Yeremi 30:7 - Bibeli Gusunɔn Gari

⁷ Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Yeremi 30:7 ပူးပေါင်းရင်းမြစ်များ

Torubu 32:7

Sɔmɔ be, bɑ dɑ bɑ wurɑmɑ Yɑkɔbun mi, bɑ nɛɛ, sɑ turɑ wunɛn mɔɔ Esɑun mi, u mɑɑ sun sennɔ sisi kɑ tɑbu kowobu tɔmbu nɛɛru (400).

Womusu 25:22

Gusunɔ, ɑ wunɛn tɔmbu Isirelibɑ yɑro ben nɔni swɑ̃ɑru kpuron di.

Womusu 34:19

U rɑ n kɑ be bɑ nuki sɑnkire wɑ̃ɑ, kpɑ u be bɑ mwiɑ kpɑnɑ fɑɑbɑ ko.

Yeremi 14:8

Wunɛ wi bɛsɛ Isirelibɑ sɑ nɑɑnɛ sɑ̃ɑ, wunɑ ɑ rɑ sun fɑɑbɑ ko wɑhɑlɑn sɑɑ sɔɔ. Mbɑn sɔ̃nɑ kɑɑ n sɑ̃ɑ nɡe sɔɔ wi u sɑrɔ bɛsɛn temɔ u kpunɑ wɔ̃ku teeru tɔnɑ.

Yeremi 2:27

Domi i bũu dɑ̃ru sokumɔ bɛɛn bɑɑbɑ, mɑ i mɑɑ kperu sokumɔ bɛɛn mɛro. Wee bɛɛ Isirelibɑ kpuro i mɑn biru kisi, i ǹ mɑɑ mɑn mɛɛrimɔ. Adɑmɑ ì n wɑ̃ɑ wɑhɑlɑ sɔɔ, i rɑ nɛɛwɑ, n seemɑ n bɛɛ fɑɑbɑ ko.

Yeremi 2:28

Bɛɛ Yudɑbɑ, bɛɛn bwɑ̃ɑroku ni i tii sekuɑ nu kɑ bɛɛn wusu ɡeeru nɛ mi, mɑnɑ nu wɑ̃ɑ. Nu seewo nu bɛɛ fɑɑbɑ ko wɑhɑlɑn sɑɑ sɔɔ nù n koo kpĩ.

Yeremi 30:10

Bɛɛ Isirelibɑ, Yɑkɔbun bweseru, bɛɛ be i sɑ̃ɑ nɛn sɔm kowobu, i ku nɑndɑ, i ku diiri. Wee, kon bɛɛ yɑkiɑmɑ sɑɑ tem tukum di mi i yoru dii, bɛɛ kɑ bɛɛn bibun bweseru. I ko i wurɑmɑ kpɑ i wɛ̃rɑ i n wɑ̃ɑ bɔri yɛndu sɔɔ. Goo kun mɑɑ bɛɛ tɔ̃yɑ mɔ̀.

Swĩi 1:12

Bɛɛyɑ nɑ kɑ yɑ̃, bɛɛ be i sɑrɔ mini kpuro. I mɛɛrio nɔni swɑ̃ɑru ɡɑru tɑ̀ n mɑɑ nɛɡii teni kere, te Yinni Gusunɔ u mɑn kpɛ̃ɛ win mɔrun sɑɑ sɔɔ.

Swĩi 2:13

Yerusɑlɛmu, mbɑ kon nun sɔ̃. Mbɑ kon kɑ nun weesinɑ. Wɑrɑ u mɑɑ nɔni sɔ̃ɔre nɡe wunɛ, n kɑ kpĩ n nun nukuru yɛmiɑsiɑ. Domi wunɛn nɔni swɑ̃ɑrɑ kpɑ̃ nɡe nim wɔ̃kun nim. Goo sɑri wi u koo kpĩ u tu kpeesiɑ.

Swĩi 4:6

Nɛn tɔmbun sɛɛyɑsiɑbu bu kpɑ̃, bu Sodomuɡibu kere, wuu ɡe Yinni Gusunɔ u kpeerɑsiɑ nɔni kpɑki teeru ɡoon nɔmɑ sɑri mi sɔɔ.

