Yeremi 39:8 - Bibeli Gusunɔn Gari

⁸ Bɑbiloniɡii be, bɑ Yerusɑlɛmun sinɑ kpɑɑru kɑ yen yɛnusu dɔ̃ɔ mɛni, mɑ bɑ yen ɡbɑ̃rɑru sururɑ.

Yeremi 39:8 ပူးပေါင်းရင်းမြစ်များ

Sinɑmbu II 25:8

Nɛbukɑnɛsɑɑn bɑndun wɔ̃ɔ wɔkurɑ nɔɔbu kɑ nnɛse sɔɔ, yen suru nɔɔbusen sɔ̃ɔ nɔɔbɑ yiruse sɔɔrɑ Nɛbusɑrɑdɑ wi u sɑ̃ɑ Bɑbilonin sinɑ bokon kɔ̃sobun wiruɡii u nɑ Yerusɑlɛmuɔ.

Bɑndun Gɑri II 36:19

Mɑ bɑ Yinni Gusunɔn sɑ̃ɑ yeru kɑ Yerusɑlɛmun dii ɡeenu dɔ̃ɔ sɔkɑ. Mɑ bɑ yen ɡɑ̃ɑ ɡeenu kɔsukɑ. Mɑ bɑ yen ɡbɑ̃rɑru surɑ.

Nɛɛmi 1:3

Mɑ bɑ mɑn wisɑ bɑ nɛɛ, be bɑ ǹ yoru mwɛɛrɑ mi, bɑ wɑ̃ɑ Yudɑɔ yɑ̃ɑ bɑkɑru kɑ seku bɑkɑru sɔɔ. Mɑ Yerusɑlɛmun ɡbɑ̃rɑnu nu kurunu mɔ mɑ nin ɡɑmbobɑ bɑ dɔ̃ɔ mwɑɑkirɑ.

Womusu 79:7

Domi bɑ Isirelibɑ ɡo, mɑ ben tem mu kuɑ bɑnsu.

Esɑi 5:9

Wee ye Gusunɔ wɔllu kɑ tem Yinni u mɑn sɔ̃ɔwɑ. U nɛɛ, kɑm kɑm bɑ koo tɔn ben yɛnu dɑbi ni kpuro kɑm koosiɑ. Kpɑ ɡoo u kun mɑɑ wɑ̃ɑ yenu burɑ si sɔɔ, si su kpɑ̃ mi.

Yeremi 17:27

Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.

Yeremi 21:10

Domi u yɔ̃rɑriwɑ u wuu ɡe kɔ̃sɑ kuɑ, n ǹ mɔ ɡeɑ. U koo ɡu Bɑbilonin sinɑ boko nɔmu sɔndiɑwɑ u ɡu dɔ̃ɔ mɛni.

Yeremi 32:29

Bɑ koo ye wɔri kpɑ bu ye dɔ̃ɔ mɛni kpɑ bu diɑ yèn wɔllɔ Yudɑbɑ bɑ rɑ bũu wi bɑ mɔ̀ Bɑɑli yɑ̃kuru kue dɔ̃ɔ sɔku, kɑ sere mi bɑ rɑ tɔn tukobun bũu sɑ̃ bu tɑm tɑ̃rɑ. Domi yebɑ kpurowɑ bɑ kɑ nɛn mɔru seeyɑ.

Yeremi 34:2

u nɛɛ, nɛ Gusunɔ, Isirelibɑn Yinni, nɑ nun sɔ̃ɔmɔ, ɑ doo ɑ Sedesiɑsi, Yudɑbɑn sinɑ boko deemɑ kpɑ ɑ nùn sɔ̃, wee ye nɛ, Yinni Gusunɔ nɑ nùn sɔ̃ɔmɑ. Kon Yerusɑlɛmu Bɑbilonin sinɑ boko nɔmu bɛriɑ u ye kɑm koosiɑ u dɔ̃ɔ mɛni.

Yeremi 34:22

Kon de bu nɑ bu wuu ɡe wɔri bu dɔ̃ɔ mɛni kpɑ Yudɑn wusu su ko bɑnsu. Nɛ, Yinni Gusunɔwɑ nɑ yeni ɡeruɑ.

