Yeremi 30:18 - Bibeli Gusunɔn Gari

¹⁸ Nɑ wure nɑ nɛɛ, wee, kon bɛɛ Isirelibɑ Yɑkɔbun bweseru yɑrɑ yorun di, kpɑ i wurɑ bɛɛn yɛnusɔ. Kon bɛɛn yɛnusun wɔnwɔndu ko, kpɑ n bɛɛn wuu bɑni ɡen bɑnsɔ n bɛɛn sinɑ kpɑɑru seeyɑ n swĩi mi tɑ rɑɑ wɑ̃ɑ.

Yeremi 30:18 ပူးပေါင်းရင်းမြစ်များ

Bɑndun Gɑri I 29:1

Sinɑ boko Dɑfidi u tɔn be bɑ mɛnnɛ mi kpuro sɔ̃ɔwɑ u nɛɛ, nɛn bii Sɑlomɔɔ wi Yinni Gusunɔ u ɡɔsɑ, u sɑ̃ɑwɑ bii piibu. U ǹ ɡinɑ tɔmbun kpɑrɑbun bwisi mɔ. Sɔmbu te u koo mɑɑ ko tɑ kpɑ̃, domi sɑ̃ɑ yee te, tɑ ǹ ko n sɑ̃ɑ tɔnuɡiru. Tɑ ko n sɑ̃ɑwɑ Yinni Gusunɔɡiru.

Bɑndun Gɑri I 29:19

Kpɑ ɑ de nɛn bii Sɑlomɔɔn ɡɔ̃ru ɡɑ n sɔ̃, u kɑ wunɛn yiirebu kɑ wunɛn sɔ̃ɔsinu kɑ wunɛn woodɑbɑ mɛm nɔɔwɑ, u kɑ ye kpuro sɔmburu ko, kpɑ u sɑ̃ɑ yee te bɑni tèn sɔ̃ nɑ sɔɔru yeni kpuro kuɑ.

Nɛɛmi 7:4

Bɑɑ mɛ Yerusɑlɛmu yɑ kpɑ̃, yɑ mɑɑ yɑsu, yen tɔmbu bɑ ǹ dɑbi, bɑ ǹ mɑɑ diɑ bɑnɛ.

Womusu 102:13

Adɑmɑ wunɛ Yinni Gusunɔ, kɑɑ n bɑndu diiwɑ sere kɑ nɔrɔ. Mɛyɑ bɑ ko n nun yɑɑye sere kɑ bɑɑdommɑɔ.

Womusu 102:14

Kɑɑ sewɑ ɑ Siɔni wɔnwɔndu kuɑ, domi sɑɑ ye ɑ yi yɑ turɑ ɑ kɑ ye wɔnwɔndu kuɑ.

Womusu 122:7

Yerusɑlɛmu, bɔri yɛndɑ n wɑ̃ɑ wunɛn ɡbɑ̃rɑru sɔɔ kɑ wunɛn sinɑ kpɑɑrɔ.

Womusu 48:13

I sĩiyɔ i kɑ Siɔni sikerenɑ. I yen kɔ̃su yenu ɡɑrio.

Womusu 48:3

Tɑ yɔ̃ burɑm burɑm tɔnɑ. Wi u tu mɛɛrɑ kpɑ u n nuku dobu mɔ̀ ten burɑm sɔ̃. Guu ten sɔ̃ɔ yɛ̃sɑn nɔm ɡeu ɡiɑ, sinɑ bokon sinɑ kpɑɑrɑ mi.

Womusu 78:69

Guuru miyɑ u win sɑ̃ɑ yeru bɑnɑ tɑ dɑm mɔ nɡe wɔllu kɑ tem mɛ u swĩi sere kɑ bɑɑdommɑɔ.

Womusu 85:1

Womu ɡe Koren bibu bɑ wom kowobun wiruɡii kuɑ. Ge wee.

Esɑi 44:26

Adɑmɑ nɑ rɑ nɛn sɔm kowon ɡɑri dɑm sire, kpɑ n de nɛn sɔmɔn ɡɑri yi u ɡeruɑ yi koorɑ. Nɑ nɛɛ, tɔmbɑ koo kpɑm sinɑ Yerusɑlɛmuɔ. Bɑ koo mɑ wure bu Yudɑbɑn bɑnsu seeyɑ, kpɑ bu sin wusu bɑni.

Esɑi 44:28

Wee ye nɑ ɡeruɑ Sirusin sɔ̃. U sɑ̃ɑwɑ kpɑro wi nɑ ɡɔsɑ. U koo mɑɑ nɛn kĩru kpuro yibiɑ. Kpɑ u de bu wure bu Yerusɑlɛmu bɑni, kpɑ bu nɛn sɑ̃ɑ yee ten kpɛɛkpɛɛku swĩi.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Yeremi 29:14

kpɑ u bɛɛ be bɑ rɑɑ yoru mwɛɛrɑ mi, mɛnnɑmɑ sɑɑ tem kpuron di kɑ bwesenu kpuro sɔɔn di mi u derɑ i yɑrinɛ, kpɑ u bɛɛ ɡɔsiɑmɑ i wurɑmɑ bɛɛn temɔ, mìn di u derɑ bɑ bɛɛ ɡurɑ. Wi, Yinni Gusunɔwɑ u yeni ɡeruɑ.

