Yeremi 25:7 - Bibeli Gusunɔn Gari

⁷ Adɑmɑ Yinni Gusunɔn tii u nɛɛ, i ǹ nùn swɑɑ dɑki. I win mɔru seeyɑwɑ bɛɛn bwɑ̃ɑroku ni i kuɑn sɔ̃. Mɑ yɑ kɑ bɛɛ kɔ̃sɑ nɑɑwɑ.

Yeremi 25:7 ပူးပေါင်းရင်းမြစ်များ

Sinɑmbu II 17:17

Kɔ̃sɑ bɑ mɔ̀ Yinni Gusunɔn wuswɑɑɔ. Domi bɑ kɑ ben bibu yɑ̃kunu mɔ̀, bɑ wɔ̃ɔmɔ dɔ̃ɔ sɔɔ. Yen biru bɑ sɔronu mɔ̀. Yenibɑ kpurowɑ yɑ Yinni Gusunɔn mɔru seeyɑ.

Sinɑmbu II 21:15

Domi bɑ mɑn kɔ̃sɑ kuɑ, bɑ nɛn mɔru seeyɑmɔ sɑɑ dɔmɑ tèn di nɑ ben bɑɑbɑbɑ yɑrɑmɑ sɑɑ Eɡibitin di.

Bɑndun Gɑri II 24:19

Yinni Gusunɔ u bu win sɔmɔbu ɡɔriɑ bu wɑ bu kɑ ɡɔ̃ru ɡɔsiɑ bu wurɑmɑ win mi. Mɑ sɔmɔ be, bɑ kɑ bu ɡɑri kuɑ. Adɑmɑ bɑ ǹ swɑɑ dɑki.

Nɛɛmi 9:26

Adɑmɑ kɑ mɛ, bɑ ǹ nun mɛm nɔɔwɛ. Bɑ nun seesiwɑ, bɑ wunɛn woodɑbɑ biru kisi. Mɑ bɑ wunɛn sɔmɔbu ɡo ɡo be bɑ bu kirɔ kuɑ bu kɑ ɡɔ̃ru ɡɔsiɑ bu ben dɑɑ kɔ̃sɑ deri kpɑ bu wurɑmɑ wunɛn mi. Adɑmɑ bɑ ben dɑɑ kɔ̃sɑ sosiwɑ.

Mɔnnu 8:36

Adɑmɑ wi u mɑn torɑ u tii kɔ̃sɑ kuɑwɑ. Be bɑ mɑn tusɑ kpuro, ɡɔɔwɑ bɑ kĩ.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 22:21

U bɛɛ kirɔ kuɑ sɑnɑm mɛ i wɑ̃ɑ bɔri yɛndu sɔɔ, ɑdɑmɑ i nɛɛ, i ǹ nùn swɑɑ dɑkimɔ. Nɡe mɛyɑ bɛɛn dɑɑ yɑ sɑ̃ɑ sɑɑ bɛɛn piiburun di, i ku rɑ nùn swɑɑ dɑki.

Yeremi 25:8

Yen sɔ̃nɑ wi, Gusunɔ wɔllu kɑ tem Yinni u nɛɛ, yèn sɔ̃ i ǹ nùn swɑɑ dɑki,

Yeremi 29:19

Domi bɑ ǹ wi, Yinni Gusunɔn ɡɑri swɑɑ sue bɑɑ mɛ u rɑ n bu yi sɔ̃ɔmɔ sɑɑ win sɔmɔbun nɔɔn di. Wi, Yinni Gusunɔwɑ u yeni ɡeruɑ.

Yeremi 44:7

Yen sɔ̃ tɛ̃, ɑmɛniwɑ nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ ɡeruɑ. Nɑ nɛɛ, mbɑn sɔ̃nɑ i tii durum bɑkɑ yeni sɔbimɔ ye i kɑ derɑ bɑ kurɔbu kɑ durɔbu kɑ bibu kɑ bii wɛ̃ɛnu ɡo sere ɡoo kun mɑɑ tie.

Yeremi 44:8

I kĩwɑ i nɛn mɔru seeyɑ kɑ bɛɛn bũu yɑ̃ku kookoo si i mɔ̀ Eɡibitiɔ mi i wɑ̃ɑ? I kĩwɑ i tii kɑm ko, kpɑ i ko bɔ̃riɡibu kɑ sekuruɡibu hɑnduniɑ ye sɔɔ?

Sɑkɑri 1:4

I ku kɑ bɛɛn bɑɑbɑbɑ weenɑ be nɛn sɔmɔ ɡbiikobu bɑ nɛn ɡɑri sɔ̃ɔwɑ bɑ nɛɛ, bu ben dɑɑ kɔ̃sɑ derio. Adɑmɑ bɑ ǹ sɔmɔ be swɑɑ dɑki bu sere mɑn mɛm nɔɔwɑ.

Sɔ̃ɔsiru 32:21

Bɑ win mɔru kɑ win nisinu seeyɑ ben bũu ni bɑ sokumɔ Gusunɔn sɔ̃, ni nu ǹ sɑ̃ɑ ɡɑ̃ɑnu. Yen sɔ̃nɑ u nɛɛ, wi, u koo mɑɑ bwese wiirɑruɡiru sokusiɑ u kɑ ben mɔru seeyɑ, kpɑ u ben nisinu seeyɑ kɑ bwese te, te bɑ ǹ ɡɑrisi ɡɑ̃ɑnu.