Yeremi 33:9 - Bibeli Gusunɔn Gari

⁹ Sɑɑ ye sɔɔ, nɑ kon nuku dobu mɔ Yerusɑlɛmun sɔ̃, kpɑ yɑ n nɛn yĩsiru bɛɛrɛ wɛ̃ɛmɔ, kpɑ bwese tukunu nu n mɑn siɑrɑmɔ. Bwese ni, nù n wɑ durom bɑkɑm mɛ kon ye kuɑ kɑ doo nɔɔ te kon ye wɛ̃, nu koo biti ko sere nu diiri.

Yeremi 33:9 ပူးပေါင်းရင်းမြစ်များ

Bɑndun Gɑri II 20:29

Mɑ tem tukum sinɑmbu kpuro bɑ Yinni Gusunɔ nɑsiɑ sɑnɑm mɛ bɑ nuɑ mɑ u Isirelibɑn yibɛrɛbɑ kpeerɑsiɑ.

Nɛɛmi 6:16

Sɑnɑm mɛ bɛsɛn yibɛrɛbɑ kɑ bwese ni nu kɑ sun sikerenɛ bɑ nuɑ sɑ ɡbɑ̃rɑ te seeyɑ, yerɑ bɑ bɛrum soorɑ. Mɑ sekurɑ bu mwɑ. Sɑɑ ye sɔɔrɑ bɑ tubɑ mɑ Yinni Gusunɔwɑ u derɑ sɔmbu te, tɑ koorɑ.

Ɛsitɛɛ 8:17

Berɑ mi bɑ ɡesi wɑ̃ɑ kpuro bɑ kɑ woodɑ ye nuɑ, bɑ nuku dobu kuɑwɑ too, bɑ tɔ̃ɔ bɑkɑ dim sokunɑ. Mɑ tɔn dɑbinu bɑ tii ɡɔsiɑ Yuu yèn sɔ̃ bɑ Yuubɑ nɑsie.

Womusu 130:4

Wunɑ ɑ rɑ tɔmbu suuru kue bu kɑ nun nɑsiɑ.

Womusu 40:3

U mɑn ɡɑwɑ u yɑrɑ sɑɑ kɑm kobun wɔrun di, mi pɔtɔkɔ wɑ̃ɑ. U nɛn nɑɑsu sɔndi kpee sɑɑrɑ wɔllɔ, kpɑ n kɑ yɔ̃rɑ dim dim.

Esɑi 43:21

be, be nɑ tɑkɑ kuɑ bɑ koo mɑn tɔmɑ.

Esɑi 55:13

Mi sɑ̃ki rɑ kpi, dɑ̃ɑ ye bɑ mɔ̀ sipɛrɛ, kɑ dɑ̃ɑ kiki nubu duroruɡisɑ su koo kpi mi, kpɑ ye kpuro yu ko yĩreru te tɑ nɛn yiiko sɔ̃ɔsimɔ sere kɑ bɑɑdommɑɔ.

Esɑi 60:5

À n bu wɑ bɑ wee, kɑɑ nuku dobu ko. Wunɛn ɡɔ̃ru ɡɑ koo dorɑ sɑnɑm mɛ bwesenu nu koo kɑ nun ɑrumɑni nɑɑwɑ sɑɑ nim wɔ̃kun ɡuru ɡiɔn di.

Esɑi 62:1

Yinni Gusunɔ u nɛɛ, wunɛ Yerusɑlɛmu, wunɛn kĩrun sɔ̃ nɑ ǹ mɑrimɔ. Nɑ ǹ mɑɑ wɛ̃rɑmɔ sere n kɑ nun fɑɑbɑ ko, kpɑ yu sɔ̃ɔsirɑ nɡe bururun sɔ̃ɔ, ǹ kun mɛ, nɡe wii bɔn te tɑ dɔ̃ɔ yɑbure,

Esɑi 62:12

Bɑ koo bu soku bwese te nɑ ɡɔsɑ nɑ yɑkiɑ. Wunɛ mɑɑ Yerusɑlɛmu, bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ wuu ɡe nɑ kĩ.

