Yeremi 30:14 - Bibeli Gusunɔn Gari

¹⁴ Be bɑ rɑɑ kɑ bɛɛ ɑrukɑwɑni bɔkuɑ, bɑ ǹ mɑɑ bɛɛ kɑsu, domi nɑ bɛɛ sowɑ nɡe mɛ bɑ rɑ yibɛrɛ so. Nɑ bɛɛ sɛɛyɑsiɑ kɑ dɑm bɛɛn durum dɑbinun sɔ̃.

Yeremi 30:14 ပူးပေါင်းရင်းမြစ်များ

Yoobu 16:9

Gusunɔ u kuɑ nɛn yibɛrɛ, u mɑɑ mɑn ɡire kɑ mɔru u nɔɔ dɔnnɛ. Mɑ u mɑn nɔni ɡirɑri u kɑsu u nɛn wɑsi kɑsuku nɡe ɡbeeku yɑɑ.

Yoobu 19:11

U kɑ mɑn mɔru bɑrɑ. Mɑ u mɑn kuɑ nɡe win yibɛrɛ.

Yoobu 30:21

A sɛ̃siɑwɑ, mɑ ɑ mɑn sɛ̃re kɑ wunɛn dɑm bɑkɑm.

Womusu 107:17

Gɑri bɑkɑsu su tii kuɑ wɔnwɔndobu sin dɑɑ kɑ sin torɑnun sɔ̃.

Esɑi 57:13

Yen sɔ̃, ì n kuuki mɔ̀, ì n somiru kɑnɑmɔ, bɛɛn bũu dɑbi te, tɑ ǹ bɛɛ wɔrɑmɔ. Kon dewɑ woo ɡu kɑ nu doonɑ mɑm mɑm. Adɑmɑ be bɑ mɑn nɑɑnɛ sɑ̃ɑ bɑ koo tem mɛ tubi di, kpɑ bɑ n wɑ̃ɑ Siɔniɔ, ɡuu te nɑ ɡɔsɑn mi.

Yeremi 14:17

Yeremi u nɛɛ, Gusunɔ u mɑn sɔ̃ɔwɑ n tɔn be sɔ̃ n nɛɛ, nɛn nɔni yĩresu su kokumɔ bururu kɑ yokɑ, su ǹ yɔ̃re. Domi wɑhɑlɑ bɑkɑ yɑ nɛn tɔmbu deemɑ. Bɑ bu so bɑ mɛɛrɑ kuɑ.

Yeremi 2:36

Mbɑn sɔ̃nɑ i sirenɛ i kɑ swɑɑ kɔsi. Eɡibitiɡibɑ koo bɛɛ sekuru doke nɡe mɛ Asiriɡibɑ bɛɛ kuɑ.

Yeremi 22:20

Yeremi u nɛɛ, wee ye Yinni Gusunɔ u ɡeruɑ. U nɛɛ, bɛɛ Yerusɑlɛmuɡibu, i doo i yɔ ɡuu te bɑ mɔ̀ Libɑniɔ, kɑ Bɑsɑnin ɡuurɔ, kɑ Abɑrimun ɡunɡunu wɔllɔ, kpɑ i kuuki ko i nɔɔɡiru suɑ. Domi be i kɑ ɑrukɑwɑni bɔkuɑ bɑ munkirɑ.

Yeremi 22:22

Tɛ̃, bɛɛn kpɑrobu bɑ koo kɑ woo doonɑ kpɑ be i kɑ ɑrukɑwɑni bɔkuɑ bu bu yoru mwɛɛri bu kɑ dɑ tem tukumɔ. Sɑɑ ye sɔɔrɑ i ko i sekuru wɑ, bɛɛn kom kɔ̃sum sɔ̃.

Yeremi 30:15

Mbɑn sɔ̃nɑ i mɛɛrɑn weeweenu mɔ̀ ye i wɑ bɛɛn torɑnun sɔ̃. I n yɛ̃ mɑ bɛɛn durum bɑkɑn sɔ̃nɑ nɑ bɛɛ yeni kuɑ.

Yeremi 32:29

Bɑ koo ye wɔri kpɑ bu ye dɔ̃ɔ mɛni kpɑ bu diɑ yèn wɔllɔ Yudɑbɑ bɑ rɑ bũu wi bɑ mɔ̀ Bɑɑli yɑ̃kuru kue dɔ̃ɔ sɔku, kɑ sere mi bɑ rɑ tɔn tukobun bũu sɑ̃ bu tɑm tɑ̃rɑ. Domi yebɑ kpurowɑ bɑ kɑ nɛn mɔru seeyɑ.

Yeremi 32:30

Wee kɔ̃sɑ Isirelibɑ kɑ Yudɑbɑ bɑ rɑ n mɔ̀ sɑɑ ben toren di. Ben ye bɑ mɔ̀ kpuro yɑ rɑ nɛn mɔru seeyewɑ. Nɛ, Yinni Gusunɔwɑ nɑ yeni ɡeruɑ.