Dɑniɛli 12:1

Sɑnɑm dɑ̃ɑkim sɔɔ, Misɛli, mɑleekɑ wi u sɑ̃ɑ tɑbu sunɔ, u koo seemɑ, wi, wi u kɑ wunɛ Dɑniɛlin tɔmbu yɔ̃. Sɑɑ ye, yɑ ko n sɑ̃ɑwɑ nɔni swɑ̃ɑrun tɔ̃ru tèn bweseru tɑ ǹ koore sɑɑ min di bwesenu nu toruɑ sere n kɑ sɑɑ ye ɡirɑri. Sɑɑ ye sɔɔrɑ wunɛn tɔmbu bɑ koo fɑɑbɑ wɑ bèn yĩsɑ yɑ yoruɑ wɑ̃ɑrun tireru sɔɔ.

Dɑniɛli 9:12

Nɡe mɛyɑ ɑ derɑ wunɛn ɡɑri yi koorɑ yi ɑ nɛɛ, kɑɑ bɛsɛ kɑ bɛsɛn wiruɡibu kuɑ. A derɑ Yerusɑlɛmu yɑ nɔni swɑ̃ɑru wɑ tèn bweseru bɑ ǹ wɑɑre ɡɑm.

Yoɛli 1:15

Yinni Gusunɔn tɔ̃ru tɑ turuku kuɑ. Tɔ̃ɔ te, tɑ sɑ̃ɑwɑ win tɔ̃ru. Te sɔɔrɑ wi, Dɑm kpuroɡii u koo kpuro kɑm koosiɑ. Annɑ ɑ tɔ̃ɔ kɔ̃suru wɑ te tɑ sisi mi.

Yoɛli 1:2

U nɛɛ, bɛɛ Yudɑbɑn ɡuro ɡurobu, i swɑɑ dɑkio i nɔ. Bɛɛ Yudɑbɑ kpuro kpuro i swɑɑ tem kpĩiyɔ i ɡɑri yi nɔ. Gɑ̃ɑ ninin bweseru nu koore bɛɛn wɑɑti sɔɔ, ǹ kun mɛ bɛɛn sikɑdobɑn wɑɑti sɔɔ?

Yoɛli 2:11

Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ, bɑ rɑ nùn mɛm nɔɔwɛwɑ. Bɑ dɑbi, bɑ mɑɑ dɑm mɔ. Yen sɔ̃nɑ win tɔ̃ɔ te, tɑ nɑnum mɔ. Wɑrɑ u koo yɔ̃rɑ u tu mɑ.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.

Hɑbɑkuku 3:16

Nɑ ɡen wɔkinu nɔɔmɔ too. Mɑ nɑ nɑndɑ ɡem ɡem, nɛn nɔɔ ɡɑ diirimɔ bɛrum sɔ̃. Mɑ nɛn wɑsi yi wɔkɔnu wɔrimɔ, nɑ yɔ̃ sɛ̃ɛ nɑ nuku sɑnkirɑnun tɔ̃ru mɑrɑ te tɑ wee bwese ni nu koo sun dɑm dɔren sɔ̃.

Sɑkɑri 14:7

Tɔ̃ɔ te, tɑ ko n sɑ̃ɑwɑ nɛnɛm te Yinni Gusunɔ u yɛ̃. Bɑ ǹ wɔ̃kuru kɑ sɔ̃ɔ sɔɔ wunɑnɑmɔ. Adɑmɑ yokɑ, yɑm bururɑm mu koo sɔ̃ɔsirɑ.

Mɑɑku 13:19

Domi sɑnɑm mɛ sɔɔ, nɔni swɑ̃ɑ bɑkɑrɑ ko n wɑ̃ɑ tèn bweseru tɑ ǹ koore sɑɑ hɑnduniɑn toren di sere kɑ ɡisɔ. Ten bweserɑ kun mɑm mɑɑ sisi.

Gɔrobun Kookoosu 2:20

Sɔ̃ɔ koo tĩrɑ kpɑ suru u swɛ̃rɑ nɡe yɛm, sere Yinnin tɔ̃ɔ te, tu kɑ nɑ, tɔ̃ɔ nɑnumɡii te.

Romu 11:26

Nɡe mɛyɑ Isirelibɑ kpuro bɑ koo fɑɑbɑ wɑ, nɡe mɛ bɑ yoruɑ, “Yɑkio u koo nɑ sɑɑ Siɔnin di. Kpɑ u Gusunɔn bɛɛrɛ yɛ̃ru sɑriru wunɑ sɑɑ Yɑkɔbun bweserun di.

Kɑ̃siru 6:17

Domi ben mɔrun tɔ̃ɔ bembere te, tɑ tunumɑ. Wɑrɑ u koo kpĩ u yɔ̃rɑ u tu mɑ.