Yeremi 3:23 - Bibeli Gusunɔn Gari

²³ Geemɑ bũu ni sɑ rɑɑ sɑ̃ɑmɔ ɡuunu wɔllɔ sɑ kuuki mɔ̀, nu sɑ̃ɑwɑ weesu. Adɑmɑ Gusunɔ bɛsɛn Yinni, wunɑ ɑ sɑ̃ɑ bɛsɛ Isirelibɑn fɑɑbɑ kowo.

Yeremi 3:23 ပူးပေါင်းရင်းမြစ်များ

Womusu 3:8

Gusunɔ nɛn Yinni, ɑ seewo ɑ mɑn fɑɑbɑ ko. A seewo ɑ nɛn yibɛrɛbɑ wiru kɔsuku. A seewo ɑ ben nɔsu kɔsuku.

Womusu 62:7

Wunɑ ɑ sɑ̃ɑ nɛn kperu tèn mi kon kuke n kɑ fɑɑbɑ wɑ. Wunɑ ɑ sɑ̃ɑ nɛn kuku yee bɑkɑru. Nɛn nɑɑsu kun mɑɑ sokurɑmɔ.

Mɔnnu 21:31

Tɔnu u koo kpĩ u win dumi tɑbu yɑ̃ɑ ɡeenu sebusiɑ tɑbun sɔ̃, ɑdɑmɑ Yinni Gusunɔwɑ u rɑ tɔnu nɑsɑrɑ wɛ̃.

Esɑi 10:20

Tɔ̃ɔ te sɔɔ, Isireli be bɑ tie bɑ yɑrɑ tɑbun di, bɑ ǹ mɑɑ somiru kɑsumɔ bwese ni nu bu kpeerɑsiɑmɔn mi. Adɑmɑ bɑ koo ben nɑɑnɛ dokewɑ nɛ, Gusunɔ, ben Yinni Dɛɛron mi.

Esɑi 12:2

Wunɑ ɑ sɑ̃ɑ bɛsɛn Yinni, ɑ sun fɑɑbɑ mɔ̀. Sɑ nun nɑɑnɛ sɑ̃ɑ, sɑ ǹ mɑɑ ɡɑ̃ɑnun bɛrum mɔ. Domi wunɑ ɑ sɑ̃ɑ bɛsɛn dɑm, wunɑ sɑ siɑrɑmɔ. Wunɑ ɑ sɑ̃ɑ bɛsɛn fɑɑbɑ kowo.

Esɑi 43:11

Nɛnɑ nɑ Gusunɔ wi u rɑ n wɑ̃ɑ. Nɛ bɑɑsi, fɑɑbɑ kowo ɡoo sɑri.

Esɑi 44:9

Be bɑ bwɑ̃ɑrokunu sekumɔ, bɑ ǹ sɑ̃ɑ ɡɑ̃ɑnu. Ben sɔm ɡeenu nu mɑɑ sɑ̃ɑwɑ kɑm dirum, domi nin tii nu yen seedɑ dimɔ. Nu ǹ yɑm wɑɑmɔ, nu ǹ mɑɑ yɛ̃ru ɡɑru mɔ. Yen sɔ̃nɑ be bɑ nu sɑ̃ɑmɔ bɑ koo sekuru wɑ.

Esɑi 45:15

Gusunɔ Isirelibɑn Yinni ɑ sɑ̃ɑwɑ fɑɑbɑ kowo, ɑdɑmɑ ɑ ǹ wɑɑrɔ kɑ nɔni.

Esɑi 45:20

Yinni Gusunɔ u nɛɛ, yen sɔ̃, i mɛnnɑmɑ. I susimɑ bɛɛ be i kpikiru suɑ tɑbun di. Be bɑ bwɑ̃ɑroku dɑ̃ɑɡinu sɔɔwɑ, mɑ bɑ bũu sokumɔ wi u ǹ kpɛ̃ u bu fɑɑbɑ ko, bɑ ǹ yɛ̃ru mɔ.