Yeremi 30:3

Nɑ nɛɛ, tɔ̃ru ɡɑrɑ sisi tè sɔɔ kon nɛn tɔmbu Isirelibɑ kɑ Yudɑbɑ yɑkiɑmɑ yorun di, n kɑ bu wurɑmɑ ben temɔ. Kon de bu wurɑmɑ tem mɛ nɑ ben bɑɑbɑbɑ wɛ̃ sɔɔ, kpɑ mu ko beɡim.

Yeremi 31:23

Gusunɔ Isirelibɑn Yinni wi u wɔllu kɑ tem mɔ u ɡeruɑ u nɛɛ, nɑ̀ n kɑ Isirelibɑ wurɑmɑ sɑɑ yorun di, ɑmɛniwɑ bɑ koo ɡere Yudɑn tem kpuro sɔɔ bu nɛɛ, Yinni Gusunɔ u ɡuu te u ɡɔsɑ Yerusɑlɛmuɔ domɑru kuo, mi ɡem mu wɑ̃ɑ.

Yeremi 31:38

Wee sɑɑ yɑ sisi yè sɔɔ bɑ koo mɑn bɛɛrɛ wɛ̃ bu Yerusɑlɛmu bɑni sɑɑ Hɑnɑnɛɛlin di sere n kɑ dɑ wuun ɡbɑ̃rɑrun kɔnnɔwɔ ɡe bɑ mɔ̀ ɡɑni ɡɔmburun kɔnnɔ.

Yeremi 31:4

Bɛɛ Isirelibɑ, kon mɑɑ wure n bɛɛ swĩi, kpɑ i yɔ̃rɑ. Kon de i bɛɛn bɑrɑnu so, kpɑ i yɑri i n yɑɑmɔ be bɑ nuku dobu mɔ̀n suunu sɔɔ,

Yeremi 31:40

Wɔwɑ ye kpuro mi bɑ rɑ ɡonu sike kpɑ bu kubɑnu yɑri mi, kɑ ɡbeɑ ye yɑ wɑ̃ɑ berɑ mi sere n kɑ dɑ Sedoronin dɑɑrɔ, kɑ kɔnnɔ ɡe ɡɑ wɑ̃ɑ sɔ̃ɔ yɑri yeru ɡiɑ, mìn di dumi yi rɑ kɑ du, yebɑ kpurowɑ yɑ ko n sɑ̃ɑ nɛ, Yinni Gusunɔɡiɑ. Bɑ ǹ mɑɑ ye kɔsukumɔ sere kɑ bɑɑdommɑɔ.

Yeremi 32:15

Domi sɔ̃ɔ teeru tɔmbu bɑ koo mɑɑ diɑ kɑ ɡbeɑ dwe tem mɛ sɔɔ.

Yeremi 32:44

Kɑ ɡem bɑ koo ɡbeɑ dwe bɑɑmɑ kpuro kɑ ɡobi, kpɑ bu yen dwee tirenu ko, bu nu yĩrenu koosi seedɑɡibun wuswɑɑɔ. Bɑ koo ɡbeɑ dwe Bɛnyɑmɛɛn temɔ kɑ Yerusɑlɛmun bɑru kpɑɑnɔ, kɑ Yudɑn wusɔ, kɑ wuu si su wɑ̃ɑ ɡuunun berɑ ɡiɑ, kɑ si su wɑ̃ɑ wɔwi sɔɔ, kɑ si su wɑ̃ɑ sɔ̃ɔ yɛ̃sɑn nɔm dwɑru ɡiɑ. Domi sin tɔn be bɑ rɑɑ yoru mwɛɛrɑ mi, kon de bu wurɑmɑ. Nɛ, Yinni Gusunɔwɑ nɑ yeni ɡeruɑ.

Yeremi 33:11

Adɑmɑ bɑ koo wure bu nuku dobun kuuki nɔ kɑ tɔ̃ɔ bɑkɑruɡii. Bɑ koo kurɔ kpɑɑnun womusu nɔ. Bɑ koo mɑɑ wure bu womu ɡeni nɔ, ɡe ɡɑ nɛɛ, i Gusunɔ, wɔllu kɑ tem Yinni siɑro. Domi u sɑ̃ɑ tɔn ɡeo. Win kĩru tɑ ǹ nɔru mɔ. Mɛyɑ bɑ koo mɑɑ tɔn be bɑ kɑ yɑ̃kunu nɑ sɑ̃ɑ yerɔn womusu nɔ. Domi kon de tɔn be bɑ rɑɑ yoru mwɛɛrɑ mi, bu wurɑmɑ tem mɛ sɔɔ, kpɑ n bu wesiɑ nɡe yellu. Nɛ, Yinni Gusunɔwɑ nɑ yeni ɡeruɑ.

Yeremi 33:7

Kon de be bɑ yoru mwɛɛrɑ Yudɑn di, ben wɑ̃ɑru tu kɔsi, kpɑ n bu swĩi nɡe yellu.

