Yeremi 4:19 - Bibeli Gusunɔn Gari

¹⁹ Yeremi u nɛɛ, nɛn nuki mɑn wuririmɔ mɑ nɛn tororɑ kɑrɑ. Nɑ ǹ kpɛ̃ n nɔɔ mɑri wɑhɑlɑ yenin sɔ̃. Nɑ tɑbun kɔbɑ nɔɔmɔ. Bu wee.

Yeremi 4:19 ပူးပေါင်းရင်းမြစ်များ

Torubu 49:6

Bɛɛn mɔrun sɔ̃ i tɔmbu ɡo. Bɛɛn nuku kɔ̃surun sɔ̃ i kɛtɛ kinɛnun nɑɑ sĩinu bɔɔrɑ. Yen sɔ̃, nɛn ɡɔ̃ru ɡu ku rɑɑ du bɛɛn kɑnkɑm wesiɑnɔ sɔɔ. Nɛn bwɛ̃rɑ yu ku rɑɑ kɑ bɛɛ mɛnnɛ.

Sinɑmbu II 4:19

Yerɑ u win tundo sɔ̃ɔwɑ u nɛɛ, nɛn wirɑ mɑn dumɔ, nɛn wirɑ mɑn dumɔ. Mɑ tundo u win sɔm kowo turo sɔ̃ɔwɑ u nɛɛ, ɑ kɑ nùn doo win mɛron mi fuuku.

Sinɑmbu II 8:11

Yerɑ Elisee u Hɑsɑɛli mɛɛrɑ tii, mɑ u swĩi wɔri.

Womusu 103:1

Womu ɡe Dɑfidi u kuɑ. U nɛɛ, kon Yinni Gusunɔ siɑrɑ. Kon win yĩsi dɛɛrɑru tɔmɑ kɑ nɛn ɡɔ̃ru kpuro.

Womusu 116:7

Nɛn bwɛ̃rɑ, ɑ wɛ̃ro, domi Yinni Gusunɔ u mɑn ɡeɑ kuɑ.

Womusu 119:136

Wee nɑ nɔni yĩresu kokumɔ nɡe dɑɑru, domi tɔmbɑ kun wunɛn woodɑbɑ mɛm nɔɔwɛ.

Womusu 119:53

Nɑ̀ n wɑ tɔn kɔ̃sobu bɑ wunɛn woodɑbɑ deri, mɔru bɑkɑ nɑ rɑ ko.

Womusu 146:1

I Yinni Gusunɔ siɑro. Nɛn bwɛ̃rɑ, ɑ Yinni Gusunɔ siɑro.

Womusu 16:2

Wunɑ nɑ sɔ̃ɔmɔ mɑ ɑ sɑ̃ɑ nɛn Yinni. Wunɛ turowɑ ɑ rɑ mɑn ɡɑ̃ɑ ɡeenu wɛ̃.

Esɑi 15:5

Nɑ fɑɑbɑ kɑnɑmɔ Mɔɑbubɑn sɔ̃ be bɑ kpikiru suɔ bɑ dɔɔ Soɑriɔ kɑ Eɡɑlɑti Selisiyɑɔ. Domi bɑ sumɔ bɑ kɑ Lusitin ɡuunu yɔɔmɔ, bɑ wuri mɔ̀ Koronɑimun swɑɑɔ nuku sɑnkirɑnun sɔ̃.

Esɑi 16:11

Nɛn wɑsi yi diirumɔ Mɔɑbun sɔ̃ nɡe mɔrɔku sɛrum. Mɛyɑ nɛn ɡɔ̃ru ɡɑ mɑɑ diirumɔ Kiri Hɑrɛsin sɔ̃.

Esɑi 21:3

Ye nɑ wɑ kɑ ye nɑ nuɑ kɑ̃si te sɔɔ, yɑ derɑ nɛn tororɑ kɑrɑ. Mɑ wuriribu mɑn wɔri nɡe tɔn kurɔ wi u yiire u kĩ u mɑ. Tirerɑbu derɑ nɑ ǹ mɑɑ ɡɑri nɔɔmɔ. Mɑ diiribu derɑ nɑ ǹ yɑm wɑɑmɔ.

Esɑi 21:4

Nɛn lɑɑkɑri yɑ burisinɑ, mɑ nɑ diirimɔ bɛrum sɔ̃. Yokɑ yè sɔɔ nɑ nuku dobu yĩiyɔ, ye sɔɔrɑ bɛrum mɑn deemɑ.

Esɑi 22:4

Yen sɔ̃, nɑ bɛɛ sɔ̃ɔmɔ, i ɡɛsiro nɛn bɔkun di, i mɑn derio n swĩ. I ku tii nɔwiɑ ko i nɛɛ, i ko i mɑn nukuru yɛmiɑsiɑ nɛn tɔmbun nɔni swɑ̃ɑrun sɔ̃.

