U ǹ mɑɑ resɛm yebɑ wɑ ye win ɡɔ̃ru ɡɑ kĩ u di.

Mɑteu 21:5

“I Yerusɑlɛmuɡibu sɔ̃ɔwɔ i nɛɛ, wee, ben sunɔ sisi ben mi. Wi, tɔn duuduowɑ, u kɛtɛku sɔni, kɛtɛku buu kpɛmbu.”

Korinti I 9:16

Domi n ǹ weenɛ n woo kɑnɑ Lɑbɑɑri ɡeɑn kpɑrɑbun sɔ̃. Tilɑsiwɑ ye, yɑ mɑn sɑ̃ɑwɛ. Nɑ̀ kun yen wɑɑsu kue, wɑhɑlɑ bɑkɑ.

Tɛsɑlonikɑ I 5:3

Sɑnɑm mɛ tɔmbɑ kun kɑ ɡɛɛ nɑnde bɑ mɔ̀, ɑlɑfiɑ wɑ̃ɑ, sɑɑ yerɑ kpeerɑsiɑbu koo tunumɑ suɑru sɔɔ nɡe mɛ mɑru wuriribu bu rɑ ɡurɑɡii deemɛ, bɑ ǹ mɑɑ kpiki yeru wɑsi.