Yeremi 23:12 - Bibeli Gusunɔn Gari

¹² Yen sɔ̃nɑ ben swɑɑ yɑ koo wɔriɑ, kpɑ yu bu yɑm tĩre. U koo de bu bu bɔriɑ, kpɑ bu wɔruku sɑɑ ye u koo bu sɛɛyɑsiɑ u de wɑhɑlɑ yu bu deemɑ. Wi, Yinni Gusunɔwɑ u yeni ɡeruɑ.

Yeremi 23:12 ပူးပေါင်းရင်းမြစ်များ

Yoobu 18:18

Domi bɑ nùn yɑrɑ yɑm bururɑm di, bɑ sure yɑm wɔ̃kuru sɔɔ. Mɑ bɑ nùn ɡirɑ hɑnduniɑn di.

Womusu 35:6

A de ben swɑɑ yu wɔriɑ, kpɑ yɑm wɔ̃kuru tu ye wukiri. Kpɑ Yinni Gusunɔn ɡɔrɑdo u bu nɑɑ swĩi.

Womusu 73:18

Geemɑ, Yinni Gusunɔ, ɑ bu surewɑ swɑɑ yè sɔɔ bɑ koo sɛllɑ, kpɑ bu wɔrumɑ bu ɡbi.

Womusu 82:5

Adɑmɑ bɛɛ, i ǹ ɡɑ̃ɑnu ɡɑnu yɛ̃. I ǹ mɑɑ bwisi ɡɛɛ mɔ. I kom kɔ̃sum mɔ̀wɑ, mɑ yɑ derɑ ɡem mu doonɑ hɑnduniɑn di.

Yɑribu 32:34

Yen sɔ̃, ɑ doo ɑ tɔn be kpɑrɑ i dɑ sere yɑm mi nɑ nun sɔ̃ɔwɑ. Wee nɛn ɡɔrɑdo u ko n nun ɡbiiye mi. Adɑmɑ sɑɑ yɑ sisi yè sɔɔ kon tɔn be nɔmɑ doke n bu sɛɛyɑsiɑ ben durum sɔ̃.

Mɔnnu 4:19

Adɑmɑ tɔn kɔ̃sobun kookoosu su sɑ̃ɑwɑ nɡe yɑm wɔ̃kuru. Bɑ ǹ yɛ̃ yèn sɔ̃ bɑ sokurɑmɔ.

Esɑi 8:22

ǹ kun mɛ temɔ, kpɑ bu deemɑ yɑm wɔ̃kuru kɑ nuku sɑnkirɑnɑ kpuro. Ben ɡoo kun kisirɑmɔ yɑm wɔ̃ku bɑkɑ ten min di.

Yeremi 11:23

Domi u koo Anɑtɔtuɡibu nɔni swɑ̃ɑru kpɛ̃ɛwɑ wɔ̃ɔ ɡè sɔɔ u koo bu mɔru kɔsiɑ kpɑ ɡoo kun tiɑre be sɔɔ.

Yeremi 13:16

I Gusunɔ bɛɛn Yinni bɛɛrɛ wɛ̃ɛyɔ u sere kɑ yɑm wɔ̃kuru nɑ te tɑ koo de i sokukirɑ ɡuunu wɔllɔ. Mɛyɑ i yɑm bururɑm mɑrɑ, ɑdɑmɑ u koo de mu tĩrɑ mɑm mɑm kpɑ mu ɡɔsiɑ yɑm wɔ̃ku bɑkɑru nɡe te tɑ wɑ̃ɑ ɡɔribun wɑ̃ɑ yerɔ.

Yeremi 48:44

Wi u dukɑ mɔ̀ bɛrum sɔ̃, u koo wɔriwɑ suurɑ ye sɔɔ. Wi u mɑɑ yɑrɑ suurɑ yen di, kpɑ u tɑɑ mwɑɑrɑ. Domi kon de Mɔɑbun sɛɛyɑsiɑbun tɔ̃ru tu nɑ. Nɛ, Yinni Gusunɔwɑ nɑ yeni ɡeruɑ.

