Yeremi 30:10 - Bibeli Gusunɔn Gari

¹⁰ Bɛɛ Isirelibɑ, Yɑkɔbun bweseru, bɛɛ be i sɑ̃ɑ nɛn sɔm kowobu, i ku nɑndɑ, i ku diiri. Wee, kon bɛɛ yɑkiɑmɑ sɑɑ tem tukum di mi i yoru dii, bɛɛ kɑ bɛɛn bibun bweseru. I ko i wurɑmɑ kpɑ i wɛ̃rɑ i n wɑ̃ɑ bɔri yɛndu sɔɔ. Goo kun mɑɑ bɛɛ tɔ̃yɑ mɔ̀.

Yeremi 30:10 ပူးပေါင်းရင်းမြစ်များ

Torubu 15:1

Yenibɑ kpuron biru Yinni Gusunɔ u kɑ Aburɑmu ɡɑri kuɑ kɑ̃siru sɔɔ u nɛɛ, Aburɑmu, ɑ ku bɛrum ko, nɛnɑ nɑ wunɛn tɛrɛru, wunɛn ɑre ko n kpɑ̃ ɡem ɡem.

Esɑi 14:3

Bɛɛ Isirelibɑ, Yinni Gusunɔ u koo de i yoru yɑri, kpɑ i wɛ̃rɑ bɛɛn wɑsirɑru kɑ nɔni swɑ̃ɑrun sɔ̃.

Esɑi 35:9

Gbee sunɔ ǹ kun mɛ yɑɑ ɡɔbɑ ɡɑɑ kun swɑɑ ye sĩimɔ. Be Yinni Gusunɔ u fɑɑbɑ kuɑ, beyɑ bɑ koo swɑɑ ye mwɑ,

Esɑi 43:5

Yen sɔ̃, ɑ ku bɛrum ko, domi nɑ kɑ nun wɑ̃ɑ. Kon de wunɛɡii be bɑ ɡurɑ bɑ kɑ dɑ sɔ̃ɔ yɑri yeru ɡiɑ mi, bu wurɑmɑ, kpɑ n mɑɑ be bɑ wɑ̃ɑ sɔ̃ɔ duu yeru ɡiɑ mɛnnɑmɑ.

Esɑi 44:1

Yinni Gusunɔ u nɛɛ, ɑ swɑɑ dɑkio tɛ̃, wunɛ Yɑkɔbun bweseru, wunɛ wi nɑ ɡɔsɑ nɑ kuɑ nɛn sɔm kowo.

Esɑi 44:2

Nɛnɑ nɑ nun tɑkɑ kuɑ. Nɑ nun mɔmɑ bɑ sere nun mɑrɑ. Mɛyɑ nɑ mɑɑ nun somimɔ. Yen sɔ̃, ɑ ku bɛrum ko, wunɛ nɛn sɔm kowo wi nɑ ɡɔsɑ.

Esɑi 46:11

Nɛnɑ nɑ durɔ ɡoo sokɑ sɑɑ sɔ̃ɔ yɑri yerun di mi n tomɑ. U koo nɑ nɡe kɑsɑ u nɛn himbɑ yibiɑ. Ye nɑ ɡeruɑ, kon ye ko. Himbɑ ye nɑ yi, kon mɑɑ ye yibiɑ.

Esɑi 46:13

Kon Yerusɑlɛmu fɑɑbɑ ko, kpɑ n de Isirelibɑ bu bɛɛrɛ wɑ mi. Ye wee, yɑ turuku kuɑ, yɑ ǹ mɑɑ tomɑ. Yɑ ǹ tɛɛmɔ yu kɑ nɑ.

Esɑi 49:12

Be wee, bɑ wee sɑɑ tontonden di, ben ɡɑbu sɑɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ duu yeru ɡiɑn di, ɡɑbu mɑɑ sɑɑ Eɡibitin berɑ ɡiɑn di.

Esɑi 49:25

Yinni Gusunɔ u nɛɛ, oo, mɛyɑ, kon dɑmɡiin yobu yɑkiɑ, kpɑ n tɑbu durɔn yɑ̃ɑ ni u rɑɑ ɡurɑ wɔrɑ. Domi kon kɑ wunɛn yibɛrɛbɑ sɑnnɑ, kpɑ n wunɛn bibu fɑɑbɑ ko.

