Yeremi 3:19 - Bibeli Gusunɔn Gari

¹⁹ Nɛ, Yinni Gusunɔ nɑ ɡeruɑ nɑ nɛɛ, kon dɑɑ bɛɛ Isirelibɑ kowɑ nɛn bii kĩnɑsibu, kpɑ n bɛɛ tem ɡem wɛ̃ mɛ mu burɑm bo hɑnduniɑ yeni sɔɔ. Nɑ rɑɑ tɑmɑɑ i ko mɑn sokuwɑ bɛɛn Bɑɑbɑ, kpɑ i ku mɑɑ mɑn deri.

Yeremi 3:19 ပူးပေါင်းရင်းမြစ်များ

Womusu 106:24

Bɑ tem durom mɛ ɡɛmɑ. Bɑ ǹ wunɛ Yinni Gusunɔn ɡɑri nɑɑnɛ kue.

Womusu 16:6

Wunɑ kɑɑ mɑn tubi ɡeɑ wɛ̃. Kɑ ɡem nɑ nuku dobu mɔ.

Womusu 89:26

Kɑɑ de win bɑndun dɑm mu tɛriɑ sɑɑ nim wɔ̃ku ɡe bɑ mɔ̀ Mɛditerɑnɛn di sere kɑ dɑɑ te bɑ mɔ̀ Efɑrɑtiɔ.

Mɔnnu 3:35

Bwisiɡibu bɑ koo bɛɛrɛ wɑ, kpɑ ɡɑri bɑkɑsu su sekuru wɑ.

Esɑi 63:16

Adɑmɑ wunɑ ɑ sɑ̃ɑ bɛsɛn bɑɑbɑ. Bɛsɛn yĩiyɔbu kun mɑɑ wɑ̃ɑ bɛsɛn sikɑdobɑ sɔɔ. Bɑɑ Aburɑhɑmu kɑ Isireli bɑ̀ kun sun wure, Yinni Gusunɔ, wunɑ ɑ sɑ̃ɑ bɛsɛn bɑɑbɑ, wunɛ wi ɑ sun fɑɑbɑ kuɑ sɑɑ yellun di.

Esɑi 64:8

Yinni Gusunɔ, ɑ ku mɔru ko too, ɑ kun mɑɑ bɛsɛn durum ye yɑɑye sere kɑ bɑɑdommɑɔ. Adɑmɑ ɑ n yɛ̃ mɑ sɑ sɑ̃ɑwɑ wunɛn tɔmbu.

Yeremi 12:10

Yibɛrɛ dɑbiru bɑ nɑ nɛn tɔmbun temɔ bɑ mu sɑnkɑ, nɡe mɛ yɑɑ sɑbenu nu rɑ ɡberun dĩɑnu sɑnku. Tem mɛ, mu rɑɑ wɑ̃, ɑdɑmɑ bɑ ǹ ɡɑ̃ɑnu deri mi.

Yeremi 3:17

Sɑɑ ye sɔɔ, nɛn sinɑ ɡɔnɑ yɑ ko n wɑ̃ɑwɑ Yerusɑlɛmuɔ. Kpɑ bwese ni nu tie kpuro nu mɑɑ mɛnnɑ mi, nɛn yĩsirun sɔ̃. Bɑ ǹ mɑɑ ben bwisi kɔ̃si swĩimɔ.

Yeremi 3:4

Wee tɛ̃, i mɑn nɔɔɡiru suemɔ i mɔ̀, i mɑn nɔɔɡiru mɔ̀ i ɡerumɔ nɛnɑ nɑ sɑ̃ɑ bɛɛn bɑɑbɑ, i mɑɑ mɑn kĩwɑ sɑɑ bɛɛn piiburun di.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Yeremi 31:9

Be wee bɑ wee kɑ swĩi, bɑ mɑn kɑnɑmɔ. Mɑ nɑ bu kpɑre nɑ kɑ dɔɔ nim bwerɔ kɑ swɑɑ ye yɑ nɔɔ nɛ sɔɔ, mi bɑ ǹ sokurɑmɔ. Domi nɑ sɑ̃ɑwɑ Isirelin bweserun Bɑɑbɑ. Mɑ tɑ mɑɑ sɑ̃ɑ nɛn bii yerumɑ.

Yeremi 33:9

Sɑɑ ye sɔɔ, nɑ kon nuku dobu mɔ Yerusɑlɛmun sɔ̃, kpɑ yɑ n nɛn yĩsiru bɛɛrɛ wɛ̃ɛmɔ, kpɑ bwese tukunu nu n mɑn siɑrɑmɔ. Bwese ni, nù n wɑ durom bɑkɑm mɛ kon ye kuɑ kɑ doo nɔɔ te kon ye wɛ̃, nu koo biti ko sere nu diiri.

