Yeremi 3:22 - Bibeli Gusunɔn Gari

²² Bɛɛ, bii mɛm nɔɔ sɑribɑ, i wurɑmɑ nɛn mi. Kon bɛɛ bɛɛn mɛm nɔɔbu sɑriru suuru kuɑ. Mɑ Isirelibɑ bɑ nɛɛ, Gusunɔ, wunɑ ɑ sɑ̃ɑ bɛsɛn Yinni. Bɛsɛ wee, wunɛn miyɑ sɑ wee.

Yeremi 3:22 ပူးပေါင်းရင်းမြစ်များ

Womu Duro 1:4

A mɑn tii ɡɑwemɑ kpɑ su nun nɑɑ swĩi kɑ dukɑ. A sɑ̃ɑwɑ nɛn sunɔ, ɑ kɑ mɑn doo wunɛn wɑ̃ɑ yerɔ. Wunɛn sɑɑbuwɑ sɑ nuku dobu mɔ. Wunɛn kĩru tɑ tɑm dobu kere. Bɑ ɡem mɔ be bɑ nun kĩ.

Esɑi 1:2

Yinni Gusunɔ u nɛɛ, wɔllu kɑ tem, i kɑ mɑn nɔɔwɔ. Nɑ nɛn bibu seeyɑ, nɑ bu swɑɑ sɔ̃ɔsi, ɑdɑmɑ bɑ mɑn seesi.

Esɑi 27:8

U bu sɛɛyɑsiɑwɑ sɑkɑ sɔɔ. U derɑ yibɛrɛbɑ bɑ nɑ nɡe sɔ̃ɔ yɑri yerun woo dɑmɡuu, bɑ bu ɡurɑ bɑ kɑ doonɑ.

Esɑi 31:6

Yen sɔ̃, bɛɛ Isirelibɑ, bɛɛ be i kɑ Yinni Gusunɔ wi tondɑ n kpɑ̃, i ɡɔ̃ru ɡɔsio kpɑ i wurɑmɑ win mi.

Esɑi 57:17

Nɛn mɔru yɑ seewɑ Isirelibɑn tɑɑrɛ bɑkɑn sɔ̃, mɑ nɑ bu sɛɛyɑsiɑ sere nɑ ǹ mɑɑ kĩ n bu mɛɛri. Adɑmɑ kɑ mɛ, bɑ yɔ̃rɑriwɑ ben mɛm nɔɔ sɑri te sɔɔ, mɑ bɑ ben tiin ɡɔ̃ru kĩru swĩi.

Yeremi 3:12

Yen sɔ̃, ɑ doo sɔ̃ɔ yɛ̃sɑn nɔm ɡeu ɡiɑ ɑ Isirelibɑ ɡɑri yini sɔ̃ ɑ nɛɛ, bu wurɑmɑ, nɑ ǹ kɑ bu nɔnu kɔ̃su mɛɛrimɔ. Domi nɑ sɑ̃ɑwɑ wɔnwɔnduɡii. Nɑ ku rɑ mɔru ko n kɑ tɛ.

Yeremi 30:17

Adɑmɑ bɛɛ, be bɑ rɑɑ mɔ̀ i kɑm kuɑ, mɑ ɡoo kun bɛɛn lɑɑkɑri mɔ̀, kon bɛɛn mɛɛrɑn bosu bɛkiɑ. Nɛ, Yinni Gusunɔwɑ nɑ yeni ɡeruɑ.

Yeremi 31:18

Nɑ Isirelibɑn nɔɔ nɔɔmɔ bɑ weeweenu mɔ̀, bɑ mɔ̀, n de bu wurɑmɑ nɛn mi kɑ ɡem. Bɑ sɑ̃ɑwɑ nɡe nɑɑ buu ɡe ɡɑ ɡen tii kpɑre, mɑ nɑ bu sɛɛyɑsiɑ. Domi nɛnɑ nɑ sɑ̃ɑ Gusunɔ ben Yinni.

Yeremi 33:6

Wee, sɑɑ ɡɑɑ sisi yè sɔɔ kon ɡu nɔɔri nɡe bɑrɔ. Kon ɡu bɛkiɑ n bwɑ̃ɑ dorɑsiɑ, kpɑ n de ɡen tɔmbu bɑ n wɑ̃ɑ bɔri yɛndu sɔɔ.