Yeremi 32:34

N ǹ mɑm ye tɔnɑ, bɑ mɑɑ ben bwɑ̃ɑrokunu duusiɑwɑ nɛn sɑ̃ɑ yerɔ bɑ tu disi doke.

Yeremi 32:35

Bɑ bũu wi bɑ mɔ̀ Bɑɑli sɑ̃ɑ yeru bɑniɑ Bɛni Hinɔmun wɔwɑɔ. Miyɑ bɑ rɑ kɑ ben bibu yɑ̃ku dɔ̃ɔ mwɑɑrɑruɡinu ko Mɔlɔkun sɔ̃. N deemɑ nɑ ǹ bu yen ɡɑɑ yiire. Nɑ ǹ mɑm bwisikɑ bu kɔ̃sɑ yenin bweseru ko ye yɑ derɑ Yudɑbɑ kpuro bɑ mɑn torɑri.

Yeremi 38:22

Nɑ wɑ bɑ wunɛ Yudɑn sinɑ bokon kurɔ be bɑ tie mwɛɛrɑ bɑ kɑ dɑ Bɑbilonin sunɔn tɑbu sinɑmbun mi. Mɑ kurɔ be, bɑ mɔ̀, wee, be bɑ rɑɑ nun ɡɑri sɔ̃ɔwɑ bɑ nɛɛ, kɑɑ n bɔri yɛndu mɔ mi, bɑ nun nɔni wɔ̃kuɑ mɑ bɑ nun kɑmiɑ. Ye bɑ deemɑ ɑ nummɔ pɔtɔkɔ sɔɔ, mɑ bɑ yɑrinɑ bɑ nun deri.

Yeremi 4:30

Wunɛ Yerusɑlɛmu, burɑru mbɑ kɑɑ mɑɑ tii kuɑ. Kɑɑ tii beku wunɔmɡiru kɑsuɑwɑ ɑ dewe, kpɑ ɑ wurɑn sɑbɑ sebe, kpɑ ɑ kiro doke? Kɑm sɔɔrɑ kɑɑ tii burɑru kuɑ. Wee wunɛn kĩnɑsibu bɑ nun tusɑ bɑ kɑsu bu nun ɡo.

Yeremi 44:22

Aɑwo, u ǹ ye duɑri. U kɑ bɛɛ wɑsirɑwɑ bɛɛn kom kɔ̃sum sɔ̃ kɑ dɑɑ kɔ̃sɑ ye i kuɑn sɔ̃. Yen sɔ̃nɑ bɛɛn tem mu kuɑ bɑnsu. Goo mɑɑ sɑri mɛ sɔɔ. Mɑ mu kuɑ tem bɔ̃rurɑm nɡe mɛ sɑ wɑɑmɔ ɡisɔ.

Yeremi 5:5

Kon ɡɔsirɑ n dɑ be bɑ bukuren mi, kpɑ n kɑ bu ɡɑri ko. Domi be, bɑ wunɛn swɛɛ yɛ̃, bɑ mɑɑ wunɛn woodɑbɑ yɛ̃. Wee, ben tii bɑ nun yinɑ nɡe yɑ̃ɑ te tɑ wɛ̃ɛ yinɑ mɑ tɑ yi kɑsukɑ.

Yeremi 5:6

Yen sɔ̃nɑ bɑ̀ n duɑ dɑ̃ɑ sɔ̃ɔwɔ, ɡbee sinɑnsu su rɑ bu ɡo. Bɑ̀ n duɑ yɑkɑsɔ, ɡbeeku bɔ̃nu nu rɑ bu ɡo. Mɑ musuku ɡbeeku ɡɑ rɑ bu yɔɔru bwɛ̃ɛyɛ ben wuun ɡbɑ̃rɑrun kɔnnɔwɔ, be bɑ yɑrɑ min di, ɡu kɑ bu sɛ̃re ɡu kɑsuku. Domi ben torɑnu nu dɑbiɑ. Ben nɑɑnɛ sɑriru tɑ kpɑ̃.

Yeremi 50:42

Ben tɑbu kowobu bɑ tɑkobi kɑ tɛmɑ nɛni. Bɑ ǹ wɔnwɔndu mɔ, bɑ bɔɔbu. Bɑ wɔki nɡe nim wɔ̃kun nim. Bɑ dumi yɔɔwɑ bɑ swĩinɛ swɛɛ swɛɛ. Bɑ tɑbun sɔɔru sɑ̃ɑ bu kɑ Bɑbiloniɡibu wɔri.

Yeremi 6:23

Bɑ tɛnnu kɑ yɑɑsi nɛni. Bɑ nuki sosu, bɑ ǹ wɔnwɔndu mɔ. Mɑ bɑ kukirimɔ nɡe nim wɔ̃kun nim. Bɑ yɔɔwɑ dumi wɔllɔ, mɑ bɑ yɔ̃ swɛɛ swɛɛ, bɑ tɑbun sɔɔru sɑ̃ɑ bu kɑ wunɛ Yerusɑlɛmu wɔri, wunɛ wi ɑ sɑ̃ɑ Siɔni.

