Yeremi 32:19 - Bibeli Gusunɔn Gari

¹⁹ Wunɛn himbɑ yɑ kpɑ̃, ɑ mɑɑ dɑm mɔ ɑ kɑ ye yibiɑ. A rɑ n mɛɛrɑ ye tɔmbɑ mɔ̀ kpɑ ɑ bɑɑwure kuɑ nɡe mɛ win kookoosu nɛ.

Yeremi 32:19 ပူးပေါင်းရင်းမြစ်များ

Sinɑmbu I 8:32

nɑ nun kɑnɑmɔ, ɑ nùn swɑɑ dɑkio wɔllun di, kpɑ ɑ bu siriɑ. A tɔn kɔ̃so nùn win kɔ̃sɑ kɔsieyo, kpɑ ɑ mɑɑ ɡemɡii nùn win ɡem wɛ̃.

Bɑndun Gɑri II 16:9

Domi Yinni Gusunɔ u kpuro mɛɛrɑ hɑnduniɑ ye sɔɔ u kɑ wɑ be bɑ nùn kĩ kɑ ben ɡɔ̃ru kpuro. Adɑmɑ wunɛ, ɑ ɡɑri bɑkɑ kookoosu kuɑ ɡɑri yi sɔɔ. Yen sɔ̃, sɑɑ tɛ̃n di, bɑ koo kɑ nun tɑbu ko.

Yoobu 34:11

Adɑmɑ u rɑ tɔnu kɔsiewɑ ye u kuɑ. Kpɑ u bɑɑwure nùn win dɑɑn ɑre wɛ̃.

Yoobu 34:21

Domi Gusunɔ u rɑ n tɔmbun sɑnu sɑnusu mɛɛrɑ. Kpɑ u n ben swɛɛ nɔni ɡirɑri.

Womusu 111:2

Yinni Gusunɔn nɔmɑn sɔmɑ yɑ kpɑ̃. Mɑ be bɑ ye kĩ bɑ kɑsu bu ye ɡiɑ.

Womusu 34:15

U kɔ̃sɑ suurio, kpɑ u ɡeɑ ko. U ɑlɑfiɑ nɑɑ ɡiro.

Womusu 62:12

N ǹ nɔn teeru nɑ Gusunɔn ɡere yeni nuɑ ye u nɛɛ, wiyɑ u dɑm mɔ.

Womusu 92:6

Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.

Yɑribu 15:11

Yinni Gusunɔ, mbɑ n kɑ nun weenɛ ye tɔmbɑ sɑ̃ɑmɔ kpuro sɔɔ. Mbɑ n kɑ nun dɛɛrɑru nɛ, wunɛ wi ɑ nɑnum mɔ. Mbɑ n kɑ nun weenɛ, wunɛ wi bɑ koo siɑrɑ. Mbɑ n kɑ nun weenɛ, wunɛ wi ɑ rɑ sɔm mɑɑmɑɑkiɡinu ko.

Mɔnnu 5:21

A de ɑ n yɛ̃ mɑ Yinni Gusunɔ u tɔnu bɑɑwuren dɑɑ mɛɛrɑ, u bɑɑwuren sɑnu sɑnusu wɑɑmɔ.

Mɔnnu 8:14

Nɑ rɑ tɔnu bwisi kɛ̃, kpɑ n nùn lɑɑkɑri wɛ̃. Nɛnɑ nɑ yɛ̃ru, nɛnɑ mɑɑ dɑm.

Wɑɑsu kowo 12:14

Domi Gusunɔ u koo kookoosu kpuro siri kɑ mɑm si su beruɑn tii, ɡeesu kɑ kɔ̃susu.

Esɑi 28:29

Yenin tii yɑ weewɑ Gusunɔ, wɔllu kɑ tem Yinnin min di. Win bwisi kɛ̃ru tɑ sɑ̃ɑwɑ mɑɑmɑɑki. Win lɑɑkɑri yɑ mɑɑ kpɑ̃.

Esɑi 40:13

Wɑrɑ u Gusunɔn bwisikunu yɛ̃. Wɑrɑ u nùn bwisi kɛ̃ɛre.