Esɑi 62:4

Bɑ ǹ mɑɑ nun sokumɔ wuu ɡe nɑ deri. Bɑ koo nun sokuwɑ nɛ, Yinni Gusunɔn nuku dobu. Domi wunɛ sɔɔrɑ nɛn nuku dobu wɑ̃ɑ. Bɑ ǹ mɑɑ wunɛn tem sokumɔ bɑnsu. Bɑ koo mu sokuwɑ kurɔ kpɑo, domi kon mu durɔ kɛ̃.

Esɑi 62:7

I ku de n wɛ̃rɑ sere n kɑ Yerusɑlɛmu swĩi, kpɑ yɑ n bɛɛrɛ mɔ hɑnduniɑ sɔɔ.

Esɑi 64:2

Yinni Gusunɔ, sɑnɑm mɛ ɑ sɑrɑmɑ ɑ mɑɑmɑɑki kuɑ ye sɑ ǹ kɑ yĩiyɔ, ɡuunu diirɑ bɛrum sɔ̃.

Yeremi 13:11

Nɡe mɛ bɑ rɑ kpɑkɑ sɛ̃ke pɔrɑɔ, nɡe mɛyɑ u rɑɑ Isirelibɑ kɑ Yudɑbɑ kpuro suɑ u tii sɛ̃ke bɑ n kɑ sɑ̃ɑ win tɔmbu, bɑ n win yĩsiru sɔɔwɑ, bɑ n sɑ̃ɑ win burɑru, kpɑ tɔmbɑ n nùn siɑrɑmɔ ben sɔ̃. Adɑmɑ bɑ ǹ win ɡɑri wure. Wi, Yinni Gusunɔwɑ u yeni ɡeruɑ.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.

Yeremi 24:6

Kon de bu wurɑmɑ ben tem mini. Nɑ ǹ mɑɑ bu surɑmɔ, kon bu tɑ̃sisiɑwɑ. Nɑ ǹ mɑɑ bu wukɑmɔ, kon bu ɡirɑwɑ n sire.

Yeremi 26:6

Yen sɔ̃, kon sɑ̃ɑ yee te kɑm koosiɑ nɡe mɛ nɑ Siloɡiru kuɑ, kpɑ n de bwesenu kpuro nu wuu ɡen yĩsiru siɑ nù n bɔ̃rumɔ.

Yeremi 29:1

Sɑɑ Yerusɑlɛmun diyɑ Yeremi u bukurobu kɑ yɑ̃ku kowobu kɑ Gusunɔn sɔmɔbu tireru kuɑ, tɔmbu kpuro ɡesi be Nɛbukɑnɛsɑɑ, Bɑbilonin sinɑ boko u yoru mwɛɛrɑ u kɑ dɑ Bɑbiloniɔ.

Yeremi 3:17

Sɑɑ ye sɔɔ, nɛn sinɑ ɡɔnɑ yɑ ko n wɑ̃ɑwɑ Yerusɑlɛmuɔ. Kpɑ bwese ni nu tie kpuro nu mɑɑ mɛnnɑ mi, nɛn yĩsirun sɔ̃. Bɑ ǹ mɑɑ ben bwisi kɔ̃si swĩimɔ.

Yeremi 3:19

Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 31:14

Kon de nɛn yɑ̃ku kowobu bu dĩɑ ɡeenu di bu debu, kpɑ nɛn tɔmbu bu debu nɛn ɑrumɑnin sɔ̃. Nɛ, Yinni Gusunɔwɑ nɑ yeni ɡeruɑ.

Yeremi 31:4

Bɛɛ Isirelibɑ, kon mɑɑ wure n bɛɛ swĩi, kpɑ i yɔ̃rɑ. Kon de i bɛɛn bɑrɑnu so, kpɑ i yɑri i n yɑɑmɔ be bɑ nuku dobu mɔ̀n suunu sɔɔ,

Yeremi 32:42

Nɛ, Yinni Gusunɔ nɑ nɛɛ, nɡe mɛ nɑ derɑ kɔ̃sɑ bɑkɑ yɑ tɔn be deemɑ, nɡe mɛyɑ kon mɑɑ de durom bɑkɑm mu nɑ be sɔɔ mɛ̀n nɔɔ mwɛɛru nɑ kuɑ.

