Yeremi 31:7 - Bibeli Gusunɔn Gari

⁷ Yinni Gusunɔ u mɑɑ nɛɛ, i Yɑkɔbun bweseru tɑki kuo kɑ nuku dobu. I yɛ̃ɛrio ten sɔ̃ te tɑ sɑ̃ɑ bwesenun wiru. I nɔɔɡiru suo kpɑ i siɑrɑbun womusu ko. I nɛɛ, Yinni Gusunɔ u win tɔmbu Isireli be bɑ tie fɑɑbɑ mɔ̀.

Yeremi 31:7 ပူးပေါင်းရင်းမြစ်များ

Womusu 106:47

Gusunɔ bɛsɛn Yinni, ɑ sun fɑɑbɑ koowo. A sun wunɔ bwese tukunun suunu sɔɔn di, kpɑ ɑ sun mɛnnɑ, su wɑ su wunɛn yĩsi dɛɛrɑru tɔmɑ, kpɑ sɑ n yɛ̃ɛrimɔ su kɑ nun sɑ̃.

Womusu 126:2

Mɑ sɑ nuku dobu mɔ̀ sɑ yɛ̃ɛmɔ. Mɑ sɑ nɑsɑrɑn kuuki mɔ̀. Mɑ bɑ ɡerumɔ bwesenun suunu sɔɔ bɑ mɔ̀, Yinni Gusunɔ u sun ɡɑ̃ɑ bɑkɑnu kuɑ.

Womusu 14:7

Yinni Gusunɔ, nɑ nun kɑnɑmɔ, ɑ de fɑɑbɑ kowo ɡoo u yɑri Siɔnin di u Isirelibɑ, Yɑkɔbun bweseru yɑrɑ dɛsirun di, kpɑ bɑ n wɑ̃ɑ bɔri yɛndu sɔɔ. À n kuɑ mɛ, ɑnnɑ ɑ nuku dobu wɑ bi bɑ koo ko mi.

Womusu 28:9

A wunɛn tɔmbu fɑɑbɑ koowo kpɑ ɑ bu domɑru kuɑ, be, be bɑ sɑ̃ɑ wunɛn ɑrumɑni. A bu kpɑro kpɑ ɑ bu nɔɔri sere kɑ bɑɑdommɑɔ.

Womusu 67:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Womusu 69:35

Wɔllu kɑ tem kɑ nim wɔ̃ku kɑ kpuro ye yɑ wɑsi mi sɔɔ, yu nùn tɔmɔ.

Esɑi 1:9

Gusunɔ, wɔllu kɑ tem Yinni ù kun dɑɑ bɛsɛn sukum fiiko fɑɑbɑ kue Yerusɑlɛmu ye sɔɔ, yɑ koo rɑɑ kɑm kowɑ nɡe Sodomu kɑ Gomɔrɑ.

Esɑi 11:11

Sɑɑ ye sɔɔ, Yinni Gusunɔ u koo mɑɑ win dɑm sɔ̃ɔsi u kɑ win tɔn be bɑ tie yɑkiɑ be bɑ yɑrinɛ bɑ wɑ̃ɑ Asiriɔ kɑ Eɡibitiɔ kɑ Pɑturɔsiɔ kɑ Etiopiɔ kɑ Elɑmuɔ kɑ Bɑbiloniɔ kɑ Hɑmɑtiɔ Sirin temɔ, kɑ sere be bɑ wɑ̃ɑ nim wɔ̃kun ɡoonɔ.

Esɑi 37:31

Yudɑbɑn bweseru sɔɔ, be bɑ tiɑrɑ Siɔnin ɡuurɔ Yerusɑlɛmuɔ, bɑ fɑɑbɑ wɑ, bɑ koo kpɑrɑwɑ nɡe dɑ̃ɑ, kpɑ bu ɡbini ko sere tem sɔɔwɔ, kpɑ bu binu mɑ. Yeniwɑ Gusunɔ wɔllu kɑ tem Yinni u koo ko.

Esɑi 37:4

Sɔrɔkudo Gusunɔ wunɛn Yinni u ko n Asirin sinɑ bokon ɡɔron ɡɑri yi nuɑ wi u nɑ u nùn wɔnwɑ. Ǹ n mɛn nɑ, ɑ kɑnɑru koowo bɛsɛ be sɑ ɡinɑ tien sɔ̃ kpɑ Gusunɔ u nùn sɛɛyɑsiɑ.

Esɑi 44:23

Wɔllu, ɑ yɛ̃ɛrio ye Yinni Gusunɔ u kuɑn sɔ̃. Gɔribun wɑ̃ɑ yeru, ɑ ɡɔ̃ru doro. Bɛɛ ɡuunu i kuuki koowo kɑ nuku dobu. Bɛɛ mɑɑ dɑ̃ɑ sɔ̃su, i nuku dobu koowo. Domi Yinni Gusunɔ u win yiiko sɔ̃ɔsi Isireliɔ. U be, Yɑkɔbun bweseru yɑkiɑ.

Esɑi 52:8

Wee, be bɑ rɑ ɡbɑ̃rɑru kɔ̃su bɑ nɔɔɡiru sue, bɑ kuuki mɔ̀ kɑ nuku dobu. Domi bɑ wɑ kɑ nɔni mɑ Yinni Gusunɔ u Siɔni yɑkiɑm wee.

