Yeremi 4:23 - Bibeli Gusunɔn Gari

²³ Nɑ tem mɛɛrɑ mɑ mu sɑ̃ɑ bitɑm, ɡɑ̃ɑnu sɑri mɛn wɔllɔ. Nɑ mɑɑ wɔllu mɛɛrɑ, nɑ deemɑ yɑm bururɑm sɑri mi.

Yeremi 4:23 ပူးပေါင်းရင်းမြစ်များ

Torubu 1:2

Tem dɑɑ wɑ̃ɑwɑ bitɑm. Gɑ̃ɑnu kun wɑ̃ɑ mɛ sɔɔ. Mɛn temɔ wɔru bɔkɔwɑ ɡɑ wɑ̃ɑ mi, mɑ yɑm wɔ̃kurɑ ɡu wukiri. Mɑ nim mu tɛrie tem mɛn wɔllu ɡiɑ. Nim mɛn wɔllɔwɑ Gusunɔn Hunde rɑ n bɛllimɔ.

Esɑi 13:10

Wɔllun kperi kun mɑɑ yɑm dɛɛrɑsiɑmɔ. Sɔ̃ɔ ù n yɑriɔ, min diyɑ u ko n yɑm tĩrɑmɔ. Mɛyɑ suru kun mɑɑ yɑm bururɑsiɑmɔ.

Esɑi 5:30

Sɑɑ ye sɔɔ, kukiribu koo nɔɔrɑ Isirelibɑ sɔɔ nɡe nim wɔ̃ku ɡe woo bɔkɔ ɡɑ seeyɑ. Bɑ̀ n tem mɛ mɛɛrɑ, yɑm wɔ̃kurɑ bɑ koo wɑ kɑ nuku sɑnkirɑ bɑkɑnu, kpɑ wɔllu tu tĩrɑ ɡuru wii bɑkɑrun sɔ̃.

Yeremi 2:12

Yinni Gusunɔ u nɛɛ, bɛɛ wɔlluɡibu, i biti sooro yenin sɔ̃, kpɑ i wɛ̃nu wurɑ.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Swĩi 3:2

U derɑ nɑ dɑ yɑm wɔ̃kuru sɔɔ, mi yɑm bururɑm sɑri.

Yoɛli 2:10

Mi yi duɑ, tem mu rɑ diiriwɑ, kpɑ n sɑ̃ɑre wɔllɑ koo wɔrumɑ, kpɑ suru kɑ sɔ̃ɔ yɑm tĩrɑ, kpɑ kperin bɑllibu kpe.

Amɔsu 8:9

Yen tɔ̃ɔ te, nɛ, Yinni Gusunɔ kon de sɔ̃ɔ u du sɔ̃ɔ sɔɔ ɡbɑ̃ɑrɑ kpɑ yɑm mu tĩrɑ.

Sɑkɑri 14:6

Yen tɔ̃ɔ te, yɑm bururɑm mu ǹ ko n mɑɑ wɑ̃ɑ. Purɑ yɑ ko n wɑ̃ɑ kɑ sere mɑɑ nim mɛ mu ɡɔsirɑ nɡe kperu.

Mɑteu 24:29

Mɑ Yesu mɑɑ nɛɛ, sɑnɑm mɛn nɔni swɑ̃ɑrun biru, mii mii sɔ̃ɔ koo yɑm tĩrɑ, suru kun mɑɑ win yɑm bururɑm sɔ̃ɔsimɔ, kperi koo wɔrumɑ wɔllun di kpɑ wɔllun dɑm mu yĩiri.

Mɑteu 24:35

Wɔllu kɑ tem bɑɑ yɑ koo doonɑ, ɑdɑmɑ nɛn ɡɑri kun dɔɔnɔ pɑi.

Kɑ̃siru 20:11

Yerɑ nɑ mɑɑ sinɑ kitɑ kpiki bɑkɑru wɑ kɑ wi u sɔ̃ ten wɔllɔ. Mɑ tem kɑ wɔllɑ dukɑ doonɑ win wuswɑɑn di, yen ɡɑɑ kun mɑɑ wɑɑrɔ.