Yeremi 33:14

Yinni Gusunɔ u nɛɛ, tɔ̃rɑ sisi tè sɔɔ kon nɛn nɔɔ mwɛɛ ɡee ni yibiɑ ni nɑ Isirelibɑ kɑ Yudɑbɑ kuɑ.

Yeremi 4:2

ì n dɑ bɔ̃re ɡem sɔɔ kɑ ɡɔ̃ru dɛɛrɔ, i nɛɛ, kɑ Yinni Gusunɔn wɑ̃ɑru, sɑɑ yerɑ bwese tukunu nu koo domɑru wɑ nɛn min di, kpɑ bu woo kɑnɑ nɛn sɔ̃.

Yeremi 44:8

I kĩwɑ i nɛn mɔru seeyɑ kɑ bɛɛn bũu yɑ̃ku kookoo si i mɔ̀ Eɡibitiɔ mi i wɑ̃ɑ? I kĩwɑ i tii kɑm ko, kpɑ i ko bɔ̃riɡibu kɑ sekuruɡibu hɑnduniɑ ye sɔɔ?

Yeremi 49:25

Wuu ɡèn sɔ̃ nɑ rɑ n nuku dobu mɔ, mbɑn sɔ̃nɑ ɡen tɔmbu bɑ ǹ kpikiru suɑ. Wuu bɔkɔ ɡe, ɡe ɡɑ yĩsiru yɑrɑ mi, mbɑn sɔ̃nɑ ɡen tɔmbu bɑ ǹ ɡu deri.

Esekiɛli 26:20

U koo de yu dɑ sere tem sɔɔwɔ mi yeruku tɔmbɑ wɑ̃ɑ kpɑ yɑ n kɔ̃ɔre mi. U koo de yɑ n wɑ̃ɑ mi kɑ ɡɔribu. Goo kun mɑɑ sinɑmɔ ye sɔɔ. Yɑ ǹ mɑɑ ɑyeru wɑsi wɑsobun suunu sɔɔ.

Esekiɛli 36:35

Kpɑ bu nɛɛ, tem mi ɡɑ̃ɑnu ku rɑ kpi mi, wee mu kuɑ nɡe ɡbɑɑ te bɑ mɔ̀ Edɛni. Mɛn wuu si su rɑɑ bɑnsu sɑ̃ɑ su tɛ̃ tɔmbu yibɑ mɑ bɑ su ɡbɑ̃rɑnu toosi.

Esekiɛli 39:13

Isirelibɑ kpurowɑ bɑ koo ɡoo ni sike. Yen tɔ̃ɔ te, bɑ koo mɑn bɛɛrɛ wɛ̃, kpɑ bu mɔm. Nɛ, Yinni Gusunɔwɑ nɑ yeni ɡeruɑ.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Sɑkɑri 1:17

Win wusu su koo dukiɑ yibu. U koo mɑɑ Yerusɑlɛmu nukuru yɛmiɑsiɑ. Kpɑ u mɑɑ ye ɡɔsi win tiin sɔ̃. Wi, Gusunɔ, wɔllu kɑ tem Yinniwɑ u yeni ɡeruɑ.

Sɑkɑri 12:2

u nɛɛ, nɑ Yerusɑlɛmu kuɑ nɡe nɔrɑ ye yɑ nɛn mɔru yibɑ nɡe tɑm. Yɑ koo bwese ni nu kɑ ye sikerenɛ woo tiro kpɛ̃ɛ. Woo tiro ɡe, ɡɑ koo Yudɑbɑ kpuro nɛnɛ bɑ̀ n Yerusɑlɛmu tɑrusi.

Sɔ̃ɔsiru 30:5

u kɑ bɛɛ wurɑmɑ tem mɛ bɛɛn bɑɑbɑbɑ bɑ rɑɑ mɔ sɔɔ kpɑ i n mu mɔ. U koo bɛɛ ɡeɑ kuɑ n kere bɛɛn bɑɑbɑbɑ kpɑ i bu dɑbiru kerɑ.