Yeremi 3:2 - Bibeli Gusunɔn Gari

² I seewo i mɛɛri ɡuunu ɡiɑ, kpɑ i wɑ nɡe ɡuuru ɡɑrɑ wɑ̃ɑ tèn mi i ǹ bũnu sɑ̃wɑ. Wee, i rɑ bũnu kɑsu nɡe mɛ kurɔ tɑnɔ u rɑ win kĩnɑsibu kɑsu. I sɑ̃ɑ nɡe Dɑɑrubu swɑɑ dio be bɑ rɑ n tɔmbu mɑrɑ swɛɛ sɔɔ. Mɑ i tem mɛ disi doke bɛɛn bũu ɡɑsiribu kɑ bɛɛn nuku kɔ̃surun sɔ̃.

Yeremi 3:2 ပူးပေါင်းရင်းမြစ်များ

Torubu 38:14

Ye u nuɑ mɛ, yerɑ u win ɡɔmini yɑ̃nu potɑ, mɑ u tii sɔnditiɑ wukiri nɡe kurɔ tɑnɔ, u dɑ u sinɑ wuu ɡe bɑ mɔ̀ Enɑimun kɔnnɔwɔ Tinnɑn swɑɑɔ. Domi u wɑ Selɑ u kpɛ̃ɑ, bɑ ǹ mɑɑ nùn wi wɛ̃ durɔ.

Sinɑmbu I 11:3

Sinɑ bibu nɑtɑ kɑ wunɔbuwɑ (700) Sɑlomɔɔ u suɑ kurɔbu kɑ sere mɑɑ ɡoobɑ wunɔbu (300) be bɑ ǹ sɑ̃ɑ sinɑ bibu. Kurɔ berɑ bɑ win ɡɔ̃ru sĩiyɑ Yinni Gusunɔn min di.

Sinɑmbu II 23:13

U derɑ bɑ mɑɑ bũu sɑ̃ɑ yenu kɔsukɑ ni Sɑlomɔɔ u kuɑ Yerusɑlɛmun sɔ̃ɔ yɑri yerɔ Olifin ɡuurun sɔ̃ɔ yɛ̃sɑn nɔm dwɑru ɡiɑ. Miyɑ bɑ rɑ Sidoniɡibun bũu wi bɑ mɔ̀ Asitɑɑte sɑ̃ kɑ Mɔɑbubɑn bũu wi bɑ mɔ̀ Kemɔsi kɑ mɑɑ Amɔnibɑn bũu wi bɑ mɔ̀ Milikɔmu.

Womusu 106:38

Nɡe mɛyɑ bɑ ɡemɡibun yɛm yɑri. Bɑ kɑ ben bibu Kɑnɑnin bũnu yɑ̃kuru kuɑ. Mɑ tem mɛ kpuro mu disi duurɑ tɔn ɡobe ten sɔ̃.

Mɔnnu 23:28

U rɑ n tɔmbu yɔɔru bwɛ̃ɛyɛ nɡe ɡbɛnɔ kpɑ u tɔn dɑbinu ko nɑɑnɛ sɑriruɡibu.

Mɔnnu 7:11

U sɑ̃ɑwɑ sekuru sɑri kɑ ɡɑri sunɔ. U ku rɑ sinɛ win yɛnuɔ.

Yeremi 12:12

Kɑ ɡuunun wii kpiirɔ kpuro yibɛrɛbɑ bɑ yɔɔwɑwɑ. Nɑ derɑ tɑbu bu tem mɛ kpuro wukiri. Goo sɑri wi u wɑ̃ɑ bɔri yɛndu sɔɔ.

Yeremi 2:20

Yinni Gusunɔ u nɛɛ, sɑɑ yellun di, i tii yoru yɑrɑ, i suɡu kɑ yɔni yi bɑ rɑɑ bɛɛ doke kɑsukɑ. Mɑ i nɛɛ, i ǹ mɑɑ kĩ i mɑn yoru diiyɑ. Mɑ i dɑ ɡunɡunu wɔllɔ kɑ dɑ̃ɑ kubenɔ i bũnu ɡɑsirimɔ i sɑ̃ɑmɔ.

Yeremi 2:23

Amɔnɑ i ko kpĩ i siki i nɛɛ, i ǹ tii disi koosi, i ǹ bũu wi bɑ mɔ̀ Bɑɑli sɑ̃wɑ. I bɛɛn nɑɑsun yirɑ mɛɛrio wɔwɑ sɔɔ. I de i wurɑ ye i kuɑ, bɛɛ be i sɑ̃ɑ nɡe yooyoo niu ɡe ɡɑ bɔsu ɡɑ durɔbu kɑsu.

