Yeremi 30:11 - Bibeli Gusunɔn Gari

¹¹ Domi ko nɑ n kɑ bɛɛ wɑ̃ɑ kpɑ n bɛɛ fɑɑbɑ ko. Kon bwesenu kpuro kpeerɑsiɑ nìn mi i rɑɑ yɑrinɛ i wɑ̃ɑ. Adɑmɑ bɛɛ, nɑ ǹ bɛɛ kpeerɑsiɑmɔ. Kon bɛɛ sɛɛyɑsiɑwɑ nɡe mɛ n weenɛ. Domi nɑ ǹ kpɛ̃ n bɛɛ deri n nɛɛ, i ǹ ɡɑ̃ɑnu kue.

Yeremi 30:11 ပူးပေါင်းရင်းမြစ်များ

Womusu 6:1

Womu ɡe Dɑfidi u wom kowobun wiruɡii kuɑ kɑ mɔrɔku. Ge wee.

Yɑribu 34:7

Nɑ rɑ tɔmbu nɛn kĩru sɔ̃ɔsi sere kɑ bɑɑdommɑɔ. Nɑ rɑ tɔn be bɑ kɔ̃sɑ kuɑ bu ben durum suuru kue, ɑdɑmɑ nɑ ku rɑ tɑɑrɛɡii ɡɑrisi dɛɛro. Nɑ rɑ bɑɑbɑbɑn durum mɔɔru mwɛ ben bibun mi sere kɑ ben sikɑdominun bibɔ.

Esɑi 43:25

Kɑ mɛ, nɛnɑ nɑ bɛɛn durum wɔkɑmɔ yèn sɔ̃ nɑ sɑ̃ɑ Gusunɔ. Nɑ ǹ mɑɑ ye yɑɑyɑmɔ.

Esɑi 8:10

Bɑɑ ì n kpunɑɑ kuɑ, ye kpuro yɑ koo kɑm kowɑ. Bɑɑ ì n mɑɑ woodɑ yi, ɡoo kun kɑ ye sɔmburu mɔ̀, domi Gusunɔ u kɑ sun wɑ̃ɑ.

Yeremi 1:8

N ku ben bɛrum ko. Domi u ko n kɑ mɑn wɑ̃ɑ, kpɑ u mɑn wɔrɑ kɑrin di. Wi, Yinni Gusunɔwɑ u yeni ɡeruɑ.

Yeremi 10:24

Yinni Gusunɔ, ɑ mɑn sɛɛyɑsio sɑkɑ sɔɔ, n kun kɑ mɔru, kpɑ ɑ ku rɑ mɑn kɑm koosiɑ.

Yeremi 15:20

Kon de ɑ n dɑm mɔ nɡe ɡbɑ̃rɑ te bɑ kuɑ kɑ sii ɡɑndu. Bɑ koo kɑ nun tɑbu ko, ɑdɑmɑ bɑ ǹ nun kɑmiɑmɔ. Domi ko nɑ n kɑ nun wɑ̃ɑ n nun fɑɑbɑ ko.

Yeremi 4:27

Yinni Gusunɔ u nɛɛ, u koo tem mɛ ɡɔsiɑ tem sɑɑrɑm, ɑdɑmɑ u mɑɑ nɛɛ, u ǹ derimɔ mu n sɑ̃ɑ mɛ kɑ bɑɑdommɑɔ.

Yeremi 5:10

Nɛ, Yinni Gusunɔ, kon bu yibɛrɛbɑ suremɑ, be, be bɑ sɑ̃ɑ nɡe nɛn resɛm ɡbɑɑru. Bɑ koo ten kɑrɑ surɑ kpɑ bu ten dɑ̃ɑ kɑ̃ɑsi bɔɔri yi yi ǹ sɑ̃ɑ nɛɡii. Adɑmɑ bɑ ǹ ɡbɑɑ te kɑm koosiɑmɔ kpuro.