Esɑi 59:18

U koo bɑɑwure siri nɡe mɛ̀n nɔɔ win kookoosu nɛ, kpɑ u kɑ win yibɛrɛbɑ mɔru ko, bɑɑ be bɑ kɑ nùn tomɑ,

Esɑi 9:6

U sɑ̃ɑwɑ Dɑfidin sikɑdobu. Yen sɔ̃, u koo win bɑndu di kpɑ u tu dɑm sire kpɑ tɑ n bɔri yɛndu mɔ sere kɑ bɑɑdommɑɔ. U koo win tɔmbu siri ɡem sɔɔ, sɑɑ tɛ̃n di sere kɑ bɑɑdommɑɔ. Yeniwɑ Gusunɔ, wɔllu kɑ tem Yinni, u yɔ̃rɑri u ko.

Yeremi 16:17

Domi nɛn nɔni yi ben sɑnu sɑnusu mɛɛrɑ, sin ɡɑsu kun beruɑ nɛn nɔni sɔɔ. Mɛyɑ nɑ mɑɑ ben torɑnu kpuro wɑɑmɔ.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yeremi 21:14

Kon bu sɛɛyɑsiɑ nɡe mɛ ben kookoosu nɛ. Kon ben sinɑ kpɑɑru dɔ̃ɔ mɛni te bɑ bɑnɑ kɑ dɑ̃ɑ ye bɑ mɔ̀ sɛduru, kpɑ ye yɑ kɑ tu sikerenɛ kpuro yu dɔ̃ɔ mwɑɑrɑ.

Yeremi 23:24

Goo u koo kpĩ u kuke nɑ kun nùn wɑ? Nɑ wɑ̃ɑwɑ yɑm kpuro, wɔllɔ kɑ temɔ.

Yeremi 25:14

Domi bwese dɑmɡinu kɑ sinɑm dɑmɡibɑ koo bu yoru mwɛɛri. Nɡe mɛyɑ Gusunɔ u koo kɑ bu ben kɔ̃sɑ kɔsie ye bɑ rɑɑ kuɑ.

Sɑkɑri 9:1

Amɛniwɑ Yinni Gusunɔ u ɡeruɑ Hɑdɑrɑkin tem sɔ̃ u nɛɛ, kon wuu ɡe bɑ mɔ̀ Dɑmɑsi siri. Domi nɛn nɔni wɑ̃ɑ tɔmbu sɔɔ nɡe mɛ yi wɑ̃ɑ Isirelibɑn bwese kɛri kpuro sɔɔ.

Mɑteu 16:27

Tɔnun Bii u sisi kɑm kɑm kɑ win Bɑɑbɑn yiiko kɑ win ɡɔrɑdobɑ sɑnnu. Sɑnɑm mɛyɑ u koo bɑɑwure nùn win ɑre kɔsiɑ nɡe mɛ win kookoosu nɛ.

Yohɑnu 5:29

kpɑ bu yɑri. Be bɑ ɡeɑ kuɑ bɑ koo sikurɑ bu kɑ wɑ̃ɑru di. Be bɑ mɑɑ kɔ̃sɑ kuɑ kpɑ bu sikurɑ bu kɑ bu siri.

Korinti II 5:10

Domi sɑ ǹ ko ko sɑ kun yɔ̃re Kirisin wuswɑɑɔ u kɑ sun siri bɛsɛ kpuro, kpɑ u kɑ bɑɑwure kɔsiɑ nɡe mɛ win kookoosu nɛ si u kuɑ win wɑ̃ɑru sɔɔ, ǹ n kɔ̃sɑn nɑ, ǹ n mɑɑ ɡeɑn nɑ.

Efesu 1:11

Domi ɡɑ̃ɑnu kpuro nu koorɑmɔwɑ nɡe mɛ Gusunɔn himbɑ kɑ win kĩru. Mɑ bɛsɛ kɑ Kirisin ɡbinnɑɑn sɔ̃ sɑ kuɑ tubi diobu Gusunɔn mi kɑ win tiin himbɑ ye u ɡɔ̃ru doke yellun di.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.

Kɑ̃siru 22:12

Yesu nɛɛ, wee, u sisi u ǹ tɛɛmɔ. U koo kɑ ɑre nɑ u bɑɑwure kɔsiɑ nɡe mɛ win sɔmburɑ nɛ.