Esɑi 63:1

Wɑrɑ u wee Botisirɑn di ye yɑ wɑ̃ɑ Edɔmun temɔ, u yɑbe swɑ̃ɑru sebuɑ kom kom. Mɑ u sĩimɔ kɑ win dɑm kpuro, kɑ toro sindu. Yinni Gusunɔ u nɛɛ, nɛnɑ nɑ wee n kɑ siri dee dee. Nɑ dɑm mɔ n kɑ nɛn tɔmbu fɑɑbɑ ko.

Esɑi 63:16

Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

Yeremi 14:8

Wunɛ wi bɛsɛ Isirelibɑ sɑ nɑɑnɛ sɑ̃ɑ, wunɑ ɑ rɑ sun fɑɑbɑ ko wɑhɑlɑn sɑɑ sɔɔ. Mbɑn sɔ̃nɑ kɑɑ n sɑ̃ɑ nɡe sɔɔ wi u sɑrɔ bɛsɛn temɔ u kpunɑ wɔ̃ku teeru tɔnɑ.

Yeremi 17:14

Yinni Gusunɔ, ɑ mɑn bɛkio, kpɑ n wɑ n bɛkurɑ mɑm mɑm. A mɑn fɑɑbɑ koowo kpɑ n fɑɑbɑ wɑ. Domi wunɛ turowɑ nɑ rɑ n siɑrɑmɔ.

Yeremi 17:2

Yɑ sɑ̃ɑwɑ seedɑ ye yɑ bu tɑɑrɛ wɛ̃ɛmɔ. Nɡe mɛyɑ ben bũu turɑnu kɑ ben bwɑ̃ɑrokunu kɑ ben dɑ̃ɑ kubenu kɑ ben ɡunɡunu mi bɑ rɑ bũu wi bɑ mɔ̀ Asitɑɑte sɑ̃, yɑ mɑɑ bu tɑɑrɛ wɛ̃ɛmɔ.

Yeremi 3:6

Yudɑbɑn sinɑ boko Yosiɑsin wɑɑti sɔɔ, Yinni Gusunɔ u Yeremi sɔ̃ɔwɑ u nɛɛ, ɑ wɑ ye Isirelibɑ bɑ mɔ̀? Bɑ sɑ̃ɑwɑ mɛm nɔɔ sɑribɑ. Wee, bɑ dɑ mi ɡunɡunu kɑ dɑ̃ɑ kubenu wɑ̃ɑ kpuro, bɑ bũnu sɑ̃ɑmɔ.

Yeremi 31:7

Yinni Gusunɔ u mɑɑ nɛɛ, i Yɑkɔbun bweseru tɑki kuo kɑ nuku dobu. I yɛ̃ɛrio ten sɔ̃ te tɑ sɑ̃ɑ bwesenun wiru. I nɔɔɡiru suo kpɑ i siɑrɑbun womusu ko. I nɛɛ, Yinni Gusunɔ u win tɔmbu Isireli be bɑ tie fɑɑbɑ mɔ̀.

Esekiɛli 20:28

Nɑ kɑ bu dɑ tem mɛ sɔɔ mɛ nɑ bu nɔɔ mwɛɛru kuɑ nɑ sire kɑ bɔ̃ri. Miyɑ bɑ ben binɛ doke ɡunɡunu ɡiɑ kɑ dɑ̃ɑ kubenu ɡiɑ. Mɑ ye kpuro yɑ kuɑ ben bũu yɑ̃ku yenu. Miyɑ bɑ rɑ yɑ̃ku dɔ̃ɔ mwɑɑrɑruɡinu ko kɑ sere ni bɑ rɑ ko kɑ ɡberun dĩɑnu kɑ tɑm kpɑ bu turɑre dɔ̃ɔ doke. Ye kpuro yɑ derɑ nɛn mɔru seewɑ.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Yohɑnu 4:22

Bɛɛ Sɑmɑriɡibu, i ǹ yɛ̃ wi i sɑ̃ɑmɔ. Bɛsɛ Yuubɑ sɑ yɛ̃ wi sɑ sɑ̃ɑmɔ domi fɑɑbɑ yɑ weewɑ sɑɑ Yuubɑn min di.