Yeremi 26:20 - Bibeli Gusunɔn Gari

^20-21 N deemɑ Yoyɑkimun wɑɑti ye sɔɔ, durɔ ɡoo mɑɑ wɑ̃ɑ wi bɑ mɔ̀ Uri, Semɑyɑ Kiriɑti Yɑrimuɡiin bii. Durɔ wi, u rɑ ɡɑri ɡere kɑ Yinni Gusunɔn yĩsiru. Mɑ u ɡɑri tee yi ɡeruɑ win tii, wuu ɡenin sɔ̃ nɡe mɛ Yeremi u ɡeruɑ mi. Mɑ Yoyɑkimu kɑ win tɑbu durɔbu kɑ mɑɑ win sinɑ ɑsɑkpɔbu bɑ ɡɑri yi nuɑ. Yerɑ sinɑ boko wi, u kɑsu u Uri ɡo. Ye Uri u nuɑ mɛ, u bɛrum soorɑ, mɑ u kpikiru suɑ u dɑ Eɡibitiɔ.

Yeremi 26:20 ပူးပေါင်းရင်းမြစ်များ

Sinɑmbu I 18:10

Kɑ Gusunɔ wunɛn Yinnin wɑ̃ɑru, bweseru ɡɑru sɑri tèn mi nɛn yinni kun ɡɔre bu nun kɑsumɑ. Bwese te, tɑ̀ n nɛɛ, tɑ ǹ nun wɑ mi, u rɑ bu bɔ̃rusiewɑ kpɑ u n kɑ yɛ̃ mɑ ɡeemɑ ɑ ǹ wɑ̃ɑ mi.

Sinɑmbu II 23:37

Yoyɑkimu wi, u ǹ kue dee dee Yinni Gusunɔn wuswɑɑɔ. Kɔ̃sɑ ye win sikɑdobɑ bɑ rɑɑ kuɑ, yerɑ u kuɑ mɑm mɑm.

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Yeremi 36:19

Mɑ wiruɡii be, bɑ nùn wisɑ bɑ nɛɛ, i doo i kuke wunɛ kɑ Yeremi, kpɑ ɡoo u ku rɑɑ bɛɛ wɑ.

Yosue 15:60

Kɑ sere mɑɑ Bɑɑlin wuu ɡe bɑ mɑɑ mɔ̀ Yɑrimun wuu, kɑ Rɑbɑ. Mɑ si, su mɑɑ kuɑ yiru, ɡen bɑɑɡere kɑ ɡen bɑru kpɑɑnu.

Yosue 18:14

Sɔ̃ɔ duu yeru ɡiɑ mɑɑ, tɑ dɑwɑ sɔ̃ɔ yɛ̃sɑn nɔm dwɑru ɡiɑ sɑɑ ɡuu ten di n kɑ ɡirɑri Bɑɑlin wuuɔ ɡe bɑ mɑɑ sokumɔ Yɑrimun wuu. Wuu ɡe, ɡɑ sɑ̃ɑwɑ Yudɑbɑn wuu.

Yosue 9:17

Mɑ bɑ seewɑ bɑ wuu si mɛɛrim dɑ. Bɑ sĩɑwɑ sɔ̃ɔ yiru, itɑse mɑ bɑ turɑ mi. Wuu siyɑ, Gɑbɑoni, kɑ Kefirɑ kɑ Berɔtu kɑ Yɑrimun wuu.

Sɑmuɛli I 6:21

Mɑ bɑ sɔmɔbu ɡɔrɑ Yɑrimun wuuɡibun mi, bɑ nɛɛ, Filisitibɑ bɑ kɑ Yinni Gusunɔn woodɑn kpɑkoro te wurɑmɑ mini. I nɑ i tu suɑ i kɑ dɑ bɛɛn mi.

Sɑmuɛli I 7:2

Sɑɑ mìn di Yinni Gusunɔn kpɑkoro te, tɑ wɑ̃ɑ Yɑrimun wuu mi, yɑ tɛ yɑ kuɑwɑ wɔ̃ɔ yɛndu. Mɑ Isirelibɑ kpuro bɑ Yinni Gusunɔ kɑsu.