Yeremi 22:21 - Bibeli Gusunɔn Gari

²¹ U bɛɛ kirɔ kuɑ sɑnɑm mɛ i wɑ̃ɑ bɔri yɛndu sɔɔ, ɑdɑmɑ i nɛɛ, i ǹ nùn swɑɑ dɑkimɔ. Nɡe mɛyɑ bɛɛn dɑɑ yɑ sɑ̃ɑ sɑɑ bɛɛn piiburun di, i ku rɑ nùn swɑɑ dɑki.

Yeremi 22:21 ပူးပေါင်းရင်းမြစ်များ

Bɑndun Gɑri II 33:10

Yinni Gusunɔ u kɑ Mɑnɑse kɑ win tɔmbu ɡɑri kuɑ. Adɑmɑ bɑ ǹ nùn swɑɑ dɑki.

Womusu 129:1

Sɑ̃ɑ dɑɑrun womu. Ge wee. Isirelibɑ bu ɡeruo sɑnnu sɑnnu bu nɛɛ, ɡeemɑ, tɔn kɔ̃sobu bɑ rɑ n sun dɑm dɔremɔwɑ sɑɑ bɛsɛn bweserun toren di.

Mɔnnu 30:9

Domi nɑ̀ n ɑrumɑni wɑ too, kon nun siki n nɛɛ, wɑrɑ rɑ n wunɛ, Yinni Gusunɔ. Mɛyɑ nɑ̀ n mɑɑ kuɑ sɑ̃ɑro, kon dɑ n ɡbɛni kpɑ n wunɛn yĩsiru sɑnku.

Esɑi 48:8

Wee i ku rɑ mɑn swɑɑ dɑki. I ku rɑ mɑɑ kɑ̃ bu bɛɛ ɡɑ̃ɑnu sɔ̃ɔsi, domi sɑɑ yellun di, bɑ ǹ bɛɛ swɑɑ yɑbe. Nɑ yɛ̃ mɑ i ko ko nɑɑnɛ sɑribɑ, domi bu sere bɛɛ mɑ, bɑ bɛɛ sokɑ be bɑ koo mɑn seesi.

Yeremi 13:10

U nɛɛ, bɑ sɑ̃ɑwɑ tɔn kɔ̃sobu, bɑ ku rɑ wure bu win ɡɑri nɔ. Ben ɡɔ̃ru kĩrun ɡɑriyɑ bɑ rɑ n yɔ̃rɑri, kpɑ bɑ n bũnu yiirɑmmɛ bɑ n sɑ̃ɑmɔ. Bɑ koo kowɑ nɡe kpɑkɑ ye, ye yɑ ǹ mɑɑ ɡɑru koorɔ mi.

Yeremi 19:15

Gusunɔ Isirelibɑn Yinni wi u wɔllu kɑ tem mɔ u nɛɛ, wee u koo de kɔ̃sɑ ye u rɑɑ ɡeruɑ kpuro yu Yerusɑlɛmu kɑ yen wuu si su tie deemɑ. Domi sin tɔmbɑ swɑɑ tɑɑyɑ, bɑ ǹ win ɡere nuɑ.

Yeremi 2:25

Bɛɛ Isirelibɑ, nɑ nɛɛ, i ku bũnu ɡɑsiri sere bɛɛn bɑrɑnu nu diirɑ, kpɑ nim nɔru ɡu bɛɛ ɡo. Adɑmɑ i ǹ wure. Mɑ i nɛɛ, n ǹ koorɔ, domi niyɑ i kĩ, i ko mɑɑ nu swĩi i sɑ̃wɑ.

Yeremi 2:31

Bɛɛ Isirelibɑ, bɛɛ be i tie, i nɛ, Yinni Gusunɔn ɡɑri swɑɑ dɑkio i nɔ. Nɑ bɛɛ sɑ̃ɑwɛwɑ nɡe tem mi ɡɑ̃ɑnu ku rɑ kpi? Nɑ bɛɛ sɑ̃ɑwɛwɑ nɡe yɑm wɔ̃ku nɑnumɡiru? Mbɑn sɔ̃nɑ bɛɛ nɛn tɔmbu i ɡerumɔ i mɔ̀, i tii mɔ, i ǹ ɡɔsirɑmɑmɔ nɛn mi.

