Yeremi 4:20 - Bibeli Gusunɔn Gari

²⁰ Bɑ sun nɔɔsiɑmɔ mɑ bɑ wuu dɑbinu kɔsukɑ. Tem mɛ kpuro mu kɑm kobu dɔɔwɑ. Subɑru sɔɔrɑ bɑ nɑ bɑ bɛsɛn tɑbu kowobun kuu bekuruɡinu wukurɑ. Mɑ bɑ nu ɡurɑ bɑ kɑ doonɑ.

Yeremi 4:20 ပူးပေါင်းရင်းမြစ်များ

Womusu 42:7

Nɛn Yinni, nɑ nuki sɑnkire. Yen sɔ̃nɑ nɑ nun yɑɑyɑmɔ sɑɑ Yuudɛnin dɑɑrun di, kɑ ɡuu te bɑ mɔ̀ Hɛɛmɔɔn di kɑ ɡuu te bɑ mɔ̀ Miseɑɑn di.

Womusu 72:19

Su nùn siɑrɑ win yĩsi bɛɛrɛɡii ten sɔ̃. Win yiiko yu sɔ̃ɔsirɑ hɑnduniɑ kpuro sɔɔ. Ami! Ami!

Yɑribu 33:5

Yinni Gusunɔ u Mɔwisi sɔ̃ɔwɑ u nɛɛ, ɑ Isirelibɑ sɔ̃ɔwɔ ɑ nɛɛ, ben swɑɑ tɑu. Nɑ̀ n kɑ bu sĩimɔ nɔni kpɑki teeru sɔɔ mɑm, kon bu kɑm koosiɑ. Bu ben burɑ yɑ̃nu potirio tɛ̃, kpɑ n wɑ ye kon bu kuɑ.

Esɑi 13:6

I ɡɔɔ swĩiyɔ domi Yinni Gusunɔn tɔ̃ɔ te, tɑ turuku kuɑ. Tɑ sɑ̃ɑwɑ kɑm koo bi bu wee wi, Dɑm kpuroɡiin min di.

Esɑi 15:5

Nɑ fɑɑbɑ kɑnɑmɔ Mɔɑbubɑn sɔ̃ be bɑ kpikiru suɔ bɑ dɔɔ Soɑriɔ kɑ Eɡɑlɑti Selisiyɑɔ. Domi bɑ sumɔ bɑ kɑ Lusitin ɡuunu yɔɔmɔ, bɑ wuri mɔ̀ Koronɑimun swɑɑɔ nuku sɑnkirɑnun sɔ̃.

Esɑi 33:20

A Yerusɑlɛmu mɛɛrio mi sɑ rɑ bɛsɛn tɔ̃ɔ bɑkɑnu ko. Kɑɑ ye wɑ yɑ wɑ̃ɑ bɔri yɛndu sɔɔ. Yɑ ko n sɑ̃ɑwɑ nɡe kuu bekuruɡiru tèn dɑ̃nu bɑ ǹ mɑɑ wukɑmɔ. Mɛyɑ bɑ ǹ mɑɑ ten wɛ̃ɛ kusiɑmɔ.

Esɑi 47:9

Adɑmɑ tɛ̃ ye yiru kpuro yɑ koo nun deemɑ sɔ̃ɔ teeru subɑru sɔɔ. Bɑɑ mɛ wunɛn tim mu do, mɑ wunɛn dobo dobo yɑ kpɑ̃, kɑ mɛ, kɑɑ ɡɔminiru sinɑ, kpɑ wunɛn bibu bu ɡbi. Ye kpuro yɑ koo koorɑwɑ mɑm mɑm.

Esɑi 54:2

A wunɛn kuu bekuruɡirun bɑtumɑ sosio, kpɑ bu ten bekɑ dɛmiɑ. A ten wɛ̃ɛ dɛnyɑsio, kpɑ ɑ ten dɑ̃nu ɡirɑ nu n dɑm mɔ. A tii kusio, ɑ ku tii bɔke.

Yeremi 12:11

Bɑ tem mɛ ɡɔsiɑ nɡe tem sɑɑrɑm. Wee mu sɑ̃ɑre nɡe tɔnu wi u ɡɔɔ sumɔ u nuki sɑnkire. Tem mɛ kpuro mu kɑm kuɑ. Goo sɑri wi u mɛn weeweenu kuɑ.

Yeremi 17:18

A de be bɑ mɑn nɔni sɔ̃ɔmɔ bu sekuru wɑ. Kpɑ nɛ, nɑ kun tu wɑ. A de bu diiri, kpɑ nɛ, nɑ n wɑ̃ɑ kɑ toro sindu. A de nɔni swɑ̃ɑru tu bu deemɑ, kpɑ ɑ bu sɛɛyɑsiɑ n kpɑ̃.

