Yeremi 3:24 - Bibeli Gusunɔn Gari

²⁴ Wee, sɑɑ bɛsɛn birun di sɑ wɑɑmɔ bũu wi bɑ mɔ̀ Bɑɑli, wiyɑ u bɛsɛn bɑɑbɑbɑn ɡbeɑn dĩɑnu di kpuro, kɑ mɑɑ ben yɑ̃ɑnu kɑ ben kɛtɛbɑ kɑ sere ben bibu. Mɑ bɑ sekuru wɑ.

Yeremi 3:24 ပူးပေါင်းရင်းမြစ်များ

Yeremi 11:13

Bɛɛ Yudɑbɑ, nɡe mɛ bɛɛn wusu su ɡeeru nɛ, nɡe mɛyɑ bɛɛn bũnu nu ɡeeru nɛ. Nɡe mɛ Yerusɑlɛmun swɛɛ yi ɡeeru nɛ, nɡe mɛyɑ yen sɑ̃ɑ yenu nu ɡeeru nɛ, mi i rɑ bũu wi bɑ mɔ̀ Bɑɑli sɑ̃.

Yeremi 22:21

U bɛɛ kirɔ kuɑ sɑnɑm mɛ i wɑ̃ɑ bɔri yɛndu sɔɔ, ɑdɑmɑ i nɛɛ, i ǹ nùn swɑɑ dɑkimɔ. Nɡe mɛyɑ bɛɛn dɑɑ yɑ sɑ̃ɑ sɑɑ bɛɛn piiburun di, i ku rɑ nùn swɑɑ dɑki.

Yeremi 44:7

Yen sɔ̃ tɛ̃, ɑmɛniwɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ ɡeruɑ. Nɑ nɛɛ, mbɑn sɔ̃nɑ i tii durum bɑkɑ yeni sɔbimɔ ye i kɑ derɑ bɑ kurɔbu kɑ durɔbu kɑ bibu kɑ bii wɛ̃ɛnu ɡo sere ɡoo kun mɑɑ tie.

Yeremi 8:16

Wee sɑ yibɛrɛbɑn dumin wɔkinu nɔɔmɔ Dɑnun berɑ ɡiɑ. Mɑ yi wuri mɔ̀, yi tem kpuro nɛni mu diirimɔ. Yibɛrɛ be, bɑ dĩɑnu ɡurɑmɔ bɑ ɡbeɑ mwɑɑmɔ, kɑ sere Yerusɑlɛmu kɑ yen tɔmbu.

Yeremi 9:18

Domi wuri nɔɔrɑ Siɔniɔ. Bɑ mɔ̀, wee, bɑ sun ɡurɑ, seku bɑkɑrɑ sun deemɑ. N kuɑ tilɑsi su kɑ bɛsɛn tem deri. Wee bɑ bɛsɛn yɛnusu kɔsukɑ.

Esekiɛli 16:19

Mɑ ɑ mɑɑ dĩɑ ni nɑ rɑ kɑ nun diisie suɑ ɑ kɑ bũu ni yɑ̃kuru kuɑ nɡe mɛ bɑ rɑ mɑn yɑ̃ku nubu duroruɡiru kue. Dĩɑ niyɑ som kɑ ɡum kɑ tim. Yeniwɑ yɑ koorɑ. Nɛ, Yinni Gusunɔwɑ nɑ yeni ɡeruɑ.

Esekiɛli 16:20

Adɑmɑ sɑkɑrɑ te, tɑ ǹ nun turɑ. Mɑ ɑ wunɛn bii be ɑ mɑn mɑruɑ mwɛɛrɑ ɑ kɑ bũu ni yɑ̃kuru kuɑ.

Esekiɛli 16:61

Kɑɑ bwisiku ye ɑ kuɑ kpɑ sekuru tu nun mwɑ nɑ̀ n nun wunɛn mɑɑbu kɑ wɔnɔbu nɔmu bɛriɑ bu nun wiru kpĩiyɑ nɡe wunɛn bibu. Adɑmɑ nɑ ǹ ye mɔ̀ ɑrukɑwɑni ye nɑ kɑ nun bɔkuɑn sɔ̃.

Esekiɛli 16:63

Kpɑ ɑ yɑɑyɑ ye ɑ kuɑ ɡɑsɔ, kpɑ sekuru tu nun mwɑ sere ɑ kpɑnɑ ɑ ɡɑri ɡere. Adɑmɑ nɛ kon nun wunɛn torɑnu kpuro suuru kuɑ. Nɛ, Yinni Gusunɔwɑ nɑ yeni ɡeruɑ.

Osee 10:6

Domi bɑ koo kɑ ɡu dɑ Asiriɔ bu ɡu ben sinɑ boko wɛ̃. Isirelibɑ bɑ koo sekuru wɑ. Bɑ koo nɑ̀ n dɑɑ yɛ̃ ko ye bɑ kɑ bũu kuɑ ben suunu sɔɔ.

Osee 2:8

Yen sɔ̃, kon win swɑɑ kɛnɛ kɑ sɑ̃ki, kpɑ n ye dɑ̃ɑ sɛ̃suku kpɑ u kun mɑɑ win swɑɑ ye swĩi.

Osee 9:10

Yinni Gusunɔ u nɛɛ, sɑnɑm mɛ nɑ ɡbiɑ nɑ Isirelibɑ wɑ, nɛn nɔni sɔɔ, bɑ sɑ̃ɑwɑ nɡe resɛm mɑrum mɛ bɑ wɑ mi ɡɑ̃ɑnu ku rɑ kpi. Mɑ nɑ mɑɑ ben bɑɑbɑbɑ wɑ nɡe fiɡie mɑrum ɡbiikum. Adɑmɑ ye bɑ tunumɑ Bɑɑli Peoriɔ, miyɑ bɑ tii bũu wi bɑ mɔ̀ Bɑɑli wɛ̃. Mɑ nɑ bu tusɑ nɡe bũu wi.