Yeremi 25:3

sɑɑ Yosiɑsi, Amɔɔn biin bɑndun wɔ̃ɔ wɔkurɑ itɑsen di, n kɑ ɡisɔ ɡirɑri, yen wɔ̃ɔ yɛndɑ itɑwɑ mi. Sɑɑ min diyɑ nɑ rɑ n bɛɛ Gusunɔn ɡɑri sɔ̃ɔmɔ ɑdɑmɑ i ku rɑ mɑn swɑɑ dɑki.

Yeremi 25:4

Yinni Gusunɔ u rɑ n bɛɛ win sɔm kowobu ɡɔriɑmmɛ, berɑ win sɔmɔbu. U derɑ bɑ nɑ nɑ sɑɑ yee yellun di. Adɑmɑ i ǹ bu swɑɑ dɑki, i ǹ ben ɡɑri wure.

Yeremi 25:7

Adɑmɑ Yinni Gusunɔn tii u nɛɛ, i ǹ nùn swɑɑ dɑki. I win mɔru seeyɑwɑ bɛɛn bwɑ̃ɑroku ni i kuɑn sɔ̃. Mɑ yɑ kɑ bɛɛ kɔ̃sɑ nɑɑwɑ.

Yeremi 25:8

Yen sɔ̃nɑ wi, Gusunɔ wɔllu kɑ tem Yinni u nɛɛ, yèn sɔ̃ i ǹ nùn swɑɑ dɑki,

Yeremi 3:24

Wee, sɑɑ bɛsɛn birun di sɑ wɑɑmɔ bũu wi bɑ mɔ̀ Bɑɑli, wiyɑ u bɛsɛn bɑɑbɑbɑn ɡbeɑn dĩɑnu di kpuro, kɑ mɑɑ ben yɑ̃ɑnu kɑ ben kɛtɛbɑ kɑ sere ben bibu. Mɑ bɑ sekuru wɑ.

Yeremi 3:25

Su kpunɑ sekuru sɔɔ kpɑ su bɛsɛn bɛɛrɛ sɑriru wukiri nɡe bekuru. Domi bɛsɛ kɑ bɛsɛn bɑɑbɑbɑ sɑ wunɛ Gusunɔ bɛsɛn Yinni torɑri. Sɑɑ bɛsɛn birun di n kɑ ɡisɔ ɡirɑri sɑ ǹ wunɛn ɡere wure.

Yeremi 32:30

Wee kɔ̃sɑ Isirelibɑ kɑ Yudɑbɑ bɑ rɑ n mɔ̀ sɑɑ ben toren di. Ben ye bɑ mɔ̀ kpuro yɑ rɑ nɛn mɔru seeyewɑ. Nɛ, Yinni Gusunɔwɑ nɑ yeni ɡeruɑ.

Yeremi 35:15

Nɑ bu nɛn sɔmɔbu ɡɔriɑmɑ sɑɑ yellun di, bu kɑ ben bɑɑwure sɔ̃ u win dɑɑ kɔ̃sɑ deri. Bu ku mɑɑ bũnu sɑ̃ kpɑ bu wɑ bɑ n wɑ̃ɑ tem mɛ sɔɔ, mɛ nɑ ben bɑɑbɑbɑ wɛ̃. Adɑmɑ bɑ ǹ sɔmɔ be swɑɑ dɑki, bu sere mɑn mɛm nɔɔwɑ.

Yeremi 48:11

Wee, sɑɑ yellun di, Mɔɑbubɑ bɑ wɑ̃ɑ bɔri yɛndu sɔɔ. Bɑ ǹ yoru diire ɡɑm. Bɑ sɔ̃wɑ kpɛtɛɛ nɡe tɑm kɔrɔru. Bɑ ǹ bu ɡɔsiɑre ɡɑm sɔɔ nɡe tɑm. Ben dobu kɑ ben wɑni kun kɔsɑ.

Yeremi 6:16

Yinni Gusunɔ u win tɔmbu sɔ̃ɔwɑ u nɛɛ, i seewo i swɛɛ mɛɛri i bɛɛn yellun swɑɑ burɑ ye kɑsu i swĩi, kpɑ i wɑ i n wɑ̃ɑ bɔri yɛndu sɔɔ. Adɑmɑ bɑ wisɑ bɑ nɛɛ, sɑ ǹ ye swĩimɔ.

