Yeremi 23:10 - Bibeli Gusunɔn Gari

¹⁰ tɔmbɑ yibɑ tem mɛ sɔɔ, be bɑ sɑkɑrɑru mɔ̀. Kɔ̃sɑ bɑ nɑɑ ɡire. Miyɑ ben dɑm mu wɑ̃ɑ. Yen sɔ̃nɑ tem mɛ, mu sɑnkire, mɑ mɛn kpɑrɑ yee ni nu wɑ̃ɑ ɡbɑburun berɑ ɡiɑ nu ɡberɑ. Domi u mu bɔ̃rusi.

Yeremi 23:10 ပူးပေါင်းရင်းမြစ်များ

Ɛsidɑrɑsi 10:18

Yɑ̃ku kowobu sɔɔ, ɡɑbɑ wɑ̃ɑ be bɑ tɔn tuko kurɔbu suɑ. Beyɑ Yosuen sikɑdominu kɑ win mɛro bisi Yosɑdɑkin bibu Mɑɑseyɑ kɑ Ɛliesɛɛ kɑ Yɑribu kɑ Gedɑliɑ.

Womusu 107:34

Kpɑ u tem ɡem ɡɔsiɑ tem bɔruɡum mɛn tɔmbun nuku kɔ̃surun sɔ̃.

Esɑi 24:6

Yen sɔ̃nɑ bɔ̃ri yi koo tem mɛ di, kpɑ mɛn tɔmbu bu nɔni sɔ̃ɔrɑ kɔ̃sɑ ye bɑ kuɑn sɔ̃. Bɑ koo bu kpeerɑsiɑ. Be bɑ koo tiɑrɑ bɑ ǹ ko n mɑɑ dɑbi.

Esɑi 5:18

Bɔ̃rurobɑ be bɑ ɡbinnɛ kɑ kɔ̃sɑ nɡe nɑɑ wuku yi yi yin kɛkɛ ɡɑwe,

Yeremi 12:11

Bɑ tem mɛ ɡɔsiɑ nɡe tem sɑɑrɑm. Wee mu sɑ̃ɑre nɡe tɔnu wi u ɡɔɔ sumɔ u nuki sɑnkire. Tem mɛ kpuro mu kɑm kuɑ. Goo sɑri wi u mɛn weeweenu kuɑ.

Yeremi 14:2

Yudɑbɑ bɑ ɡɔɔ wooru sɔ̃. Goo mɑɑ sɑri ben wuu mɑrosun kɔnnɔsɔ. Wee bɑ wɔrukɑ temɔ bɑ nuki sɑnkire. Mɑ Yerusɑlɛmuɡibu bɑ nɔɔɡiru sue bɑ fɑɑbɑ kɑnɑmɔ.

Yeremi 6:13

Domi sɑɑ bwɛ̃ɛbwɛ̃ɛbun di sere kɑ dɑmɡibɔ, ben tii tiin ɑrufɑɑniwɑ bɑ rɑ n nɑɑ ɡire. Nɛn sɔmɔbu kɑ yɑ̃ku kowobun tii, bɑ rɑ n weesu mɔ̀wɑ.

Yeremi 7:9

Bɑ rɑ n ɡbɛnimɔ, bɑ rɑ n tɔmbu ɡoomɔ, bɑ rɑ n sɑkɑrɑru mɔ̀, kpɑ bɑ n nɔɔ mwɛɛ weesuɡinu mɔ̀, kpɑ bɑ n bũu wi bɑ mɔ̀ Bɑɑli turɑre dɔ̃ɔ dokeɑmmɛ, kpɑ bɑ n mɑɑ bũu sɑ̃ɑru mɔ̀ te bɑ ku rɑ rɑɑ ko.

Yeremi 9:10

Yinni Gusunɔ u nɛɛ, u koo de Yerusɑlɛmu yu ko bɑnsu, kpɑ yu ko ɡbeeku bɔ̃nun wɑ̃ɑ yeru. Mɛyɑ u koo mɑɑ de Yudɑbɑn wusu su ko bɑnsu.