Yeremi 5:18

Adɑmɑ yen tɔ̃ɔ te, n ǹ bɛɛ kpuro kon kɑm koosiɑ.

Swĩi 3:22

Yerɑ, Yinni Gusunɔn durom kun kpɑ, win wɔnwɔndɑ kun mɑɑ nɔru kue.

Esekiɛli 11:13

Sɑnɑm mɛ Esekiɛli u Yinni Gusunɔn ɡɑri yi ɡerumɔ, yerɑ Pelɑtiɑ Bɛnɑyɑn bii u kpunɑ u ɡu. Sɑɑ ye sɔɔrɑ Esekiɛli u wuswɑɑ tem ɡirɑri u nɔɔɡiru suɑ u nɛɛ, Yinni Gusunɔ, kɑɑ dewɑ Isireli be bɑ tie bu ɡbisuku?

Esekiɛli 6:8

Adɑmɑ kon de bu kisirɑ tɑbun di, kpɑ bɑ n yɑrinɛ tem tukumɔ.

Osee 11:9

Nɑ ǹ mɑɑ bɛɛ kpeerɑsiɑmɔ kɑ nɛn mɔru bɑkɑ ye. Nɑ ǹ mɑɑ wee n bɛɛ kɑm koosiɑ. Domi nɑ sɑ̃ɑwɑ Gusunɔ n ǹ mɔ tɔnu. Nɑ sɑ̃ɑwɑ Dɛɛro bɛɛn suunu sɔɔ. Nɑ ǹ bɛɛ wɔrim wee kɑ mɔru.

Sɑ̃ɑrun Woodɑ 26:44

Adɑmɑ bɑɑ bɑ̀ n wɑ̃ɑ tem tukumɔ ben yibɛrɛbɑn mi, nɑ ǹ bu derimɔ mɑm mɑm. Nɑ ǹ bu biru kisimɔ, nɑ ǹ mɑɑ bu kpeerɑsiɑmɔ. Nɑ ǹ nɛn ɑrukɑwɑni ye kusiɑmɔ. Domi nɑ sɑ̃ɑwɑ Gusunɔ ben Yinni.

Mɑteu 1:23

yi yi nɛɛ, “Wɔndiɑ ɡoo u koo ɡurɑ suɑ kpɑ u bii tɔn durɔ mɑ, kpɑ bu nùn yĩsiru kɛ̃ Emɑnuɛli.” Yĩsi ten tubusiɑnɑ, Gusunɔ wɑ̃ɑ kɑ bɛsɛ.

Mɑteu 28:20

Kpɑ i de ye nɑ bɛɛ sɔ̃ɔwɑ bɑ n ye kpuro mɛm nɔɔwɑmmɛ. N wee, ko nɑ n kɑ bɛɛ wɑ̃ɑ bɑɑdommɑ sere kɑ hɑnduniɑn kpeerɔ.

Gɔrobun Kookoosu 18:10

nɑ wɑ̃ɑ kɑ wunɛ, ɡoo kun kpɛ̃ u nun nɔmɑ doke u sere nun ɡɑ̃ɑ kɔ̃sunu kuɑ. Domi tɔn dɑbinɑ nu wɑ̃ɑ wuu ɡe sɔɔ ni nu sɑ̃ɑ nɛɡibu.

Sɔ̃ɔsiru 4:31

Domi u sɑ̃ɑwɑ wɔnwɔnduɡii wi u kun bɛɛ derimɔ. U ǹ bɛɛ kpeerɑsiɑmɔ. U ǹ mɑɑ duɑrimɔ ɑrukɑwɑni ye u kɑ bɛɛn bɑɑbɑbɑ bɔkuɑ kɑ bɔ̃ri.

Timɔte II 4:22

Yinni u n kɑ nun wɑ̃ɑ. Kpɑ Gusunɔn durom mu n kɑ bɛɛ kpuro wɑ̃ɑ.