Yeremi 31:6 - Bibeli Gusunɔn Gari

⁶ Sɑɑ yɑ sisi yè sɔɔ wuun kɔ̃sobu bɑ koo nɔɔɡiru suɑ Efɑrɑimun ɡuuru wɔllun di bu nɛɛ, i seewo su dɑ Siɔniɔ mi Gusunɔ bɛsɛn Yinni u wɑ̃ɑ.

Yeremi 31:6 ပူးပေါင်းရင်းမြစ်များ

Bɑndun Gɑri II 13:4

Yerɑ Abiɑ u seewɑ u nɔɔɡiru suɑ sɑɑ ɡuu te bɑ mɔ̀ Semɑrɑimun di. Guu te, tɑ sɑ̃ɑwɑ Efɑrɑimun ɡuurun bee tiɑ. U nɛɛ, Yeroboɑmu, wunɛ kɑ Isirelibɑ, i mɑn swɑɑ dɑkio i nɔ.

Ɛsidɑrɑsi 1:5

Sɑɑ ye sɔɔrɑ Yudɑbɑ kɑ Bɛnyɑmɛɛbɑn yɛnu yɛ̃robu kɑ yɑ̃ku kowobu kɑ Lefibɑ bɑ sɔɔru kuɑ, be kpuro ɡesi, be Yinni Gusunɔ u seeyɑ bu kɑ dɑ bu win sɑ̃ɑ yeru bɑni Yerusɑlɛmuɔ.

Womusu 84:5

Doo nɔɔruɡibɑ be bɑ wɑ̃ɑ wunɛn sɑ̃ɑ yerɔ bɑ nun tɔmɑmɔ bɑɑdommɑ.

Esɑi 27:13

Yen tɔ̃ɔ te, bɑ koo kɔbi bɑkɑ so kpɑ be bɑ rɑɑ yoru mwɛɛrɑ bɑ woo Asiriɔ kɑ be bɑ kpikiru dɑ Eɡibitiɔ bu wurɑmɑ. Kpɑ bu yiirɑ bu Yinni Gusunɔ sɑ̃ ɡuu dɛɛrɑ ten mi, Yerusɑlɛmuɔ.

Esɑi 40:9

Yerusɑlɛmuɡibu, i yɔɔwo ɡuu te tɑ ɡunun wɔllɔ, i nɔɔɡiru suɑ kɑ dɑm i lɑbɑɑri ɡeɑ kpɑrɑ. I ku bɛrum ko. I Yudɑbɑn wusun tɔmbu sɔ̃ɔwɔ i nɛɛ, Gusunɔ ben Yinni u wee.

Esɑi 62:6

Wunɛ Yerusɑlɛmu, nɑ derɑ ɡɑbɑ sɑ̃ɑ nɡe wuu kɔ̃sobu be bɑ rɑ n yɔ̃ ɡbɑ̃rɑru wɔllɔ, bɑ ǹ nɔɔ mɑrimɔ sɔ̃ɔ sɔɔ kɑ wɔ̃kuru. Bɛɛ wuu kɔ̃sobu, bɛɛ be i nɛ, Yinni Gusunɔ Yerusɑlɛmun ɡɑri yɑɑyɑsiɑmɔ, i ku wɛ̃rɑ.

Yeremi 3:14

Bu wurɑmɑ nɛn mi, be, bii mɛm nɔɔ sɑribɑ. Domi nɑ sɑ̃ɑwɑ ben Yinni. Kon be bɑ tie yɑrɑmɑ wuu sìn mi bɑ wɑ̃ɑ kpuron di, bɑɑ ǹ n tɔn turon nɑ, ǹ kun mɛ yiru. Kpɑ n kɑ bu wurɑmɑ nɛn mi Siɔniɔ.

Yeremi 31:12

Bɑ koo nɑ Siɔnin ɡuuru wɔllɔ, bɑ n nuku dobu mɔ̀ kɑ kuuki. Bɑ koo duki nɑ ɑrumɑni ye nɛ, Yinni Gusunɔ nɑ bu wɛ̃n sɔ̃. Yeyɑ, dobi kɑ resɛm kɑ olifi ye bɑ rɑ kɑ ɡum ko, kɑ yɑ̃ɑnu kɑ nɛɛ. Ben bwɛ̃rɑ koo yɛmiɑwɑ nɡe dɑ̃ɑ ɡbɑɑru te tɑ nim wɑɑmɔ. Bɑ ǹ koo mɑɑ wɑhɑlɑ ko.

Yeremi 50:19

Adɑmɑ kon de Isirelibɑ bu wurɑmɑ ben wɑ̃ɑ yerɔ, kpɑ bu ben dĩɑnu yewe ɡuu te bɑ mɔ̀ Kɑɑmɛliɔ kɑ Bɑsɑniɔ kɑ ɡuu te bɑ mɔ̀ Efɑrɑimuɔ, kɑ sere mɑɑ Gɑlɑdin temɔ. Bɑ ǹ mɑɑ ɡɑ̃ɑnun yɑ̃ɑru mɔ̀.

Yeremi 6:17

Gusunɔ u nɛɛ, nɑ bɛɛ kɔ̃sobu wɛ̃ i kɑ ben kɔbɑn swĩi swɑɑ dɑki. Adɑmɑ bɑ wisɑ bɑ nɛɛ, sɑ ǹ swɑɑ dɑkimɔ.

Esekiɛli 3:17

wunɛ tɔnun bii, kon de ɑ Isirelibɑ nɔni doke. Kɑɑ n dɑ nɛn ɡɑri swɑɑ dɑki kpɑ ɑ kɑ bu kirɔ ko.

Esekiɛli 33:2

wunɛ tɔnun bii, ɑ wunɛɡibu Isirelibɑ sɔ̃ɔwɔ ɑ nɛɛ, tɑbu bù n wɑ̃ɑ ben tem sɔɔ, bɑ rɑ ɡbɑmɡbɑ sowo ɡɔsiwɑ.

Osee 9:8

Adɑmɑ sɔmɔ wi u bɛɛ kirɔ mɔ̀, u wɑ̃ɑ kɑ Gusunɔ. Kɑ mɛ, i nùn yinɑ bɛriɑmmɛ mi u dɔɔ kpuro. I rɑ mɑm nùn seesiwɑ Gusunɔ win Yinnin sɑ̃ɑ yerɔ.