Esɑi 54:4

A ku nɑndɑ, domi ɑ ǹ sekuru wɑsi. A ku tukɑ, domi ɑ ǹ mɑɑ bɛɛrɛ biɑmɔ. Kɑɑ wunɛn yellun sekuru duɑri. A ǹ mɑɑ yɑɑyɑmɔ nɡe mɛ ɑ nɔni sɔ̃ɔrɑ wunɛn turorun sɑɑ sɔɔ.

Yeremi 23:3

Kpɑ n nɛn tɔn be bɑ tie mwɛɛrimɑ tem kpuron di, mi nɑ rɑɑ derɑ bɑ yɑrinɛ, n kɑ bu wurɑmɑ ben temɔ, kpɑ bu mɑrurɑ bu dɑbiɑ.

Yeremi 23:4

Nɛ, Yinni Gusunɔ kon bu kpɑro kpɑobu wɛ̃ be bɑ koo bu kpɑrɑ. Bɑ ǹ mɑɑ nɑndɑmɔ bɛrum sɔ̃. Bɑɑ ben turo kun mɑɑ biɑrɑmɔ.

Yeremi 23:6

Win wɑɑti ye sɔɔ, Yudɑbɑ bɑ koo fɑɑbɑ wɑ. Kpɑ u de Isirelibɑ bɑ n wɑ̃ɑ bɔri yɛndu sɔɔ. Kpɑ bɑ n nùn sokumɔ bɑ n mɔ̀, Yinni Gusunɔwɑ u sɑ̃ɑ ben fɑɑbɑ kowo.

Yeremi 23:8

Adɑmɑ bɑ ko n dɑ ɡerewɑ bu nɛɛ, kɑ Yinni Gusunɔn wɑ̃ɑru wi u bu yɑrinɑsiɑ sɔ̃ɔ yɛ̃sɑn nɔm ɡeu ɡiɑ kɑ wusu ɡɑsu sɔɔ, mɑ u mɑɑ kɑ bu wurɑmɑ min di, bu kɑ sinɑ ben temɔ.

Yeremi 29:11

Yinni Gusunɔ u mɑɑ nɛɛ, u yɛ̃ himbɑ ye u yii bɛɛn sɔ̃. Himbɑ ɡeɑ, n ǹ mɔ himbɑ kɔ̃sɑ. U koo de ye i yĩiyɔ yu bɛɛ koorɑ siɑ.

Yeremi 29:14

kpɑ u bɛɛ be bɑ rɑɑ yoru mwɛɛrɑ mi, mɛnnɑmɑ sɑɑ tem kpuron di kɑ bwesenu kpuro sɔɔn di mi u derɑ i yɑrinɛ, kpɑ u bɛɛ ɡɔsiɑmɑ i wurɑmɑ bɛɛn temɔ, mìn di u derɑ bɑ bɛɛ ɡurɑ. Wi, Yinni Gusunɔwɑ u yeni ɡeruɑ.

Yeremi 3:18

Sɑɑ ye sɔɔ, Yudɑbɑ kɑ Isirelibɑ bɑ koo mɛnnɑ bu ko tiɑ. Domi bɑ koo wurɑmɑ sɑnnu sɑɑ sɔ̃ɔ yɛ̃sɑn nɔm ɡeu ɡiɑn di. Kpɑ bu sinɑ tem mɛ sɔɔ mɛ nɑ ben bɑɑbɑbɑ wɛ̃ bɑ tubi di.

Yeremi 30:3

Nɑ nɛɛ, tɔ̃ru ɡɑrɑ sisi tè sɔɔ kon nɛn tɔmbu Isirelibɑ kɑ Yudɑbɑ yɑkiɑmɑ yorun di, n kɑ bu wurɑmɑ ben temɔ. Kon de bu wurɑmɑ tem mɛ nɑ ben bɑɑbɑbɑ wɛ̃ sɔɔ, kpɑ mu ko beɡim.

Yeremi 30:7

Annɑ ɑ wɑhɑlɑ bɑkɑ wɑ yɑ wee. Tɔ̃ɔ te, tɔ̃ɔ kɔ̃surɑ. Tɑ ǹ kɑ tɔ̃ru ɡɑru weenɛ. Te sɔɔrɑ Isirelibɑ bɑ koo nɔni swɑ̃ɑ bɑkɑru wɑ. Adɑmɑ kɑ mɛ, kon bu fɑɑbɑ ko.

