Yeremi 23:11 - Bibeli Gusunɔn Gari

¹¹ Gusunɔn sɔmɔbu kɑ yɑ̃ku kowobu bɑ sɑnkire, u wɑ mɑ bɑ nuku kɔ̃su kom mɔ̀ sere kɑ win sɑ̃ɑ yerɔ.

Yeremi 23:11 ပူးပေါင်းရင်းမြစ်များ

Bɑndun Gɑri II 33:5

U mɑɑ suru kɑ sɔ̃ɔ kɑ kperin yɑ̃ku yenu kuɑ sɑ̃ɑ yee ten yɑɑri yiru ye sɔɔ.

Bɑndun Gɑri II 33:7

U win bũun bwɑ̃ɑroku kuɑ u yi Yinni Gusunɔn sɑ̃ɑ yerɔ. N deemɑ Yinni Gusunɔ u rɑɑ Dɑfidi kɑ win bii Sɑlomɔɔ sɔ̃ɔwɑ u nɛɛ, sɑ̃ɑ yee teni kɑ Yerusɑlɛmu yeniwɑ nɑ ɡɔsɑ Isirelibɑn suunu sɔɔ yɑ n kɑ nɛn yĩsiru sɔɔwɑ sere kɑ bɑɑdommɑɔ.

Bɑndun Gɑri II 36:14

Yɑ̃ku kowobun wiruɡibu kɑ Yudɑ be bɑ tie kpuro bɑ kɔ̃sɑ kuɑ yɑ kpɑ̃. Domi bɑ tɔn tukobun komɑnu swĩi. Mɑ bɑ Yinni Gusunɔn sɑ̃ɑ yeru disi doke te u ɡɔsɑ Yerusɑlɛmuɔ.

Ɛsidɑrɑsi 10:18

Yɑ̃ku kowobu sɔɔ, ɡɑbɑ wɑ̃ɑ be bɑ tɔn tuko kurɔbu suɑ. Beyɑ Yosuen sikɑdominu kɑ win mɛro bisi Yosɑdɑkin bibu Mɑɑseyɑ kɑ Ɛliesɛɛ kɑ Yɑribu kɑ Gedɑliɑ.

Yeremi 11:15

Yinni Gusunɔ u mɑɑ nɛɛ, bɛɛ nɛn tɔn be nɑ kĩ, mbɑ i kɑsu nɛn sɑ̃ɑ yerɔ. Domi murɑfitirɑ i rɑ n mɔ̀. I tɑmɑɑ kon mɑɑ bɛɛn yɑ̃kunu mwɑ, kpɑ i kun mɑɑ nɔni sɔ̃ɔre? I tɑmɑɑ kon de i yɑri wɑhɑlɑn di?

Yeremi 23:15

Yen sɔ̃nɑ nɛ Gusunɔ, wɔllu kɑ tem Yinni, nɑ nɛn sɔmɔbu Yerusɑlɛmuɔ sɔ̃ɔmɔ mɑ wee kon de bu dɑ̃ɑ kiku ɡɑɡu ɡe ɡɑ sosu di, kpɑ bu nim mɛ mu dɛ̃ɛ mɔ nɔ. Domi beyɑ bɑ derɑ tem mɛn tɔmbu kpuro bɑ ǹ mɑɑ mɑn bɛɛrɛ wɛ̃ɛmɔ.

Yeremi 32:34

N ǹ mɑm ye tɔnɑ, bɑ mɑɑ ben bwɑ̃ɑrokunu duusiɑwɑ nɛn sɑ̃ɑ yerɔ bɑ tu disi doke.

Yeremi 5:31

Ben sɔmɔbu bɑ ɡɑri weesuɡii mɔ̀. Mɑ yɑ̃ku kowobu bɑ ben tiin ɑrufɑɑni kɑsu. Mɑ nɛn tɔmbu bɑ bu yen dɑm kɛ̃mɔ. Sɑnɑm mɛ kpuro yɑ koo nɔru ko, ɑmɔnɑ bɑ koo ko.

Yeremi 50:6

Be, nɛn tɔmbu, wee bɑ sɑ̃ɑ nɡe yɑ̃ɑ ɡɔ̃ɔ ɡe ɡɑ rɑɑ kɔ̃ɔre. Ben kpɑrobɑ rɑɑ bu kɔ̃ bɑ derɑ bɑ sirenɛ ɡuunu wɔllɔ bɑ ɡɑsirimɔ ɡee kɑ ɡiɔ, sere bɑ ben wɑ̃ɑ yeru duɑri.

