Yeremi 39:11 - Bibeli Gusunɔn Gari

¹¹ Mɑ Nɛbukɑnɛsɑɑ, Bɑbilonin sinɑ boko u Nɛbusɑrɑdɑ, kɔ̃sobun wiruɡii woodɑ wɛ̃ Yeremin sɔ̃ u nɛɛ,

Yeremi 39:11 ပူးပေါင်းရင်းမြစ်များ

Yoobu 5:15

Adɑmɑ Gusunɔ u rɑ dɑm sɑriruɡii ɡɑnɛ ben tɑbu yɑ̃nun di, kpɑ u nùn wɔrɑ ben nɔmɑn di.

Yoobu 5:16

Nɡe mɛyɑ u rɑ dɑm sɑriruɡii wi yĩiyɔbu wɛ̃, kpɑ u durumɡiin nɔɔ kɔre.

Yoobu 5:19

Nɔn dɑbinu u koo nun yɑrɑ nuku sɑnkirɑrun di, kpɑ kɔ̃sɑ ɡɑɑ yu ku mɑɑ nun deemɑ.

Yeremi 1:8

N ku ben bɛrum ko. Domi u ko n kɑ mɑn wɑ̃ɑ, kpɑ u mɑn wɔrɑ kɑrin di. Wi, Yinni Gusunɔwɑ u yeni ɡeruɑ.

Yeremi 15:11

Mɑ Yinni Gusunɔ u nɛɛ, kon nun yɑkiɑ wunɛn ɡeɑn sɔ̃, kpɑ n nun wunɛn yibɛrɛbɑ kɑmiɑ wɑhɑlɑ kɑ nuku sɑnkirɑnun sɑɑ.

Yeremi 15:20

Kon de ɑ n dɑm mɔ nɡe ɡbɑ̃rɑ te bɑ kuɑ kɑ sii ɡɑndu. Bɑ koo kɑ nun tɑbu ko, ɑdɑmɑ bɑ ǹ nun kɑmiɑmɔ. Domi ko nɑ n kɑ nun wɑ̃ɑ n nun fɑɑbɑ ko.

Yeremi 15:21

Kon nun yɑkiɑ tɔn kɔ̃sobun nɔmɑn di. Kpɑ n nun wɔrɑ be bɑ nuki sosun nɔmɑn di. Nɛ, Yinni Gusunɔwɑ nɑ yeni ɡeruɑ.

Yeremi 37:2

Sedesiɑsi wi, kɑ win bwɑ̃ɑbu, kɑ win tɔmbu bɑ ǹ Yinni Gusunɔn ɡɑri yi swɑɑ dɑki yi Gusunɔn sɔmɔ Yeremi u bu sɔ̃ɔwɑ mi.

Yeremi 40:1

Yinni Gusunɔ u kɑ Yeremi ɡɑri kuɑ sɑnɑm mɛ Nɛbusɑrɑdɑ u derɑ u wurɑmɑ sɑɑ Rɑmɑn di. N deemɑ bɑ rɑɑ nùn bɔkuɑwɑ wi kɑ Yerusɑlɛmuɡibu ɡɑbu bɑ kɑ dɔɔ Bɑbiloniɔ. Min diyɑ Nɛbusɑrɑdɑ u nùn yɑrɑ.

Yeremi 40:4

Tɛ̃, kon nun yɑkiɑ n nun yɔni yi potɑ. Adɑmɑ ɑ̀ n kĩ ɑ kɑ mɑn dɑ Bɑbiloniɔ, ɑ nɑ su dɑ. Kon nun nɔɔri. À kun mɑɑ kĩ, ɑ sinɔ. A doo ɑ sinɑ mi n nun wɛ̃re.

Yeremi 52:12

Yenibɑn biru, Nɛbukɑnɛsɑɑn bɑndun wɔ̃ɔ yɛndu tiɑ sɑrise sɔɔ, yen suru nɔɔbusen sɔ̃ɔ wɔkuruse, yerɑ Nɛbusɑrɑdɑ wi u sɑ̃ɑ sinɑ bokon kɔ̃sobun ɡuro ɡuro u nɑ Yerusɑlɛmuɔ.

Gɔrobun Kookoosu 24:23

U mɑɑ tɑbu kowobun tɔnwero woodɑ wɛ̃ u n ɡinɑ Pɔlu doke pirisɔm sɔɔ, ɑdɑmɑ u de u n tii mɔ mi, u mɑɑ de win kpɑɑsibu bu nùn berɑm nɑ bu kɑ nùn nɔɔri.