Swĩi 1:19

Nɑ nɛn kĩnɑsibu somiru kɑnɑ, ɑdɑmɑ bɑ mɑn bɔrɔ kɔ̃ɔru kuɑ. Nɛn yɑ̃ku kowobu kɑ wuun ɡuro ɡurobu bɑ ɡu nɛn swɛɛ sɔɔ sɑnɑm mɛ bɑ dĩɑnu kɑsu ni bɑ koo di bɑ n kɑ wɑ̃ɑ.

Swĩi 1:2

Yɑ wuri mɔ̀ wɔ̃ku ɡiriru mɑ yen nɔni yĩresu kokumɔ. Be bɑ rɑɑ sɑ̃ɑ yen kĩnɑsibu, ben ɡoo sɑri wi u ye nukuru yɛmiɑsiɑmɔ. Be kpuro bɑ kuɑwɑ nɑɑnɛ sɑribɑ, mɑ bɑ kuɑ yen yibɛrɛbɑ.

Swĩi 2:1

Yinni Gusunɔn mɔru bɑkɑ yɑ seewɑ. Mɑ yɑ Yerusɑlɛmu wukiri nɡe ɡuru wii bɑkɑru. Yen bɛɛrɛ ye yɑ rɑɑ ɡirɑri sere ɡuru winɔ, u ye kɑrɑ u kɔ̃ temɔ. Win mɔru yen sɑɑ sɔɔ, u ǹ yɑɑye mɑ Yerusɑlɛmu yɑ sɑ̃ɑ win nɑɑ sɔnditiɑ.

Esekiɛli 23:22

Wee ye nɛ, Yinni Gusunɔ nɑ ɡerumɔ. Kon de wunɛn yellun kĩnɑsi be ɑ tusɑ mi tɛ̃ bu nun seesi kpɑ bu nɑ bɑɑmɑ kpuron di bu nun wɔri.

Esekiɛli 23:9

Yen sɔ̃nɑ nɑ nùn deri win kĩnɑsi Asiriɡii ben nɔmuɔ.

Dɑniɛli 9:11

Mɛyɑ bɛsɛ Isirelibɑ kpuro sɑ wunɛn woodɑbɑ sɑrɑ, sɑ ǹ wunɛn ɡere swɑɑ dɑki. Sɑ torɑ. Yen sɔ̃nɑ bɔ̃ri yi ɑ derɑ wunɛn sɔm kowo Mɔwisi u yoruɑ woodɑn tireru sɔɔ yi sun di.

Dɑniɛli 9:13

Wɑhɑlɑ ye kpuro, yɑ sun deemɑ nɡe mɛ Mɔwisi u yoruɑ woodɑn tireru sɔɔ. Kɑ mɛ, sɑ ǹ bɛsɛn dɑɑ kɔ̃sɑ deri su wunɛn ɡem swĩi kpɑ su wunɛn kĩi ɡeeru kɑsu.

Dɑniɛli 9:5

Sɑ torɑ, sɑ dɑɑ kɔ̃sɑ kuɑ, sɑ sɑ̃ɑ nuku kɔ̃suruɡibu, sɑ wunɛn ɡɑri yinɑ, sɑ mɑɑ wunɛn woodɑbɑ sɑrɑ.

Osee 2:5

Mɑ n kun mɛ, kon win yɑ̃nu potiri mɑm mɑm kpɑ n nùn yɔ̃su tereru nɡe mɛ bɑ kɑ nùn mɑrɑ. Kon de u n sɑ̃ɑ nɡe tem mi ɡɑ̃ɑnu ku rɑ kpi, kpɑ n de nim nɔru ɡu nùn ɡo.

Osee 5:14

Nɑ ko n sɑ̃ɑwɑ nɡe ɡbee sunɔ Isirelibɑ kɑ Yudɑbɑn sɔ̃. Kon bu wɔri n yɑɑku kpɑ n bu suɑ n kɑ doonɑ. Goo sɑri wi u koo bu wɔrɑ sɑɑ nɛn nɔmɑn di.

Abudiɑsi 1:7

Be i rɑɑ kɑ nɔɔ tiɑ sɑ̃ɑ, bɑ koo bɛɛ tɔnu kɑndu kuɑ, kpɑ bu bɛɛ ɡirɑ sere bɛɛn tem nɔɔ burɑ yerɔ. Be bɑ rɑɑ sɑ̃ɑ bɛɛn bɔrɔbɑ, bɑ koo bɛɛ dɑm dɔre. Kɑ be i rɑ rɑɑ di sɑnnu, bɑ koo bɛɛ yinɑ bɛriɑ. Adɑmɑ i ǹ ye tubumɔ.