Yeremi 46:27

Yinni Gusunɔ u nɛɛ, bɛɛ Isirelibɑ, Yɑkɔbun bweseru, bɛɛ, nɛn sɔm kowobu, i ku bɛrum ko, i ku mɑɑ nɑndɑ. Domi kon bɛɛ wɔrɑmɑ sɑɑ tontonden di. Kon bɛɛn bweseru yɑkiɑmɑ sɑɑ yorun di. I ko i wurɑmɑ i wɛ̃rɑ, i n wɑ̃ɑ bɔri yɛndu sɔɔ. Goo kun mɑɑ bɛɛ nɔni sɔ̃ɔmɔ.

Yeremi 49:39

Adɑmɑ tɔ̃ru ɡɑrɑ wee tè sɔɔ kon de be bɑ rɑɑ yɑrinɑ mi, bu wurɑmɑ.

Yeremi 49:6

Adɑmɑ ɑmɛn biru kon de be bɑ yɑrinɛ mi, bu wurɑmɑ. Nɛ, Yinni Gusunɔwɑ nɑ yeni ɡeruɑ.

Esekiɛli 36:11

U koo de tɔmbu kɑ yɑɑ sɑbenu bu dɑbiɑ bu kɔwɑrɑ kpɑ bu sinɑ mi nɡe yellu. Kpɑ u bu ɡeɑ kuɑ n kere ye u rɑɑ kuɑ. Sɑɑ ye sɔɔ, bɑ koo ɡiɑ mɑ wiyɑ u sɑ̃ɑ Yinni Gusunɔ.

Amɔsu 9:14

Kon nɛn tɔmbu Isirelibɑ yɑkiɑ yorun di. Kpɑ bu wure bu wuu si su rɑɑ bɑnsu kuɑ seeyɑ bu sinɑ mi. Bɑ koo resɛmbɑ duure, kpɑ bu yen tɑm nɔ. Bɑ koo dɑ̃ɑ ɡbɑɑnu ko, kpɑ bu yen mɑrum di.

Sɑkɑri 1:12

Mɑ ɡɔrɑdo wi, u nɛɛ, Gusunɔ wɔllu kɑ tem Yinni, sere sɑɑ yerɑ̀ kɑɑ Yerusɑlɛmu kɑ Yudɑbɑn wuu si su tien wɔnwɔndu wɑ, si ɑ kɑ mɔru sɑ̃ɑ sɑɑ wɔ̃ɔ wɑtɑ kɑ wɔkurun di.

Sɑkɑri 1:16

Yen sɔ̃nɑ wi, Gusunɔ wɔllu kɑ tem Yinni u nɛɛ, u koo Yerusɑlɛmun wɔnwɔndu ko. Bɑ koo win sɑ̃ɑ yeru bɑni. Kpɑ bu Yerusɑlɛmun kpɛɛkpɛɛku yĩire.

Sɑkɑri 12:6

Yen tɔ̃ɔ te sɔɔ, kon Yudɑbɑn wiruɡibu kowɑ nɡe dɔ̃ɔ boko dɑ̃ɑ sɔ̃ɔwɔ, ǹ kun mɛ nɡe wii bɔn tèn dɔ̃ɔ bɑ sɔkɑ dĩɑ bɔkunu sɔɔ. Bɑ koo bwese ni nu kɑ bu sikerenɛ kɑmiɑwɑ mɑm mɑm. Adɑmɑ Yerusɑlɛmuɡibu bɑ ko n sɔ̃wɑ ben temɔ.

Sɑkɑri 12:7

Nɛ, Yinni Gusunɔ kon Yudɑbɑn yɛnusu fɑɑbɑ ko, kpɑ Dɑfidin yɛnun bɛɛrɛ kɑ Yerusɑlɛmuɡibun bɛɛrɛ yu ku rɑɑ Yudɑ be bɑ tieɡiɑ kerɑ.

Sɑkɑri 14:10

Isirelibɑn tem kpuro mu koo ɡɔsiɑ wɔwɑ sɑɑ Gebɑn di sɔ̃ɔ yɛ̃sɑn nɔm ɡeu ɡiɑ n kɑ dɑ Rimɔɔwɔ Yerusɑlɛmun sɔ̃ɔ yɛ̃sɑn nɔm dwɑru ɡiɑ. Sɑɑ ye sɔɔ, Yerusɑlɛmu yɑ koo yĩsiru yɑri kpɑ yɑ n wɑ̃ɑ yen ɑyerɔ. Yɑ ko n wɑ̃ɑwɑ sɑɑ kɔnnɔ ɡe bɑ mɔ̀ Bɛnyɑmɛɛn di, n kɑ dɑ kɔnnɔ ɡbiikuuɔ, sere kɑ kɔnnɔwɔ ɡe bɑ mɔ̀ ɡɑni ɡɔmbunu. Sɑɑ mɑɑ kɔ̃su yee te bɑ mɔ̀ Hɑnɑnɛɛlin di, n kɑ ɡirɑri sinɑ bokon resɛm ɡɑmɑ yerɔ.