Yeremi 9:12

Yinni Gusunɔ u mɑɑ nɛɛ, yeni yɑ koorɑwɑ yèn sɔ̃ nɛn tɔmbu bɑ nɛn woodɑbɑ deri ye nɑ bu wɛ̃, mɑ bɑ ǹ nɛn ɡere wure, bɑ ǹ kɑ ye sɔmburu kue.

Yeremi 9:2

Yinni Gusunɔ u ɡeruɑ u nɛɛ, bɑ rɑ n nɔɔ dɛ̃ɛrɑwɑ bu kɑ weesu ko. Bɑ ku rɑ tem mɛ kpɑre dee dee ɡem sɔɔ, sere kɑ weesu. Wee siyɑ su kuɑ ben dɑm. Bɑ rɑ n nuku kɔ̃suru mɔ̀wɑ bɑ n dɔɔ. Mɛyɑ bɑ ku rɑ nɛ, Yinni Gusunɔ wure.

Osee 7:4

Be kpuro bɑ sɑ̃ɑwɑ sɑkɑrɑ kowobu bɑ sum nɡe pɛ̃ɛ wɔ̃ɔ yeru te pɛ̃ɛ kowo u dɔ̃ɔ doke u deri. Mɑ u dɑ u win pɛ̃ɛ som burɑ u yi sere mu kɑ se.

Yoɛli 1:10

Gbeɑ kpuro yɑ kɑm kuɑ. Mɑ yen tem mu sɑɑrɑ. Alikɑmɑ sɑri, resɛm kɑ ɡum mɑɑ sɑri.

Sɑ̃ɑrun Woodɑ 5:1

Su tɛ̃ nɛɛ, ɡoo u bɔ̃ruɑ mɑ u koo seedɑ di ɡɑ̃ɑ ni u wɑn sɔ̃, ɑdɑmɑ u ǹ ɡeruɑ ye u wɑ, ǹ kun mɛ ye u yɛ̃. Sɑɑ ye sɔɔ, yɛ̃ro u torɑwɑ mi.

Sofoni 3:4

Gusunɔn sɔmɔbu bɑ sɑ̃ɑwɑ nɑɑnɛ sɑribɑ. Bɑ ku rɑ ɡere ye Gusunɔ u bu sɔ̃ɔwɑ. Bɛɛn yɑ̃ku kowobu bɑ Gusunɔn sɑ̃ɑru disi dokemɔ. Bɑ ku rɑ woodɑbɑ mɛm nɔɔwɛ.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Timɔte I 1:10

kɑ mɑɑ sɑkɑrɑ kowobu, kɑ tɔn durɔ be bɑ kɔ̃ɔ mɛnnɑmɔ ben tii tiinɛ, kɑ be bɑ tɔmbu ɡbɛnimɔ bɑ dɔrɑmɔ, kɑ weesuɡibu, kɑ be bɑ weesu sɔɔ bɔ̃rumɔn sɔ̃, bɑɑyere kpuro ɡesi ye yɑ kun sɑ̃ɑ sɔ̃ɔsi ɡeeru.

Heberu 13:4

I de bɑɑwure u n durɔ kɑ kurɔn suɑnɑɑn bɛɛrɛ yɛ̃ kpɑ durɔ kɑ kurɔ sɔɔ torɑrɑ kun wɑ̃ɑ. Domi Gusunɔ u koo bu siri be bɑ kɔ̃ɔ mɛnnɑmɔ tɑntɑnɑru sɔɔ kɑ be bɑ sɑkɑrɑru mɔ̀.

Yɑkɔbu 4:4

Bɛɛ be i ǹ kɑ tɔn turo yɔ̃, i ǹ yɛ̃ mɑ hɑnduniɑn bɔrɔ Gusunɔn yibɛrɛwɑ? Ǹ n mɛn nɑ wi u kĩ u ko hɑnduniɑn bɔrɔ, u tii kuɑ Gusunɔn yibɛrɛ.