Yeremi 31:3 - Bibeli Gusunɔn Gari

³ Bɛɛ Isirelibɑ, nɑ bɛɛ nɛn tii sɔ̃ɔsi sɑɑ yellun di. Nɑ bɛɛ kĩwɑ sere kɑ bɑɑdommɑɔ. Yen sɔ̃nɑ nɑ bɛɛ nɛn durom derie.

Yeremi 31:3 ပူးပေါင်းရင်းမြစ်များ

Sinɑmbu I 10:9

Nɑ Gusunɔ wunɛn Yinni siɑrɑ wi u nun durom kuɑ u nun swĩi Isirelibɑn sinɑ ɡɔnɑ wɔllɔ. U bu kĩwɑ sere kɑ bɑɑdommɑɔ. Yen sɔ̃nɑ u nun kuɑ ben sunɔ, ɑ n dɑ kɑ bu sirie dee dee.

Womusu 103:17

Adɑmɑ Yinni Gusunɔn durom mu rɑ n wɑ̃ɑwɑ sere kɑ bɑɑdommɑɔ be bɑ nùn nɑsien mi, mɑ bɑ win ɑrukɑwɑni nɛni, mɑ bɑ win woodɑbɑ mɛm nɔɔwɑmmɛ. Mɛyɑ mɑɑ win ɡem mu rɑ n kɑ bu wɑ̃ɑ sere kɑ ben bibun bibɔ.

Womusu 25:6

Yinni Gusunɔ, nɑ nun kɑnɑmɔ, ɑ wunɛn durom kɑ wunɛn wɔnwɔndu yɑɑyo, ye ɑ mɑn sɔ̃ɔsi yellun di.

Womu Duro 1:4

A mɑn tii ɡɑwemɑ kpɑ su nun nɑɑ swĩi kɑ dukɑ. A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ. Wunɛn sɑɑbuwɑ sɑ nuku dobu mɔ. Wunɛn kĩru tɑ tɑm dobu kere. Bɑ ɡem mɔ be bɑ nun kĩ.

Esɑi 43:4

yèn sɔ̃ ɑ sɑ̃ɑ ɡɑ̃ɑ bɑkɑnu nɛn nɔni sɔɔ. A ɡirimɑ mɔ, nɑ mɑɑ nun kĩ. Kon bwese dɑbinu yibɛrɛbɑ nɔmu sɔndiɑ wunɛn ɑyerɔ n kɑ wunɛn wɑ̃ɑru yɑkiɑ.

Esɑi 49:14

Yerusɑlɛmuɡibu bɑ mɔ̀, Yinni Gusunɔ u sun deri, mɑ u sun duɑri.

Osee 11:1

Yinni Gusunɔ u nɛɛ, sɑɑ Isirelin bweserun torubun diyɑ nɑ tu kĩɑ. Mɑ nɑ tu yɑrɑmɑ Eɡibitin di nɑ tu sokɑ nɛn bii.

Osee 11:4

Nɑ bu ɡɑwɑmɑ nɛn mi kɑ kĩru mɑ nɑ bu dĩɑnu wɛ̃ nɡe wi u yɑɑ sɑbenun suɡu yiiyɑmɔ u kɑ nu nɔɔri.

Mɑlɑsi 1:2

Yinni Gusunɔ u nɛɛ, nɑ bɛɛ Isirelibɑ kĩɑ. Mɑ i ɡerumɔ i mɔ̀, mbɑ sɔɔrɑ nɑ bɛɛ kĩɑ. Nɑ nɛɛ, n ǹ Esɑu u sɑ̃ɑ Yɑkɔbun mɔɔ ro? Adɑmɑ nɑ Yɑkɔbu kĩɑ

Romu 8:30

Nɡe mɛyɑ be u ɡɔsɑ u yi, u mɑɑ bu sokɑ. Be u sokɑ mi, u mɑɑ bu ɡem wɛ̃. Be u ɡem wɛ̃ u mɑɑ kɑ bu win yiiko bɔnu kuɑ.

Romu 9:13

Nɡe mɛ bɑ yoruɑ Gusunɔn ɡɑri sɔɔ, “Nɑ Yɑkɔbu kĩɑ ɑdɑmɑ nɑ Esɑu yinɑ.”

Sɔ̃ɔsiru 10:15

Bɛɛn bɑɑbɑbɑ tɔnɑwɑ u kɑ ɑrukɑwɑni bɔkuɑ mɑ u bu kĩɑ. Yen biru, bwesenu kpuro sɔɔ, bɛɛyɑ u ɡɔsɑ bɛɛ be i sɑ̃ɑ ben bibu nɡe mɛ i wɑɑmɔ ɡisɔ.

Sɔ̃ɔsiru 33:26

Yerɑ Mɔwisi u kpɑm ɡeruɑ u nɛɛ, bɛɛ Isirelibɑ, i n yɛ̃ mɑ Yinni ɡoo sɑri nɡe Gusunɔ. Wee u wɔllu sɔni u kɑ sisi bɛɛn mi kɑ win yiiko bɑkɑ. Guru wirɑ u duɑ u kɑ wee u bɛɛ somi.

Sɔ̃ɔsiru 33:3

Yinni Gusunɔ u Isirelibɑ kĩ. U rɑ tɔmbu kpuro kɔ̃su be bɑ sɑ̃ɑ wiɡibu, bɑ rɑ yiire win nuurɔ bu kɑ win sɔ̃ɔsiru wɑ.

Sɔ̃ɔsiru 4:37

U bɛɛn bɑɑbɑbɑ kĩɑ mɑ u bɛɛ ɡɔsɑ bɛɛ be i sɑ̃ɑ ben bibun bweseru. Yen sɔ̃nɑ u bɛɛ yɑrɑmɑ Eɡibitin di kɑ win dɑm bɑkɑm.

Timɔte II 1:9

Wiyɑ u sun fɑɑbɑ kuɑ mɑ u sun sokɑ sɑ n kɑ sɑ̃ɑ win tiin tɔmbu, n ǹ mɔ ye bɛsɛn tii sɑ kuɑn sɔ̃ mɑ n kun mɔ win himbɑ kɑ win durom sɔ̃ mɛ u sun kuɑ Yesu Kirisin min di sɑɑ toren di.

Yɑkɔbu 1:18

Win tii tiin kĩru sɔɔrɑ u kɑ sun kuɑ win bibu kɑ win ɡɑri ɡee su kɑ ko nɡe yɑ̃ku ɡbiikii te u mwɑ win tɑkɑ koorɑ kpuron di.

Piɛɛ I 1:3

Su Gusunɔ siɑrɑ, bɛsɛn Yinni Yesu Kirisin Bɑɑbɑ. Win wɔnwɔn bɑkɑru sɔɔrɑ u sun mɑrɑ nɔn mɛɛruse Yesu Kirisin seebu ɡɔrin din sɔ̃ kpɑ sɑ n kɑ yĩiyɔ wɑ̃ɑruɡibu mɔ

Yohɑnu I 4:19

Kĩrɑ wɑ̃ɑ bɛsɛ sɔɔ yèn sɔ̃ Gusunɔ u ɡbiɑ u sun kĩɑ.