Yeremi 30:20 - Bibeli Gusunɔn Gari

²⁰ I ko i n sɑ̃ɑwɑ nɡe yellu, kpɑ i n dɑ bɛɛn mɛnnɔsu ko nɛn wuswɑɑɔ. Kpɑ n be bɑ bɛɛ dɑm dɔremɔ kpuro sɛɛyɑsiɑ.

Yeremi 30:20 ပူးပေါင်းရင်းမြစ်များ

Womusu 102:18

U rɑ sɑ̃ɑron kɑnɑru nɔ. U ku rɑ tu ɑtɑfiiru ko.

Womusu 102:28

Adɑmɑ wunɛ, wunɑ mi. A ǹ tɔkɔru mɔ̀.

Esɑi 49:26

Kon de be bɑ nun tɑɑre bu ɡoonɑ, kpɑ ben tɔn ɡoberu kɑ ben mɔru yu bu ɡo nɡe tɑm, kpɑ tɔmbu kpuro bu ɡiɑ mɑ nɛ, Yinni Gusunɔwɑ nɑ nun fɑɑbɑ mɔ̀. Nɛnɑ nɑ sɑ̃ɑ wunɛ Yɑkɔbun Yinni dɑmɡii wi u nun yɑkiɑ.

Esɑi 51:22

Amɛniwɑ nɛ Gusunɔ, wunɛn Yinni, nɛ wi nɑ nɛn tɔmbu fɑɑbɑ mɔ̀, nɑ ɡeruɑ. Nɑ nɛɛ, kon nɔrɑ ye mwɑ wunɛn nɔmun di, ye yɑ nɛn mɔru yibɑ mɑ yɑ derɑ ɑ bɑ̃ɑrimɔ. A ǹ mɑɑ ye nɔrumɔ.

Esɑi 54:14

Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

Yeremi 2:3

Bɛɛ Isirelibɑ, i rɑɑ wɑ̃ɑwɑ wi turon sɔ̃. I sɑ̃ɑwɑ win ɑrumɑni ye u tii ɡɔsiɑ. Wi u nɑ u bɛɛ ɡurɑ, wɑhɑlɑ yɑ rɑ yɛ̃ro deemɛwɑ. Wi, Yinni Gusunɔwɑ u yeni ɡeruɑ.

Yeremi 30:16

Adɑmɑ be bɑ bɛɛ wɔri bɑ di, kon ben tii wɔriwɑ n di. Be bɑ sɑ̃ɑ bɛɛn yibɛrɛbɑ kpuro bɑ koo bu yoru mwɛɛriwɑ. Be bɑ bɛɛn yɑ̃nu ɡurɑmɔ, kon de bu mɑɑ ben tiin yɑ̃nu ɡurɑ.

Yeremi 32:39

Kon de bɑ n wɑ̃ɑ nɔɔ tiɑ sɔɔ bɑ n kookoo teesu mɔ̀, kpɑ bɑ n mɑn nɑsie bɑɑdommɑ. Yerɑ yɑ koo de bɑ n nuku dobu mɔ sere kɑ ben bibun bibɔ.

Swĩi 5:21

Yinni Gusunɔ, ɑ̀ n nɛɛ, su wurɑmɑ wunɛn mi, sɑ ko wurɑmɑ. A de bɛsɛn wɑ̃ɑru tu wurɑmɑ nɡe yellu.

Sɑkɑri 10:6

Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Sɑkɑri 10:8

Kon wiɑ ko bu kɑ mɛnnɑmɑ. Domi nɛnɑ nɑ bu yɑkiɑmɔ. Bɑ koo dɑbiɑ nɡe yellu.

Sɑkɑri 8:5

Bii ɑluwɑɑsibɑ kɑ bii wɔndiɑbɑ bɑ koo yibu yen bɑtumɑ be sɔɔ bɑ n dweebu mɔ̀.