Yeremi 13:17

Ì kun ɡɑri yi swɑɑ dɑki, kon dɑ n swĩ bɔkuɔ bɛɛn tii suɑ bin sɔ̃. Kon nɔni yĩresu yɑri n bɑndɑ. Domi bɑ koo bɛɛ Yinni Gusunɔn tɔmbu yoru mwɛɛri bu kɑ dɑ tem tukumɔ.

Yeremi 20:9

Nɑ̀ n nɛɛ, kon nun deriwɑ, nɑ ǹ mɑɑ wunɛn ɡɑri kpɑrɑmɔ, n dɑ n sɑ̃ɑwɑ nɡe dɔ̃ɔ u wɑ̃ɑ nɛn wɑsi sɔɔ u nɛn kukunu mɛnimɔ. Kpɑ n kookɑri ko n kɑ tii mɑrisi, ɑdɑmɑ nɑ ku rɑ kpĩ.

Yeremi 23:9

Ǹ n sɔmɔbun sɔ̃n nɑ, nɛn ɡɔ̃ru ɡɑ sɑnkirɑ too, mɑ nɑ diirimɔ sere kɑ nɛn kukunɔ. Nɑ sɑ̃ɑ nɡe wi tɑm mu ɡoomɔ Yinni Gusunɔ kɑ win ɡɑri dɛɛrin sɔ̃, yi u mɑn sɔ̃ɔwɑ u nɛɛ,

Yeremi 4:21

Sere dommɑ nɑ kon yibɛrɛbɑn ɡidi bɔrɑ wɑɑmɔ, kpɑ nɑ n kɔbɑn swĩi nɔɔmɔ tɑ̃ɑ tɑ̃ɑ.

Yeremi 4:5

Yeremi u nɛɛ, i Yudɑbɑ sɔ̃ɔwɔ kpɑ i ɡbɑ̃rɑ Yerusɑlɛmuɔ. I kɔbɑ soowo tem mɛ kpuro sɔɔ. I nɔɔɡiru suo kɑ dɑm i nɛɛ, bu mɛnnɑmɑ bu dɑ wuu si su ɡbɑ̃rɑnu mɔ sɔɔ.

Yeremi 42:14

i ko i dɑwɑ Eɡibitiɔ mi i ǹ tɑbu wɑsi, bɑɑ bin kɔbɑn swĩi i ǹ nɔɔmɔ, i ǹ mɑɑ dĩɑnu biɑmɔ, yen sɔ̃, miyɑ i ko sinɑ,

Yeremi 49:2

Yen sɔ̃ tɛ̃, kon de tɑbun wurenu nu nɔɔrɑ ben wuu mɑroɔ ɡe bɑ mɔ̀ Rɑbɑ. Rɑbɑ ye, yɑ koo bɑnsu ko, kpɑ yen bɑru kpɑɑnu nu dɔ̃ɔ mwɑɑkirɑ. Nɡe mɛyɑ Isirelibɑ bɑ koo bu ɡirɑ be, be bɑ rɑɑ bu ɡirɑ. Nɛ, Yinni Gusunɔwɑ nɑ yeni ɡeruɑ.

Yeremi 50:22

Wee, tɑbun wurenu nɔɔrɑmɔ tem mɛ kpuro sɔɔ. Asɔrɔ bɑkɑ yɑ tunumɑ.

Yeremi 6:24

Yerusɑlɛmuɡibɑ nɛɛ, ye sɑ ben lɑbɑɑri nuɑ, yerɑ bɛsɛn ɡɔmɑ dwiiyɑ. Sɑ wururɑ nɡe tɔn kurɔ wi u yiire u kĩ u mɑ.

Yeremi 8:18

Yeremi u nɛɛ, nɛn nuki sɑnkirɑ nɛn tɔmbun wɑhɑlɑn sɔ̃. Nɑ kĩ n tii nukuru yɛmiɑsiɑ, ɑdɑmɑ yɑ ǹ koorɔ.

Yeremi 8:21

Nɛn tɔmbu bɑ nɔni sɔ̃ɔre. Ben nɔni swɑ̃ɑ te, tɑ mɑn bɔkɑnɑ. Nɑ nɑnde, nɑ nuki sɑnkire.

Yeremi 9:1

Yeremi u nɛɛ, nɑ̀ n dɑɑ kuru mɔ ɡbɑburɔ, kon dɑɑ dɑwɑ ten mi, n nɛn tɔmbu deri nɑ n kɑ bu tondinɛ. Domi be kpuro bɑ sɑ̃ɑwɑ nɡe sɑkɑrɑ kowobu. Mɑ bɑ kuɑ nɑɑnɛ sɑriruɡibu.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Swĩi 1:16

Yen sɔ̃nɑ nɑ wurɑ mɔ̀, nɑ nɔni yĩresu kokumɔ. Wi u koo mɑn nukuru yɛmiɑsiɑ u mɑn wɑ̃ɑru wesiɑ, u mɑn deri. Nɛn bibɑ nuki sɑnkire, domi yibɛrɛ u mɑn kɑmiɑ.