Yeremi 6:13

Domi sɑɑ bwɛ̃ɛbwɛ̃ɛbun di sere kɑ dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire. Nɛn sɔmɔbu kɑ yɑ̃ku kowobun tii, bɑ rɑ n weesu mɔ̀wɑ.

Yeremi 7:30

Domi be, Yudɑbɑ bɑ kɔ̃sɑ kuɑ nɛn nɔni sɔɔ. Bɑ kɑ bũnu duɑ diru mi bɑ rɑ mɑn sɑ̃, bɑ tu disi doke.

Yeremi 8:10

Yen sɔ̃nɑ nɛ, Yinni Gusunɔ, kon de yibɛrɛbɑ bu ben kurɔbu kɑ ben ɡbeɑ mwɛɛri. Domi sɑɑ ben bwɛ̃ɛbwɛ̃ɛbun di n kɑ ɡirɑri ben dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire kɑ tɑki. Nɛn sɔmɔbu kɑ yɑ̃ku kowobu, weesɑ bɑ rɑ n mɔ̀.

Swĩi 2:20

Yinni Gusunɔ, ɑ mɛɛrio ɑ wɑ. Wɑrɑ ɑ kuɑre nɡe mɛ. Mbɑn sɔ̃nɑ ɑ derɑ tɔn kurɔbɑ ben bibu temɑ be bɑ kĩ mi. Mbɑn sɔ̃nɑ ɑ derɑ yibɛrɛbɑ bɑ mɑɑ wunɛn sɔmɔbu kɑ yɑ̃ku kowobu ɡo wunɛn sɑ̃ɑ yerɔ.

Esekiɛli 23:39

Domi dɔmɑ te bɑ duɑ nɛn sɑ̃ɑ yerɔ bɑ kɑ ben bibu bũu yɑ̃kunu kuɑ mɑ bɑ tu disi doke. Yenin bweserɑ bɑ kuɑ nɛn sɑ̃ɑ yerun sɔɔwɔ.

Esekiɛli 44:10

Yenibɑn biru, Yinni Gusunɔ u mɑɑ nɛɛ, Lefi be bɑ rɑɑ kɑ mɑn tondɑ sɑnɑm mɛ Isirelibɑ bɑ mɑn deri mɑ bɑ dɑ bɑ bũnu swĩi, bɑ koo ben torɑnun ɑre mwɑ.

Esekiɛli 7:20

Bɑ tii suɑ ben wurɑn sɔ̃. Mɑ bɑ kɑ ye bwɑ̃ɑroku bɑkɑnu kuɑ ni nu nɑnum mɔ. Yen sɔ̃nɑ nɛ, Yinni Gusunɔ kon de bu ye tusi.

Esekiɛli 8:11

Mɑ u Isirelibɑn ɡuro ɡurobu wɑ tɔnu wɑtɑ kɑ wɔkuru yɛɛn weenɑsii yi kpuron wuswɑɑɔ. Mɑ Yɑɑsɑniɑ Sɑfɑnin bii u wɑ̃ɑ be sɔɔ. Bukuro ben bɑɑwure u turɑre kɑ ɡɑ̃ɑnu nɛni yè sɔɔ bɑ rɑ turɑre dɔ̃ɔ doke. Mɑ turɑren wiisu bɔkuɑ wɔllɔ tuku tuku.

Esekiɛli 8:16

Mɑ u nùn suɑ u kɑ dɑ sɑ̃ɑ yerun yɑɑrɑɔ yɑ̃ku yeru kɑ dii dɛɛrɑrun kɔnnɔn bɑɑ sɔɔ. Miyɑ u tɔmbu yɛndɑ nɔɔbu wɑ bɑ sɑ̃ɑ yeru biru kisi bɑ yiire sɔ̃ɔ yɑri yeru ɡiɑ bɑ sɔ̃ɔ sɑ̃ɑmɔ.

Sofoni 3:3

Bɛɛn sinɑ ɑsɑkpɔbu bɑ sɑ̃ɑwɑ nɡe ɡbee sinɑn si su kukirimɔ wuu ɡe sɔɔ. Mɑ bɛɛn siri kowobu bɑ mɑɑ sɑ̃ɑ nɡe yokɑn purukɑ ni nu ku rɑ dĩɑnu yi bururun sɔ̃.

Sofoni 3:4

Gusunɔn sɔmɔbu bɑ sɑ̃ɑwɑ nɑɑnɛ sɑribɑ. Bɑ ku rɑ ɡere ye Gusunɔ u bu sɔ̃ɔwɑ. Bɛɛn yɑ̃ku kowobu bɑ Gusunɔn sɑ̃ɑru disi dokemɔ. Bɑ ku rɑ woodɑbɑ mɛm nɔɔwɛ.