Yeremi 4:21

Sere dommɑ nɑ kon yibɛrɛbɑn ɡidi bɔrɑ wɑɑmɔ, kpɑ nɑ n kɔbɑn swĩi nɔɔmɔ tɑ̃ɑ tɑ̃ɑ.

Yeremi 4:27

Yinni Gusunɔ u nɛɛ, u koo tem mɛ ɡɔsiɑ tem sɑɑrɑm, ɑdɑmɑ u mɑɑ nɛɛ, u ǹ derimɔ mu n sɑ̃ɑ mɛ kɑ bɑɑdommɑɔ.

Yeremi 4:6

Bu ɡidi bɔrɑ sueyo Siɔni ɡiɑ bu duki yɑkuro bu ku yɔ̃rɑ. Domi Gusunɔ u koo de kɔ̃sɑ yu nɑ sɑɑ sɔ̃ɔ yɛ̃sɑn nɔm ɡeu ɡiɑn di.

Yeremi 9:18

Domi wuri nɔɔrɑ Siɔniɔ. Bɑ mɔ̀, wee, bɑ sun ɡurɑ, seku bɑkɑrɑ sun deemɑ. N kuɑ tilɑsi su kɑ bɛsɛn tem deri. Wee bɑ bɛsɛn yɛnusu kɔsukɑ.

Swĩi 3:47

Ye yɑ sun tie, yerɑ nɑndɑbu kɑ bɛrum, domi bɑ bɛsɛn yɑ̃nu ɡurɑ, bɛsɛn tem mu kuɑ bɑnsu.

Esekiɛli 14:21

Yen biruwɑ Yinni Gusunɔ u nɛɛ, wee nɑ Yerusɑlɛmu wɑhɑlɑ bɑkɑ nnɛ yeni kpɛ̃ɛ n kɑ yen tɔmbu kɑ ben yɑɑ sɑbenu ɡo. Yerɑ tɑbu kɑ ɡɔ̃ɔru kɑ ɡbeeku yɛɛ ɡɔbi kɑ bɑrɑnu.

Yoɛli 1:15

Yinni Gusunɔn tɔ̃ru tɑ turuku kuɑ. Tɔ̃ɔ te, tɑ sɑ̃ɑwɑ win tɔ̃ru. Te sɔɔrɑ wi, Dɑm kpuroɡii u koo kpuro kɑm koosiɑ. Annɑ ɑ tɔ̃ɔ kɔ̃suru wɑ te tɑ sisi mi.

Sɑ̃ɑrun Woodɑ 26:18

Yenibɑ kpuron biru, ì kun mɑn mɛm nɔɔwɛ, kon bɛɛ sɛɛyɑsiɑ too too bɛɛn torɑrun sɔ̃.

Sɑ̃ɑrun Woodɑ 26:21

Ì n mɑn seesimɔ, kon bɛɛ sɛɛyɑsiɑ too too bɛɛn torɑnun sɔ̃.

Sɑ̃ɑrun Woodɑ 26:24

nɛn tii kon bɛɛ seesi kpɑ n mɑɑ bɛɛ sɛɛyɑsiɑ too too n kere yellu bɛɛn torɑnun sɔ̃.

Sɑ̃ɑrun Woodɑ 26:28

nɛn tii kon bɛɛ seesi kɑ mɔru kpɑ n bɛɛ sɛɛyɑsiɑ nɔn nɔɔbɑ yiru n kere yellu bɛɛn torɑnun sɔ̃.

Hɑbɑkuku 3:7

Nɑ Kusɑniɡibun weeweenu nɔɔmɔ. Nɑ mɑɑ wɑ mɑ Mɑdiɑnibɑ bɑ bɛrum soore.

Gbɑburu 16:21

i doonɔ tɔn ben min di, domi kon bu ɡowɑ mi tɛ̃n tɛ̃ ɡe.

Mɑteu 10:28

I ku bu nɑsiɑ be bɑ koo wɑsi tɔnɑ ɡo, be bɑ ǹ kpɛ̃ bu hunde ɡo. Adɑmɑ i yɛ̃ro nɑsio wi u koo kpĩ u wɑsi kɑ hunde ɡo sɑnnu dɔ̃ɔ wi u ku rɑ ɡbi sɔɔ.

Tɛsɑlonikɑ II 1:9

Ben dii kɔsiɑru tɑ ko n sɑ̃ɑwɑ kɑm koo bi bu kun nɔru mɔ sere kɑ bɑɑdommɑ. Bɑ ko n kɑrɑnɛwɑ kɑ Yinni kɑ mɑɑ win yiiko dɑmɡiɑ,