Swĩi 1:20

Yinni Gusunɔ, ɑ nɛn nɔni swɑ̃ɑru mɛɛrio, nɛn bwɛ̃rɑ kun kpĩ. Nɑ nuki sɑnkire too, domi nɑ ǹ nun mɛm nɔɔwɛ. Tɔɔwɔ tɑbu sun dimɔ. Mɑ wuun sɔɔwɔ ɡɔɔ wɑ̃ɑ.

Swĩi 2:11

Nɛn nɔni yɑndɑmɔ wurin sɔ̃. Nɛn wɑsi ɡbisimɔ mɑ nɛn tororɑ kɑre. Domi nɛn tɔmbɑ kɑm kuɑ. Wee, bii wɛ̃ɛnu kɑ bibu bɑ wɑ̃ɑ Yerusɑlɛmun swɛɛ sɔɔ, bɑ ǹ mɑɑ dɑm mɔ.

Dɑniɛli 4:19

Dɑ̃ɑ te, tɑ sɑ̃ɑwɑ wunɛ sinɑ boko. Domi ɑ kpɛ̃ɑ ɑ dɑm kuɑ mɑ mu wɔllu ɡirɑri. Mɑ wunɛn bɑndun dɑm mu sɔ̃ɔsirɑ hɑnduniɑn ɡoonu nnɛ sɔɔ.

Dɑniɛli 7:15

Nɛ Dɑniɛli nɛn bwɛ̃rɑ kun kpunɛ domi kɑ̃si ni nɑ wɑ mi, nu mɑn nɑndɑ.

Dɑniɛli 7:28

Ye nɛ Dɑniɛli nɑ wɑ yerɑ mi. Ye nɑ ye bwisikɑ, nɑ nɑndɑ mɑ nɛn wuswɑɑ burisinɑ. Adɑmɑ nɑ ye kpuro beruɑ nɛn ɡɔ̃ruɔ.

Dɑniɛli 8:27

Mɑ nɛ Dɑniɛli nɑ kuɑ sɔ̃ɔ dɑbiru nɑ bɑrɔ. Nɑ ǹ dɑm mɔ. Yen biruwɑ nɑ seewɑ nɑ nɛn sɔmburu mɔ̀ te sinɑ boko u mɑn wɛ̃. Mɑ nɑ wɑ̃ɑ nɑndɑbu sɔɔ kɑ̃si ten sɔ̃. Domi tɑ ǹ mɑn yeeri.

Amɔsu 3:6

Bɑ rɑ tɑbun kɔbɑ so wuuɔ wuuɡibu bɑ kun nɑnde? Kɛ̃siru ɡɑru tɑ rɑ koore wuuɔ n kun nɛn min di?

Hɑbɑkuku 3:16

Nɑ ɡen wɔkinu nɔɔmɔ too. Mɑ nɑ nɑndɑ ɡem ɡem, nɛn nɔɔ ɡɑ diirimɔ bɛrum sɔ̃. Mɑ nɛn wɑsi yi wɔkɔnu wɔrimɔ, nɑ yɔ̃ sɛ̃ɛ nɑ nuku sɑnkirɑnun tɔ̃ru mɑrɑ te tɑ wee bwese ni nu koo sun dɑm dɔren sɔ̃.

Gbɑburu 10:9

Ì n duɑ bɛɛn tem sɔɔ, i tɑbu mɔ̀ kɑ bɛɛn yibɛrɛbɑ i ko i kɔbi yi sowɑ i n kuuki koosimɔ kpɑ nɛ, Yinni Gusunɔ n kɑ bɛɛ yɑɑyɑ n bɛɛ wɔrɑ yibɛrɛ ben nɔmɑn di.

Romu 10:1

Nɛɡibu, ye nɑ kĩ kɑ nɛn ɡɔ̃ru kpuro kɑ ye nɑ rɑ n Gusunɔ kɑnɑmɔ, yeyɑ nɛn bweseru tu fɑɑbɑ wɑ.

Korinti I 14:8

Wi u mɑɑ kɔbɑ soomɔ, ù kun soomɔ dee dee, wɑrɑ u koo tɑbun sɔɔru ko.

Gɑlɑti 4:19

Nɛn bii kĩnɑsibu, nɑ kpɑm mɑɑ wɑhɑlɑ mɔ̀ nɡe tɔn kurɔ wi u mɑrumɔ, sere Kirisin dɑɑ yu kɑ koorɑ bɛɛ sɔɔ.

Kpɑrobu 5:21

Kisionin dɑɑru te tɑ wɑ̃ɑ yellun di, ten nim mu seewɑ mu bu ɡurɑ. Su se su tɑbu wɔri kɑ wɔruɡɔru.