Esekiɛli 20:13

Adɑmɑ be Isirelibɑ bɑ mɑn seesi ɡbɑburɔ bɑ ǹ nɛn woodɑbɑ kɑ nɛn ɡere mɛm nɔɔwɛ ye bɑ̀ n swĩi bɑ ko n wɑ̃ɑru mɔ. Mɛyɑ bɑ ǹ mɑɑ nɛn tɔ̃ɔ wɛ̃rɑruɡiru mɛm nɔɔwɛ sere nɑ bwisikɑ n kɑ bu mɔru ko n bu kpeerɑsiɑ ɡbɑburɔ.

Esekiɛli 20:21

Adɑmɑ kɑ mɛ, bii be, bɑ mɑn seesi, bɑ ǹ nɛn woodɑbɑ kɑ nɛn ɡere mɛm nɔɔwɛ ye bɑ̀ n swĩi bɑ ko n wɑ̃ɑru mɔ. Bɑ nɛn tɔ̃ɔ wɛ̃rɑruɡiru disi doke. Mɑ nɑ bwisikɑ n kɑ bu nɛn mɔru seesi ɡbɑburu mi.

Esekiɛli 20:28

Nɑ kɑ bu dɑ tem mɛ sɔɔ mɛ nɑ bu nɔɔ mwɛɛru kuɑ nɑ sire kɑ bɔ̃ri. Miyɑ bɑ ben binɛ doke ɡunɡunu ɡiɑ kɑ dɑ̃ɑ kubenu ɡiɑ. Mɑ ye kpuro yɑ kuɑ ben bũu yɑ̃ku yenu. Miyɑ bɑ rɑ yɑ̃ku dɔ̃ɔ mwɑɑrɑruɡinu ko kɑ sere ni bɑ rɑ ko kɑ ɡberun dĩɑnu kɑ tɑm kpɑ bu turɑre dɔ̃ɔ doke. Ye kpuro yɑ derɑ nɛn mɔru seewɑ.

Esekiɛli 20:8

Kɑ mɛ, bɑ mɑn seesi bɑ yinɑ bu mɑn swɑɑ dɑki. Ben ɡoo kun bũu ni deri, nì sɔɔ ben kɔdɛ wɑ̃ɑ. Bɑ ǹ Eɡibitin bũu ni deri. Mɑ nɑ bwisikɑ n bu mɔru kpuro seesi n bu wɔri Eɡibitiɔ.

Sofoni 3:2

I ku rɑ ɡooɡii nɔ. I ku rɑ mɑɑ sɛɛyɑsiɑbu wure. I ku rɑ Gusunɔ bɛɛn Yinni nɑɑnɛ ko. I ku rɑ mɑɑ nùn susi.

Sɑkɑri 7:7

Yellu, nɛ, Yinni Gusunɔ nɑ tɔmbu kirɔ kuɑ kɑ ɡɑri yinin bweseru nɛn sɔmɔ ɡbiikobun min di. Sɑɑ ye sɔɔ, Yerusɑlɛmu kɑ wuu si su kɑ ye sikerenɛn tɔmbu bɑ wɑ̃ɑ bɔri yɛndu sɔɔ, mɑ tɔmbɑ yibɑ sɔ̃ɔ yɛ̃sɑn nɔm dwɑru ɡiɑ kɑ wɔwɑɔ.

Sɔ̃ɔsiru 31:27

Nɑ bɛɛn swɑɑ tɑɑbu yɛ̃. Domi i rɑ Yinni Gusunɔ seesi nɛn wuswɑɑɔ. Kɑɑ rɑ sere ɡere nɛn ɡɔɔn biru?

Sɔ̃ɔsiru 9:24

I rɑ n Yinni Gusunɔ seesimɔwɑ sɑɑ mìn di nɑ bɛɛ yɛ̃.

Sɔ̃ɔsiru 9:7

I yɑɑyo nɡe mɛ i Gusunɔ bɛsɛn Yinnin mɔru seeyɑ ɡbɑburɔ. Sɑɑ dɔmɑ tèn di i yɑrimɑ Eɡibitin di sere i kɑ tunumɑ mini, i rɑ n nùn seesimɔwɑ.