Yeremi 50:27

I ben tɑbu durɔ dɑmɡibu ɡoowo. I bu sɑkirio nɡe yɑɑ sɑbenu. Bɑ kɑm kuɑ, domi ben tɔ̃rɑ tunumɑ, tè sɔɔ bɑ koo bu sɛɛyɑsiɑ.

Yeremi 8:12

N weenɛwɑ sekuru tu bu mwɑ kɔ̃sɑ ye bɑ mɔ̀n sɔ̃. Adɑmɑ sekurɑ ku rɑ bu mwɛ bu tukɑ. Bɑ ku rɑ mɑɑ ben torɑnu tubu. Yen sɔ̃nɑ bɑ koo wɔrumɑ bu ɡbi dɔmɑ te kon bu sɛɛyɑsiɑ. Nɛ, Yinni Gusunɔwɑ nɑ yeni ɡeruɑ.

Swĩi 2:20

Yinni Gusunɔ, ɑ mɛɛrio ɑ wɑ. Wɑrɑ ɑ kuɑre nɡe mɛ. Mbɑn sɔ̃nɑ ɑ derɑ tɔn kurɔbɑ ben bibu temɑ be bɑ kĩ mi. Mbɑn sɔ̃nɑ ɑ derɑ yibɛrɛbɑ bɑ mɑɑ wunɛn sɔmɔbu kɑ yɑ̃ku kowobu ɡo wunɛn sɑ̃ɑ yerɔ.

Misee 7:4

Ben wi u sɑnɔ bo, u sɑ̃ɑwɑ nɡe sɑ̃kɑ. Ben wi u dɛɛre, u ɑwĩi kɔ̃si kere. Yen sɔ̃ tɛ̃, tɔ̃ɔ te Gusunɔn sɔmɔbu bɑ bu nɔɔsiɑ tè sɔɔ bɑ koo bu sɛɛyɑsiɑ tɑ tunumɑ. Wee bɑ burisinɛ kɔ nuku sɑnkirɑnun sɔ̃.

Yohɑnu 12:35

Yesu u bu wisɑ u nɛɛ, sɑɑ fiiko sɔɔrɑ yɑm bururɑm mu wɑ̃ɑ bɛɛn suunu sɔɔ. I n sĩimɔ sɑɑ ye i yɑm bururɑm mɔ kpɑ yɑm mu ku rɑɑ bɛɛ tĩre. Domi wi u sĩimɔ yɑm wɔ̃kuru sɔɔ u ku rɑ n yɛ̃ mi u dɔɔ.

Sɔ̃ɔsiru 32:35

Wiyɑ u koo bu mɔru kɔsie u bu sɛɛyɑsiɑ. Tɔ̃ru ɡɑrɑ sisi tè sɔɔ bɑ koo wɔrumɑ. Tɔ̃ɔ te, nɔni swɑ̃ɑruɡirɑ, tɑ ǹ mɑɑ tɛɛmɔ.

Yohɑnu I 2:11

Adɑmɑ wi u win beruse tusɑ, u wɑ̃ɑwɑ yɑm wɔ̃kuru sɔɔ, u mɑɑ sĩimɔ yɑm wɔ̃kurɔ. U ǹ yɛ̃ mi u dɔɔ yèn sɔ̃ yɑm wɔ̃kurɑ nùn wɔ̃ko kuɑ.

Yudu 1:13

Bɑ sɑ̃ɑwɑ nɡe nim wɔ̃kun nim kure ni nu kukumɔ. Nɡe mɛ nu nin yɑkeru kɔ̃ɔmɔ mɛyɑ bɑ mɑɑ ben sekuru sɑri kom sɔ̃ɔsimɔ. Bɑ sɑ̃ɑwɑ nɡe wɔllun kperi yi yi yin swɑɑ bie, Gusunɔ u bu yɑm wɔ̃ku te tɑ kpɑ̃ yiiye tè sɔɔ bɑ koo du kɑ bɑɑdommɑ.