Yeremi 4:1

Yinni Gusunɔ u nɛɛ, bɛɛ Isirelibɑ, ì n kĩ i wurɑmɑ nɛn mi, i ko kpĩ i wurɑmɑ. Ì n bɛɛn bũu sɑ̃ɑru deri, i ǹ mɑɑ yɑɑyɑɑre mɔ̀,

Esekiɛli 18:30

Yen sɔ̃, kon bɑɑwure siriwɑ nɡe mɛ win dɑɑ yɑ sɑ̃ɑ. Ǹ n mɛn nɑ, i bɛɛn dɑɑ kɔsio i kɔ̃sɑ deri. I ku de bɛɛn dɑɑ kɔ̃sɑ yu bɛɛ kɑm koosiɑ.

Esekiɛli 33:11

Adɑmɑ ɑ bu wisio ɑ nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, sere kɑ nɛn wɑ̃ɑru, nɑ ǹ tɔn kɔ̃son ɡɔɔ kĩ. Nɑ kĩwɑ u ɡɔ̃ru ɡɔsiɑ kpɑ u wɑ u n wɑ̃ɑ. Yen sɔ̃, be, Isirelibɑ bu ɡɔ̃ru ɡɔsio. Mbɑn sɔ̃nɑ bɑ koo tii ɡo.

Osee 13:4

Adɑmɑ nɛ, nɑ sɑ̃ɑwɑ Gusunɔ ben Yinni sɑɑ mìn di nɑ bu yɑrɑmɑ Eɡibitin di. Bɑ ǹ mɑɑ Yinni ɡoo mɔ mɑ n kun mɔ nɛ. Fɑɑbɑ kowo mɑɑ sɑri nɛ bɑɑsi.

Osee 14:1

Nɑ kon de bu Sɑmɑri sɛɛyɑsiɑ yèn sɔ̃ yen tɔmbu bɑ nɛ Gusunɔ ben Yinni seesi. Bɑ koo bu ɡowɑ tɑbu sɔɔ kpɑ bu ben bii piiminu nɑm. Kpɑ bu ben kurɔ be bɑ ɡuri mɔn nukunu bɛsuku.

Osee 14:4

Asiriɡii wi, u ǹ kpɛ̃ u sun fɑɑbɑ ko. Sɑ mɑɑ yɛ̃ mɑ dumi kun sun fɑɑbɑ mɔ̀ tɑbu sɔɔ. Sɑ ǹ mɑɑ bwɑ̃ɑroku ni sɑ tii kuɑ sokumɔ bɛsɛn yinnibu pɑi. Domi wunɑ ɑ rɑ ɡobekubɑ wɔnwɔndu kue.

Osee 14:5

Yinni Gusunɔ u nɛɛ, kon de nɛn tɔmbu bu kɑ den nɛ turo yɔ̃rɑ kpɑ n bu kĩɑ too. Nɑ ǹ mɑɑ kɑ bu mɔru mɔ̀.

Osee 14:8

Bɑ koo ɡɔsirɑmɑ bu sinɑ nɛn kɔkɔrɔ kpɑ bu mɑɑ ɑlikɑmɑ duure. Bɑ koo kpɑrɑwɑ nɡe resɛm dɑ̃ɑ kpɑ bu yĩsiru yɑri nɡe Libɑnin tɑm.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Yoɛli 2:12

Yinni Gusunɔ u nɛɛ, nɑ sɑ̃ɑwɑ wɔnwɔnduɡii. Nɛn kĩru tɑ kpɑ̃. Nɛn mɔru yɑ ku rɑ fuuku se. Nɑ rɑ mɑɑ tɔnu suuru kue kɔ̃sɑ ye nɑ rɑɑ kĩ n nùn kuɑ sɔɔ. Tɛ̃, i wurɑmɑ kɑ bɛɛn ɡɔ̃ru kpuro nɛn mi, i nɔɔ bɔke, kpɑ i wuri ko. Bɛɛn ɡɔ̃ruwɑ i ko i ɡɔsiɑ, n ǹ mɔ i yɑ̃nu ɡɛ̃ɛku tɔnɑ. I wurɑmɑ nɛ, Gusunɔ bɛɛn Yinnin mi.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.