Yeremi 31:9 - Bibeli Gusunɔn Gari

⁹ Be wee bɑ wee kɑ swĩi, bɑ mɑn kɑnɑmɔ. Mɑ nɑ bu kpɑre nɑ kɑ dɔɔ nim bwerɔ kɑ swɑɑ ye yɑ nɔɔ nɛ sɔɔ, mi bɑ ǹ sokurɑmɔ. Domi nɑ sɑ̃ɑwɑ Isirelin bweserun Bɑɑbɑ. Mɑ tɑ mɑɑ sɑ̃ɑ nɛn bii yerumɑ.

Yeremi 31:9 ပူးပေါင်းရင်းမြစ်များ

Bɑndun Gɑri I 29:10

Dɑfidi u Yinni Gusunɔ siɑrɑ tɔn be bɑ mɛnnɛ mi kpuron wuswɑɑɔ. U nɛɛ, i Gusunɔ bɛsɛn sikɑdo Yɑkɔbun Yinni siɑro sere kɑ bɑɑdommɑɔ.

Womusu 107:7

U bu kpɑrɑ swɑɑ ɡeɑ sɔɔ bɑ kɑ turɑ mi bɑ koo sinɑ.

Womusu 23:2

Wunɑ ɑ rɑ kɑ mɑn de mi yɑkɑ bekusu wɑ̃ɑ. Wunɑ ɑ rɑ kɑ mɑn de mi nim mu mɑɑri. Kpɑ ɑ mɑn wɛ̃rɑsiɑ mi.

Womusu 89:27

U koo nun sɔ̃ u nɛɛ, ɑ sɑ̃ɑwɑ win tundo kɑ win Yinni. A sɑ̃ɑwɑ win fɑɑbɑ kowo nɡe kpee bɑɑ mì u rɑ kuke.

Yɑribu 4:22

Kpɑ ɑ nùn sɔ̃ ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ, Isirelin bweseru tɑ sɑ̃ɑwɑ nɡe nɛn bii yerumɑ.

Esɑi 42:16

Kon wɔ̃kobu sĩisiɑ swɑɑ ye bɑ ǹ yɛ̃ sɔɔ, kpɑ n de yɑm wɔ̃kuru tu ɡɔsiɑ yɑm bururɑm ben wuswɑɑɔ. Kon de swɛɛ yi yi ǹ dɑɑ nɔɔ nɛ yi nɔɔ nɛrɑ yi ko mɑrɑ mɑrɑ. Nɑ ǹ kon ko nɑ kun yenibɑ kpuro kue.

Esɑi 43:20

Tɑɑtɑɑnu kɑ ɡbeeku bɔ̃nu, ɡbeeku yɛɛ kpuro ɡesi, yi koo mɑn bɛɛrɛ wɛ̃. Domi kon de nim mu n wɑ̃ɑ ɡbɑburɔ, mi tem ɡbere, kpɑ tɔn be nɑ ɡɔsɑ bu nim wɑ bu nɔ,

Esɑi 45:11

Amɛniwɑ Gusunɔ Isirelibɑn Yinni Dɛɛro wi u bu tɑkɑ kuɑ u bu sɔ̃ɔwɑ. U nɛɛ, n ǹ bɛɛ i ko mɑn bikiɑ ye kon kɑ nɛn bibu ko, kpɑ i mɑn woodɑ wɛ̃ nɛn nɔmɑn sɔmburun sɔ̃.

Esɑi 57:14

Nɛ, Yinni Gusunɔ, nɑ nɛɛ, i tii suo i swɑɑ sɔmɛ. I ɡɑ̃ɑ kɔ̃sunu kpuro wunɔ ni nu wɑ̃ɑ nɛn tɔmbun swɑɑ sɔɔ.

Esɑi 63:13

U sun kpɑrɑ nim bweru sɔɔ. Mɑ sɑ sĩɑ ɡbɑburɔ nɡe dumi yi yi duki mɔ̀, sɑ ǹ sokure.

Esɑi 63:16

Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

Esɑi 64:8

Yinni Gusunɔ, ɑ ku mɔru ko too, ɑ kun mɑɑ bɛsɛn durum ye yɑɑye sere kɑ bɑɑdommɑɔ. Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.

Yeremi 3:19

Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 3:4

Wee tɛ̃, i mɑn nɔɔɡiru suemɔ i mɔ̀, i mɑn nɔɔɡiru mɔ̀ i ɡerumɔ nɛnɑ nɑ sɑ̃ɑ bɛɛn bɑɑbɑ, i mɑɑ mɑn kĩwɑ sɑɑ bɛɛn piiburun di.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Yeremi 50:4

Yinni Gusunɔ u nɛɛ, yen tɔ̃ɔ te, Isirelibɑ kɑ Yudɑbɑ bɑ koo wurɑmɑ ben temɔ sɑnnu, bɑ n sumɔ, bɑ n nɛ Gusunɔ, ben Yinni kɑsu.

Osee 12:4

Ben bɑɑbɑ Yɑkɔbu u win mɔɔn nɑɑ tokuru nɛnuɑ sɑɑ win mɛron nukurun di. Ye bɑ nùn mɑrɑ u kpɛ̃ɑ, mɑ u kɑ nɛ Gusunɔ wɔri kuɑ kɑ win dɑm kpuro.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Sɑkɑri 12:10

Kon de Dɑfidin yɛnuɡibu kɑ Yerusɑlɛmuɡibu bɑ n wɔnwɔndu mɔ kpɑ bɑ n dɑ kɑnɑru ko, kpɑ bu ɡɔsirɑmɑ nɛn mi, nɛ wi bɑ yɑɑsɑ sɔkɑ. Bɑ koo mɑn swĩisi nɡe wìn bii teereru tɑ ɡu. Bɑ koo swĩwɑ kɑ nuku sɑnkirɑ bɑkɑnu nɡe wìn bii ɡbiikoo u ɡu.