Yeremi 37:10

Bɑɑ bɑ̀ n Bɑbilonin tɑbu kowo be kɑmiɑ, kpɑ n tie be bɑ mɛɛrɑ kuɑ, kɑ mɛ, bɑ koo se sɑɑ ben kuu bekuruɡinun di bu wuu ɡe dɔ̃ɔ mɛni.

Yeremi 38:18

Adɑmɑ ɑ̀ kun bu tii wɛ̃, u koo bu wuu ɡe nɔmu bɛriɑ kpɑ bu ɡu dɔ̃ɔ mɛni. A ǹ mɑɑ kisirɑmɔ ben nɔmɑn di.

Yeremi 5:10

Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

Yeremi 7:20

Yen sɔ̃nɑ nɑ nɛɛ, kon de nɛn mɔru yu wɔri nɛn sɑ̃ɑ yee te sɔɔ, kɑ tɔmbu sɔɔ, kɑ yɑɑ sɑbenu sɔɔ, kɑ dɑ̃ɑɔ kɑ sere mɑɑ dĩɑnu sɔɔ. Nɛn mɔru ye, yɑ ko n ɡbisimɔwɑ, yɑ ǹ suremɔ.

Swĩi 1:10

Wee, bɑ nɛn ɡɑ̃ɑ ɡee ni nɑ mɔ ɡurɑ. Wee, bwese tuku ni ɑ yinɑ nu n wɑ̃ɑ kɑ wunɛn tɔmbu sɑnnu, nu duɑ wunɛn sɑ̃ɑ yerɔ.

Swĩi 2:2

U Isirelibɑn wɑ̃ɑ yenu kɑ ben wusun ɡbɑ̃rɑnu kpuro sururɑ kɑ mɔru wɔnwɔndu sɑri. Ni wee nu wɔrukɑ temɔ. U ben bɑndu kɑ ten wiruɡibun dɑm buɑ.

Swĩi 2:7

U win sɑ̃ɑ yeru mi bɑ rɑ nùn yɑ̃kuru kue biru kisi. U yibɛrɛbɑ Yerusɑlɛmun dii ɡeenu nɔmu bɛriɑ. Mɑ wɔkinu nɔɔrɑ win sɑ̃ɑ yeru mi, nɡe tɔ̃ɔ bɑkɑnun sɑɑ.

Esekiɛli 16:41

Bɑ koo wunɛn diɑ dɔ̃ɔ mɛniki kpɑ bu nun sɛɛyɑsiɑ kurɔ dɑbinun wuswɑɑɔ kpɑ n de wunɛn sɑkɑrɑru tu kpe. A ǹ mɑɑ ben ɡoo ɡɑ̃ɑnu wɛ̃ɛmɔ.

Esekiɛli 23:47

Kpɑ tu bu kpenu kɑsuku tu ɡo, kpɑ tu bu bɔtiri kɑ tɑkobi. Kpɑ tu ben bibu ɡo tu ben yɛnusu dɔ̃ɔ mɛniki.

Esekiɛli 33:21

Sɑnɑm mɛ Isirelibɑ bɑ wɑ̃ɑ yoru sɔɔ, ten wɔ̃ɔ wɔkurɑ yirusen suru wɔkurusen sɔ̃ɔ nɔɔbuse sɔɔ, yerɑ ɡoo u kisirɑmɑ Yerusɑlɛmun di. Mɑ u nɑ Esekiɛlin mi u nɛɛ, bɑ Yerusɑlɛmu mwɑ.

Amɔsu 2:5

Yen sɔ̃, kon de bu ben tem dɔ̃ɔ mɛni. Kpɑ u ben wuu Yerusɑlɛmun dii ɡeenu di mɑm mɑm.

Misee 3:12

Tɛ̃, bɛɛn sɔ̃, bɑ koo Siɔni kɛrɑ nɡe ɡbee te bɑ wukɑ. Kpɑ Yerusɑlɛmu yu ko bɑnsu. Kpɑ ɡuu te tɑ wɑ̃ɑ sɑ̃ɑ yerɔ tu kikisu kpi.