Esɑi 61:9

Bwesenu kpuro nu koo be kɑ ben bibun bweserun ɡɑri nɔ, kpɑ be bɑ bu wɑ kpuro bu ɡiɑ mɑ wiyɑ u bu domɑru kuɑ.

Yeremi 20:13

I Yinni Gusunɔ siɑro kɑ womusu. Domi u rɑ wɔnwɔndo wɔre sɑɑ tɔn kɔ̃son nɔmɑn di.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 3:23

Geemɑ bũu ni sɑ rɑɑ sɑ̃ɑmɔ ɡuunu wɔllɔ sɑ kuuki mɔ̀, nu sɑ̃ɑwɑ weesu. Adɑmɑ Gusunɔ bɛsɛn Yinni, wunɑ ɑ sɑ̃ɑ bɛsɛ Isirelibɑn fɑɑbɑ kowo.

Yeremi 31:12

Bɑ koo nɑ Siɔnin ɡuuru wɔllɔ, bɑ n nuku dobu mɔ̀ kɑ kuuki. Bɑ koo duki nɑ ɑrumɑni ye nɛ, Yinni Gusunɔ nɑ bu wɛ̃n sɔ̃. Yeyɑ, dobi kɑ resɛm kɑ olifi ye bɑ rɑ kɑ ɡum ko, kɑ yɑ̃ɑnu kɑ nɛɛ. Ben bwɛ̃rɑ koo yɛmiɑwɑ nɡe dɑ̃ɑ ɡbɑɑru te tɑ nim wɑɑmɔ. Bɑ ǹ koo mɑɑ wɑhɑlɑ ko.

Swĩi 1:1

Yerusɑlɛmu yè sɔɔ tɔmbɑ rɑɑ dɑbi, wee yɑ wɑ̃ɑ ye tɔnɑ, yɑ kuɑ nɡe ɡɔmini. Yɑ rɑɑ yĩsiru yɑrɑ bwesenun suunu sɔɔ. Wee tɛ̃ bɑ ye yoru diisiɑmɔ.

Esekiɛli 6:8

Adɑmɑ kon de bu kisirɑ tɑbun di, kpɑ bɑ n yɑrinɛ tem tukumɔ.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Misee 2:12

Yinni Gusunɔ u nɛɛ, bɛɛ Isirelibɑ, Yɑkɔbun bweseru, kon bɛɛ be i tie kpuro mɛnnɑ. Kon bɛɛ mɛnnɑ nɡe yɑ̃ɑnu ɡɔ̃ɔ teu sɔɔ. Kpɑ i n wɑ̃ɑ sɑnnu nɡe yɑ̃ɑnu kpɑrɑ yerɔ. Bɛɛn tem mu koo tɔmbu yibu.

Misee 7:18

Wɑrɑ u kɑ nun weenɛ. Wee, ɑ rɑ kɑ bɛsɛ wunɛn tɔmbun bweserun sukum mɛ mu tie tɛmɑnɛ bɛsɛ be sɑ sɑ̃ɑ wunɛn ɑrumɑni kpɑ ɑ sun bɛsɛn torɑnu suuru kuɑ. Wunɛn mɔru ku rɑ tɛ. Domi kĩrɑ ɑ rɑ sun sɔ̃ɔsi.

Sofoni 2:9

Yen sɔ̃nɑ wi, Gusunɔ Isirelibɑn Yinni, wi, wi u wɔllu kɑ tem mɔ, u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nɡe Sodomuɡibu, kpɑ Amɔnibɑ bu mɑɑ kɑm ko nɡe Gomɔrɑɡibu, ben tem mu yɑkɑ kɔ̃susu kpi, ǹ kun mɛ mu ɡɔsirɑ bɔru. Gɑ̃ɑnu kun mɑɑ kpiimɔ mi sere kɑ bɑɑdommɑɔ. Win tɔn be bɑ tie, bɑ koo Mɔɑbu be, kɑ Amɔni be wɔri bu ben yɑ̃nu ɡurɑ bu tem tubi di.

Romu 11:5

Mɛyɑ n mɑɑ sɑ̃ɑ sɑɑ yeni sɔɔ. Ben sukum wɑ̃ɑ be Gusunɔ u ɡɔsɑ win durom sɔ̃.

Romu 9:27

Mɑ Gusunɔn sɔmɔ Esɑi u nɔɔɡiru suɑ u ɡeruɑ Isirelibɑn sɔ̃ u nɛɛ, “Bɑɑ Isirelibɑ bɑ̀ n dɑbiɑ, nɡe nim wɔ̃kun yɑnim, ben sukum tɔnɑwɑ koo fɑɑbɑ wɑ.

Sɔ̃ɔsiru 28:13

Yinni Gusunɔ u koo bɛɛ kowɑ wiru, n ǹ mɔ siru. I ko i n dɑ n yĩsiru yɑrɑwɑ, i ǹ biru wurɔ. Adɑmɑ yu kɑ sere koorɑ mɛ, i ko i wi, Gusunɔ bɛsɛn Yinnin woodɑbɑ mɛm nɔɔwɑwɑ mɑm mɑm ye nɑ bɛɛ sɔ̃ɔmɔ mini ɡisɔ.

Sɔ̃ɔsiru 32:43

Bɛɛ bwese tukunu, i Yinni Gusunɔn tɔmbu tɔmɔ, domi u koo bu mɔru bɑrɑ, kpɑ u bu ben torɑnu suuru kuɑ u ben tem dɛɛrɑsiɑ.