Yeremi 33:16

Yen tɔ̃ɔ te, Yuubɑ bɑ koo fɑɑbɑ wɑ kpɑ Yerusɑlɛmu yɑ n wɑ̃ɑ bɔri yɛndu sɔɔ, kpɑ bu ye yĩsiru kɛ̃, Yinni Gusunɔn miyɑ bɛsɛn ɡem wɑ̃ɑ.

Esekiɛli 16:52

Wunɛ wi ɑ rɑ rɑɑ bu tɑɑrɛ wɛ̃ wee ɑ sekuru wɑ. Domi wunɛn kom kɔ̃sum mu beɡim kerɑ. Bɑ̀ n wunɛn dɑɑ ye mɛɛrɑ bɑ rɑ deemɛwɑ be, bɑ mɑm dɛɛre. Tɛ̃ ɑ kuɑ sekuruɡii yèn sɔ̃ bɑ̀ n wunɛn dɑɑ mɛɛrɑ bɑ rɑ wɑ bɑ sɑnɔ sɑ̃ɑ.

Esekiɛli 38:11

U koo ɡɔ̃ru doke u nɛɛ, u koo tem ɡɑm tɔmbu wɔri be bɑ wɑ̃ɑ bɔri yɛndu sɔɔ, bèn wusu su ǹ ɡbɑ̃rɑnu kɑ ɡɑmbobɑ mɔ.

Dɑniɛli 12:1

Sɑnɑm dɑ̃ɑkim sɔɔ, Misɛli, mɑleekɑ wi u sɑ̃ɑ tɑbu sunɔ, u koo seemɑ, wi, wi u kɑ wunɛ Dɑniɛlin tɔmbu yɔ̃. Sɑɑ ye, yɑ ko n sɑ̃ɑwɑ nɔni swɑ̃ɑrun tɔ̃ru tèn bweseru tɑ ǹ koore sɑɑ min di bwesenu nu toruɑ sere n kɑ sɑɑ ye ɡirɑri. Sɑɑ ye sɔɔrɑ wunɛn tɔmbu bɑ koo fɑɑbɑ wɑ bèn yĩsɑ yɑ yoruɑ wɑ̃ɑrun tireru sɔɔ.

Osee 2:18

Yen tɔ̃ɔ te, u koo mɑn soku win durɔ. U ǹ mɑɑ mɑn sokumɔ Bɑɑli win yinni.

Osee 2:20

Sɑɑ yerɑ kon kɑ ɡbeeku yɛɛ kɑ ɡunɔsu kɑ sere yɛɛ yi yi rɑ kɑbiri ɑrukɑwɑni bɔke yi ku kɑ nɛn tɔmbu kɔ̃sɑ ɡɑɑ kuɑ. Kon de tɑbu bu kpe, kpɑ bɑ n wɑ̃ɑ bɔri yɛndu sɔɔ.

Osee 6:11

Sɑɑ yɑ sisi yè sɔɔ kon mɑɑ bɛɛ Yudɑbɑ sɛɛyɑsiɑ. Yinni Gusunɔ u nɛɛ, sɑnɑm mɛ nɑ kĩ nɛn tɔmbu Isirelibɑ bu wurɑmɑ yorun di,

Yoɛli 2:21

Tem, ɑ ku bɛrum ko, ɑ nuku dobu koowo, domi Yinni Gusunɔ u ɡɑ̃ɑ bɑkɑnu kuɑ.

Misee 4:9

Mbɑn sɔ̃nɑ i kuuki mɔ̀ bɛɛ Yerusɑlɛmuɡibu. Mbɑn sɔ̃nɑ i tii tɛ̃birimɔ nɡe tɔn kurɔ wi kĩ u mɑ. Mɑnɑ bɛɛn sunɔ u wɑ̃ɑ. Mɑnɑ bɛɛn bwisi kɛ̃ɔbu bɑ dɑ.

Sɑkɑri 3:10

Wi, Gusunɔ wɔllu kɑ tem Yinni u nɛɛ, yen tɔ̃ɔ te, i ko i sokunɑ i nuku dobu ko bɔri yɛndun sɔ̃ bɛɛn dɑ̃ɑ ɡbɑɑnɔ.

Yohɑnu 12:15

“I ku bɛrum ko, Yerusɑlɛmuɡibu. N wee bɛɛn sunɔ u sisi. U kɛtɛku kpɛmbu sɔni.”