Yeremi 22:28 - Bibeli Gusunɔn Gari

²⁸ Gɑbɑ koo bikiɑ bu nɛɛ, Yoyɑkini wi, u sɑ̃ɑwɑ nɡe weke te tɑ kɔsire, ǹ kun mɛ, nɡe ɡɑ̃ɑ ni ɡoo kun mɑɑ kĩ? Aɑwo. Ǹ n mɛn nɑ, mbɑn sɔ̃nɑ bɑ wi kɑ win bweseru tem yɑrɑ mɑ bɑ kɑ bu dɑ sere mi bɑ ǹ yɛ̃.

Yeremi 22:28 ပူးပေါင်းရင်းမြစ်များ

Sɑmuɛli II 5:21

Yerɑ Filisiti be, bɑ duki suɑ bɑ ben bwɑ̃ɑrokunu deri mi. Mɑ Dɑfidi kɑ win tɔmbu bɑ nu ɡurɑ.

Bɑndun Gɑri II 21:20

Yorɑmu u mɔwɑ wɔ̃ɔ tɛnɑ kɑ yiru sɑnɑm mɛ u bɑndu di. Mɑ u kuɑ wɔ̃ɔ nɔɔbɑ itɑ bɑndu sɔɔ Yerusɑlɛmuɔ. Ye u ɡu, ɡoo kun nùn wɔnwɔndu kue. Mɑ bɑ nùn sikuɑ Dɑfidin wuuɔ. Adɑmɑ n ǹ mɔ sinɑmbun sikɑɔ.

Womusu 31:12

Nɛn yibɛrɛbɑ bɑ mɑn sekuru doke, mɑ be bɑ sɑ̃ɑ nɛɡibu bɑ tu sosimɔ. Be bɑ mɑn yɛ̃, beyɑ bɑ nɛn bɛrum mɔ̀. Bɑ̀ n kɑ mɑn yinnɑ swɑɑɔ, bɑ rɑ duki suwɑ.

Yeremi 14:18

Nɑ̀ n yɑrɑ nɑ dɑ yɑkɑsɔ, nɑ rɑ tɔn be bɑ ɡo tɑbu sɔɔn ɡonu wɑwɑ nu kpĩ. Nɑ̀ n mɑɑ wurɑmɑ wuuɔ, kpɑ n deemɑ tɔmbɑ bɑrɔ ɡɔ̃ɔrun sɑɑbu. Gusunɔn sɔmɔbu kɑ yɑ̃ku kowobu bɑ rɑ n den sirenɛwɑ tem mɛ sɔɔ. Bɑ ǹ yɛ̃ ye bɑ mɔ̀.

Yeremi 15:1

Yinni Gusunɔ u Yeremi sɔ̃ɔwɑ u nɛɛ, nɑ ǹ nɛn tɔmbu Yudɑbɑ wɔnwɔndu kuɑmmɛ, bɑɑ Mɔwisi kɑ Sɑmuɛli bɑ̀ n nɑ nɛn mi, bu kɑ mɑn suuru kɑnɑ ben sɔ̃. Kon bu sɔ̃wɑ n nɛɛ, bu doonɔ nɛn wuswɑɑn di.

Yeremi 16:12

Mɑ ben tii bɑ kɔ̃sɑ kuɑ n kere ben bɑɑbɑ be. Wee ben bɑɑwure u yɔ̃rɑri u win ɡɔ̃run kĩru kɑnkɑm swĩi. Bɑ ǹ nɛn ɡɑri swɑɑ dɑkimɔ.

Yeremi 17:4

Ben torɑnun sɔ̃nɑ bɑ koo ben tem biɑ mɛ mu sɑ̃ɑ ben tubi. Kon bu ko ben yibɛrɛbɑn yobu, kpɑ bu dɑ tem mi bɑ ǹ yɛ̃. Domi bɑ derɑ nɛn mɔru yɑ yɑburɑ nɡe dɔ̃ɔ. Yɑ ko n mɑɑ yɑburewɑ sere kɑ bɑɑdommɑɔ.

Yeremi 22:27

Sɑɑ ɡɑɑ sɔɔ, bɑ ko bɑ n kĩ bu ɡɔsirɑmɑ ben temɔ ɑdɑmɑ yɑ ǹ koorɔ.

Yeremi 22:30

U nɛɛ, i durɔ wi ɡɑrisio wi u ǹ koorɑmɔ win wɑ̃ɑru sɔɔ. U ko n sɑ̃ɑwɑ nɡe wi u bibu biɑ, domi win bweseru sɔɔ, ɡoo kun mɑɑ sinɑmɔ sinɑ ɡɔnɑ sɔɔ u Yudɑbɑ kpɑrɑ.

Yeremi 24:1

Ye Nɛbukɑnɛsɑɑ, Bɑbilonin sinɑ boko u Yoyɑkini, Yoyɑkimun bii, Yudɑbɑn sinɑ boko mwɑ kɑ win sinɑ ɑsɑkpɔbu kɑ ben dɑ̃ɑ dɑ̃kobu kɑ ben sekobu, u kɑ bu dɑ Bɑbiloniɔ, sɑɑ ye sɔɔrɑ Yinni Gusunɔ u Yeremi fiɡie bii ni bɑ doke birenu yiru sɔɔ sɔ̃ɔsi sɑ̃ɑ yerun kɔnnɔwɔ.

Yeremi 37:1

Bɑbilonin sinɑ boko Nɛbukɑnɛsɑɑ u Sedesiɑsi Yosiɑsin bii kuɑ sinɑ boko Yudɑɔ, Yekoniɑ Yoyɑkimun biin ɑyerɔ.

Yeremi 48:38

Bɑ ɡɔɔ wuri mɔ̀ yɛnu bɑɑɡere sɔɔ kɑ sere mi bɑ rɑ mɛnnɛ kpuro ɡesi domi nɑ Mɔɑbubɑn tem kɔsukɑ nɡe weke te ɡoo kun mɑɑ kĩ. Nɛ, Yinni Gusunɔwɑ nɑ yeni ɡeruɑ.

Osee 13:15

Bɑɑ Isirelibɑ bɑ̀ n kuurɑ ɑmɔ, beɡibun suunu sɔɔ, yibɛrɛbɑ bɑ koo nɑ nɡe woo sum sɑɑ sɔ̃ɔ yɑri yerun di. Nɛ, Yinni Gusunɔ nɑ kon bu seeyɑmɑwɑ ɡbɑburun di, kpɑ bu dɔkɔbɑ ɡberɑsiɑ. Kpɑ bwii yi nim kpe. Gɑ̃ɑ ni nu ɡeɑ sɑ̃ɑ kpurowɑ bɑ koo ɡurɑ bu kɑ doonɑ.

Osee 8:8

Isirelibɑ bɑ derɑ bɑ bu mwɛ. Be wee bwesenu sɔɔ nɡe weke te ɡoo kun mɑɑ kĩ.