Mɑlɑsi 2:10

N ǹ tundo turo bɛsɛ kpuro sɑ mɔ ro? N ǹ Gusunɔ turo u sun tɑkɑ kuɑ ro? Mbɑn sɔ̃nɑ sɑ ǹ nɑɑnɛ mɔɔsinɛ. Mɑ sɑ bɛsɛn bɑɑbɑbɑn ɑrukɑwɑni kusiɑmɔ ye bɑ kɑ Gusunɔ bɔkuɑ.

Gbɑburu 2:18

Sɔ̃ɔ duu yeru ɡiɑrɑ Efɑrɑimubɑ bɑ koo ben sɑnsɑni ɡirɑ ben ɡidi bɔrɑn bɔkuɔ be, kɑ ben tɑbu kowobu. Ben tɑbu sunɔn yĩsirɑ Elisɑmɑ, Amihudun bii.

Mɑteu 3:3

Yohɑnu wiyɑ wìn ɡɑri Gusunɔn sɔmɔ Esɑi u mɔ̀ sɑnɑm mɛ u nɛɛ, “Goo u ɡerumɔ kɑ dɑm ɡbɑburɔ u mɔ̀, i Yinnin swɑɑ sɔnwɔ, kpɑ i n ye nɔɔ nɛrɑsiɑmɔ yu dɛndɑ.”

Mɑteu 5:4

Doo nɔɔruɡibɑ be bɑ nukuru sɑnkire. Gusunɔ u koo bu nukuru yɛmiɑsiɑ.

Mɑteu 6:9

Yen sɔ̃, wee nɡe mɛ i ko i n dɑ kɑnɑru ko. I n dɑ nɛɛ, bɛsɛn Bɑɑbɑ wi u wɑ̃ɑ wɔllɔ, ɑ de bɑ n yɛ̃ mɑ wunɑ sɑ̃ɑ Dɛɛro.

Luku 6:21

Doo nɔɔruɡibɑ bɛɛ be ɡɔ̃ɔrɑ mɔ̀ tɛ̃, domi i ko rɑ debu. Doo nɔɔruɡibɑ bɛɛ be i sumɔ tɛ̃, domi i ko rɑ yɛ̃ɛ.

Romu 8:26

Nɡe mɛyɑ mɑɑ Hunde Dɛɛro u rɑ sun somi bɛsɛn dɑm sɑriru sɔɔ, domi sɑ ǹ yɛ̃ ye n weenɛ su Gusunɔ kɑnɑ. Adɑmɑ Hunde wi, u rɑ nùn kɑnɛ bɛsɛn sɔ̃ kɑ kpɑsɑ wɔri ye yɑ ǹ kɑ nɔɔ ɡerurɔ.

Korinti II 6:18

Kon ko bɛɛn Bɑɑbɑ. Bɛɛ mɑɑ kpɑ i ko nɛn bii tɔn durɔbu kɑ tɔn kurɔbu. Yeyɑ Yinni dɑm kpuroɡii u ɡeruɑ.”

Sɔ̃ɔsiru 14:1

Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n ɡu, i ku rɑ bɛɛn wɑsin ɡɑm murɑ. I ku rɑ mɑɑ bɛɛn seri kɔni wuswɑɑ ɡiɑ.

Sɔ̃ɔsiru 32:6

Gɑri bɑkɑsu bɛɛ, nɡe mɛyɑ bɑ rɑ Yinni Gusunɔ kue? U ǹ sɑ̃ɑ bɛɛn bɑɑbɑ kɑ bɛɛn tɑkɑ kowo? N ǹ wi, u bɛɛ tɑ̃sisiɑ u kuɑ win tɔmbu?

Heberu 12:13

I n sĩimɔ swɛɛ yi yi wɑ̃ sɔɔ, kpɑ nɑɑ si su ǹ bwɑ̃ɑ do, su kɑ bɛkurɑ kpɑ su ku kɑ kirirɑ.

Heberu 12:23

Gusunɔwɑ i susi wi u sɑ̃ɑ tɔmbu kpuron siri kowo, kɑ win bii yerumɑbɑn mɛnnɔ bèn yĩsɑ yoruɑ wɔllɔ, kɑ mɑɑ tɔn ɡeebun hundebɑ be Gusunɔ u dɛɛrɑsiɑ mɑm mɑm.

Heberu 5:7

Yesun hɑnduniɑn wɑ̃ɑru sɔɔ u Gusunɔ kɑnɑ wi u koo kpĩ u nùn wɔrɑ ɡɔɔn nɔmɑn di. U mɑɑ nùn suuru kɑnɑ kɑ wuri bɛkɛ kɑ yĩresu. Mɑ Gusunɔ u nùn swɑɑ dɑki win wii kpĩibun sɔ̃.

Kɑ̃siru 7:17

Domi Yɑ̃ɑ kinɛ kpɛm te tɑ wɑ̃ɑ sinɑ kitɑrun suunu sɔɔ, terɑ tɑ koo bu kpɑrɑ, tu kɑ dɑ wɑ̃ɑrun bwiɑɔ. Gusunɔ u koo mɑɑ bu ben nɔni yĩresu kpuro wokɑ.