Yeremi 2:7

Yen biru, u kɑ bu dɑ mi tem ɡem wɑ̃ɑ, kpɑ bu kɑ mɛn dɑ̃ɑ bii duronu kɑ mɛn dĩɑ ɡeenu di. Adɑmɑ ye bɑ turɑ mi, bɑ tem mɛ sɑnkɑ, bɑ mu disi doke.

Yeremi 3:1

Yinni Gusunɔ u mɑɑ nɛɛ, ɡoo ù n win kurɔ yinɑ, mɑ kurɔ wi, u dɑ u durɔ ɡoo suɑ, durɔ ɡuro wi, u rɑ mɑɑ kurɔ wi nɑɑ de? Aɑwo. Ù n kuɑ mɛ, yɑ koo win tem disi doke. Adɑmɑ bɛɛ Isirelibɑ, i kuɑ mɛ. I dɑ i bũu dɑbiru sɑ̃ɑmɔ, mɑ i kĩ n mɑɑ bɛɛ mwɑɑmɑ. Nɛ, Yinni Gusunɔwɑ nɑ yeni ɡeruɑ.

Yeremi 3:13

Bu ɡesi ben durum wuro. Bu wuro mɑ bɑ ǹ kɑ mɑn yɔ̃re, nɛ, Gusunɔ ben Yinni. Domi bɑ dɑ bɑ bũnu ɡɑsirɑ dɑ̃ɑ kubenɔ. Bɑ yinɑ bu nɛn ɡɑri swɑɑ dɑki. Nɛ, Yinni Gusunɔwɑ nɑ yeni ɡeruɑ.

Yeremi 3:21

Wee, nɔɔ ɡɑɡu ɡɑ nɔɔrɑ ɡuuru wɔllɔ. Ase Isirelibɑrɑ bɑ kuuki mɔ̀ bɑ bũnu kɑnɑmɔ, domi ben sɑnu sɑnusu kpuro su sɑnkirɑ, bɑ nɛ, Gusunɔ ben Yinni duɑri.

Yeremi 7:29

Yinni Gusunɔ u nɛɛ, Yudɑbɑ bu ben seri buro bu kɔ̃ yi yi sɔ̃ɔsimɔ mɑ bɑ sɑ̃ɑ nɛɡibu. Bu yɔɔwo ɡuuru wɔllɔ, kpɑ bu ɡɔɔ swĩ. Wee bɑ nɛn mɔru seeyɑ, mɑ nɑ bu biru kisi.

Esekiɛli 16:16

Mɑ ɑ wunɛn yɑ̃ɑ nɔniɡinu suɑ ɑ kɑ dɑ ɑ wunɛn ɡunɡunu mi ɑ rɑ bũnu sɑ̃ burɑru kuɑ. Miyɑ ɑ tii wɛ̃. Ye ɑ kuɑ mi, ɡoo kun yen bweseru wɑɑre. Mɛyɑ yen bweserɑ kun mɑɑ koorɑmɔ.

Esekiɛli 20:28

Nɑ kɑ bu dɑ tem mɛ sɔɔ mɛ nɑ bu nɔɔ mwɛɛru kuɑ nɑ sire kɑ bɔ̃ri. Miyɑ bɑ ben binɛ doke ɡunɡunu ɡiɑ kɑ dɑ̃ɑ kubenu ɡiɑ. Mɑ ye kpuro yɑ kuɑ ben bũu yɑ̃ku yenu. Miyɑ bɑ rɑ yɑ̃ku dɔ̃ɔ mwɑɑrɑruɡinu ko kɑ sere ni bɑ rɑ ko kɑ ɡberun dĩɑnu kɑ tɑm kpɑ bu turɑre dɔ̃ɔ doke. Ye kpuro yɑ derɑ nɛn mɔru seewɑ.

Osee 2:5

Mɑ n kun mɛ, kon win yɑ̃nu potiri mɑm mɑm kpɑ n nùn yɔ̃su tereru nɡe mɛ bɑ kɑ nùn mɑrɑ. Kon de u n sɑ̃ɑ nɡe tem mi ɡɑ̃ɑnu ku rɑ kpi, kpɑ n de nim nɔru ɡu nùn ɡo.

Luku 16:23

U wɑ̃ɑ nɔni swɑ̃ɑru sɔɔ ɡɔriɔ, mɑ u nɔni suɑ wɔllɔ u Lɑsɑɑ wɑ Aburɑhɑmun bɔkuɔ.

Sɔ̃ɔsiru 12:2

I ko i bwese ni i ko i ɡirɑ min bũnun sɑ̃ɑ yenu kpuro kɔsukuwɑ mɑm mɑm ɡuunɔ kɑ ɡunɡunɔ kɑ dɑ̃ɑ kubenɔ.