Yeremi 5:7

Yinni Gusunɔ u nɛɛ, mbɑn sɔ̃nɑ kon nɛn tɔmbun durum wɔkɑ. Domi wee, bɑ mɑn deri mɑ bɑ bɔ̃rumɔ kɑ bũnun yĩsinu. Nɑ bu debiɑ, ɑdɑmɑ bũnɑ bɑ kɑ ɑrukɑwɑni bɔkuɑ bɑ nu ɡɑsirimɔ.

Esekiɛli 20:6

Yen dɔmɑ terɑ nɑ bu nɔɔ mwɛɛru kuɑ kɑ bɔ̃ri nɑ nɛɛ, kon bu yɑrɑ Eɡibitin di. Kpɑ n kɑ bu dɑ tem mɛ nɑ bu ɡɔsiɑ sɔɔ mi tim kɑ bom mu yibɑ. Tem mɛ, mu sɑ̃ɑwɑ mɛ mu tem kpuro burɑm kere.

Dɑniɛli 11:16

Wi u ɡesi seewɑ u nɔm ɡeuɡii wi wɔri kpuro, yɛ̃ro u koo kowɑ ye u kĩ. Goo kun kpɛ̃ u nùn yinɑri. Yɛ̃ro u koo mɑm dɑ tem mɛn mi n burɑm bo sɔɔ, kpɑ u ɡo ye u nɔmɑ turɑ.

Dɑniɛli 11:41

Kpɑ u mɑɑ wɔri tem mɛn mi n burɑm bo sɔɔ. Adɑmɑ Edɔmubɑ kɑ Mɔɑbubɑ kɑ sere Amɔnibɑn wiruɡibu bɑ koo nùn kisirɑri.

Dɑniɛli 11:45

U koo win sinɑ kunu ɡirɑ nim wɔ̃ku kɑ Yinni Gusunɔn ɡuu dɛɛrɑ ten bɑɑ sɔɔ. Sɑɑ yerɑ ɡɔɔ u koo nùn deemɑ subɑru bɑ kun nùn somi.

Dɑniɛli 8:9

Sɑɑ kɔbi yin tiɑn di, kɔbu piibu ɡɑɡɑ yɑrɑ ɡɑ kpɛ̃ɑ sɔ̃ɔ yɛ̃sɑn nɔm dwɑru ɡiɑ kɑ sɔ̃ɔ yɑri yeru ɡiɑ kɑ sere tem mɛ mu ɡeɑ bo ɡiɑ.

Osee 11:8

Kɑ mɛ, bɛɛ Isirelibɑ, nɑ ǹ kpɛ̃ n bɛɛ deri, n bɛɛ tɔnu kɑndu kuɑ. Nɑ ǹ kpɛ̃ n bɛɛ kɑm koosiɑ nɡe mɛ nɑ wuu si bɑ mɔ̀ Adimɑ kɑ Seboimu kuɑ. Wee nɛn ɡɔ̃ru ɡɑ sɑnkire, nɛn bwɛ̃rɑ kun kpunɛ.

Gɑlɑti 3:26

Domi Yesu Kirisi sɔɔ bɛɛ kpuro i kuɑ Gusunɔn bibu nɑɑnɛ dokebun sɔ̃.

Efesu 1:5

u himbɑ kuɑ yellun di u sun ko win tiin bibu sɑɑ Yesu Kirisin min di. Win tɔn ɡeerun sɔ̃nɑ u kuɑ mɛ,

Sɔ̃ɔsiru 14:1

Bɛɛ Isirelibɑ, i sɑ̃ɑwɑ Gusunɔ bɛsɛn Yinnin tɔmbu. Goo ù n ɡu, i ku rɑ bɛɛn wɑsin ɡɑm murɑ. I ku rɑ mɑɑ bɛɛn seri kɔni wuswɑɑ ɡiɑ.

Heberu 10:39

Sɑ ǹ wɑ̃ɑ be bɑ biru wurɔ bu kɑ kɑm kon wuurɔ, sɑ wɑ̃ɑwɑ be bɑ nɑɑnɛ doke bu kɑ ben hunden fɑɑbɑ wɑn wuurɔ.

Piɛɛ I 1:17

Bɛɛn kɑnɑru sɔɔ i Gusunɔ sokumɔ Bɑɑbɑ. Wee, wiyɑ u tɔmbu kpuro kɑ siri teebu sirimɔ nɡe mɛ bɑɑwure u kuɑ. Yen sɔ̃, sɑɑ ye yɑ bɛɛ tie hɑnduniɑ sɔɔ, i ye dio kɑ win nɑsiɑru.