Yeremi 22:23 - Bibeli Gusunɔn Gari

²³ Bɛɛ Yerusɑlɛmuɡibu, bɛɛ be i sɔ̃ sɛ̃ɛ bɛɛn dii burɑnu sɔɔ ni i kuɑ kɑ Libɑnin dɑ̃ɑ ɡeɑ, ɑmɔnɑ bɛɛn weeweenu ko n nɛ, sɑnɑm mɛ wuriribu koo bɛɛ deemɑ nɡe tɔn kurɔ wi u yiire u kĩ u mɑ.

Yeremi 22:23 ပူးပေါင်းရင်းမြစ်များ

Yeremi 21:13

Kon Yerusɑlɛmuɡibu wɔri. Be, be bɑ wɑ̃ɑ wɔwɑ sɔɔ kperun wɔllɔ, bɑɑ bɑ̀ n ɡerumɔ bɑ mɔ̀, wɑrɑ u koo kpĩ u du ben wɑ̃ɑ yerɔ, u ben kuku yeru turi.

Yeremi 22:6

Wee ye nɑ mɑɑ ɡeruɑ Yudɑbɑn sinɑ kpɑɑrun sɔ̃. Nɑ nɛɛ, bɑɑ mɛ nɑ sinɑ kpɑɑ te wɑ tɑ wɑ̃ nɡe dɑ̃ɑ sɔ̃ɔ ɡe ɡɑ wɑ̃ɑ Gɑlɑdiɔ, ǹ kun mɛ, nɡe Libɑnin ɡuurun wii kpiiru, kɑ ɡem kon tu bɑnsu koosiɑ. Goo kun mɑɑ sinɑmɔ mi.

Yeremi 3:21

Wee, nɔɔ ɡɑɡu ɡɑ nɔɔrɑ ɡuuru wɔllɔ. Ase Isirelibɑrɑ bɑ kuuki mɔ̀ bɑ bũnu kɑnɑmɔ, domi ben sɑnu sɑnusu kpuro su sɑnkirɑ, bɑ nɛ, Gusunɔ ben Yinni duɑri.

Yeremi 48:28

Tɛ̃, i yɑrio bɛɛn wusun di kpɑ i dɑ i n wɑ̃ɑ kpee bɑɑbɑ sɔɔ, kpɑ i kpee ɡoominu sɑɑri, i bɛɛn wɑ̃ɑ yenu ko kpee bɑɑbɑ sɔɔ.

Yeremi 49:16

Ben tii suɑbu kɑ ben nɔniɡiru tɑ derɑ bɑ kɔ̃ɔrɑ. Be bɑ wɑ̃ɑ kpee bɑɑbɑ sɔɔ, kɑ sere ɡunɡunun wii kpiinɔ, bɑɑ bɑ̀ n wɑ̃ɑ yenu kuɑ sere wɔllun sɔɔ sɔɔwɔ, nɡe ɡunɔ bɑkeru, kon bu surɑmɑ min di. Nɛ, Yinni Gusunɔwɑ nɑ yeni ɡeruɑ.

Yeremi 6:24

Yerusɑlɛmuɡibɑ nɛɛ, ye sɑ ben lɑbɑɑri nuɑ, yerɑ bɛsɛn ɡɔmɑ dwiiyɑ. Sɑ wururɑ nɡe tɔn kurɔ wi u yiire u kĩ u mɑ.

Esekiɛli 17:3

A nɛɛ, ɑmɛniwɑ nɛ, Yinni Gusunɔ nɑ ɡeruɑ. Nɑ nɛɛ, ɡunɔ bɑkeru ɡɑrɑ wɑ̃ɑ tɑ kɑsɑ dɛ̃u mɑ tɑ sɑn bɑkɑsu mɔ si su nɔni bwese bwesekɑ mɔ. Mɑ tɑ yɔ̃ɔwɑ tɑ dɑ sere Libɑnin ɡuurun wii kpiirɔ. Mɑ tɑ dɑ tɑ dɑ̃ɑ ye bɑ mɔ̀ sɛdurun wii kpiiru wĩɑ.

Osee 5:15

Yinni Gusunɔ u nɛɛ, ǹ n mɛn nɑ, kon bu biru kisi kpɑ n wurɑ nɛn wɑ̃ɑ yerɔ sere bu kɑ tubu mɑ bɑ torɑ. Ben nɔni swɑ̃ɑru tɑ koo de bu mɑn kɑsu kpɑ bu mɑn somiru kɑnɑ.

Osee 7:14

Bɑ̀ n mɑn somiru kɑnɑmɔ, bɑ ku rɑ tu ko ɡɔ̃ruɔ. Adɑmɑ bɑ rɑ sinɛwɑ bɑ n tii muririmɔ. Kpɑ bɑ n yĩiyɔ yeyɑ yɑ koo de ben ɡbeɑ yu ɑlikɑmɑ kɑ resɛm ɡeɑ mɑ. Nɡe mɛyɑ bɑ rɑ n mɔ̀ bu kɑ mɑn seesi.

Amɔsu 9:2

Bɑɑ bɑ̀ n kukuɑ ɡɔriɔ, win nɔmu ɡɑ koo bu yɑrɑmɑ. Bɑɑ bɑ̀ n yɔɔwɑ wɔllɔ, u koo bu sɑrɑsiɑmɑ.

Abudiɑsi 1:4

Yen sɔ̃, i n yɛ̃ mɑ bɑɑ ì n dɑ sere mi ɡunɔ bɑkeru tɑ ten sokuru mɔ, ǹ kun mɛ, i duɑ kperiɔ i bɛɛn wɑ̃ɑ yenu kuɑ mi, kon bɛɛ sɑrɑsiɑmɑ. Nɛ, Yinni Gusunɔwɑ nɑ yeni ɡeruɑ.

Hɑbɑkuku 2:9

Bɔ̃rurowɑ wi u dukiɑ ɡurɑmɔ ye yɑ ǹ dɛɛre win berusebun mi, kpɑ u wɑ u n wɑ̃ɑ ɑye bɛɛrɛɡiru sɔɔ, mi u ǹ mɑɑ nɔni swɑ̃ɑru wɑsi.

Gbɑburu 24:21

Ye Bɑlɑmu u mɑɑ Kenibɑ wɑ, yerɑ u nɛɛ, bɛɛ Kenibɑ, wee bɛɛn wɑ̃ɑ yerɑ nɑɑnɛ mɔ nɡe ɡunɔ sokuru te tɑ yii kpee bɑɑ sɔɔ.